​Paris Peace Agreements 1991

Friday, May 19, 2017

មនុស្ស​ ៦៨​ស្លាប់ ខណៈ​ ២៣៤​នាក់​ រង​របួស​ ក្នុង​គ្រោះ​ថ្នាក់​ ចរាចរណ៍ កន្លះ​ខែ​ មក​នេះ | 68 died, 234 wounded from traffic accidents within past half month

មនុស្ស​ ៦៨​ស្លាប់ ខណៈ​ ២៣៤​នាក់​ រង​របួស​ ក្នុង​គ្រោះ​ថ្នាក់​ ចរាចរណ៍ កន្លះ​ខែ​ មក​នេះ

VOD | ១៨ ឧសភា ២០១៧

មនុស្ស​ ដល់​ទៅ ៦៨​នាក់ ត្រូវ​ បាន​សម្លាប់, ហើយ ២៣៤​នាក់​ ទៀត បាន​រង​របួស នៅ​ក្នុង​ គ្រោះ​ថ្នាក់​ ចរាចរណ៍ ​ទូទាំង ​ប្រទេស នៅ​ក្នុង​ រយៈ​ពេល ១៦​ថ្ងៃ​ ក្នុង​ខែ​នេះ។  នេះ​ ដោយ​ផ្អែក​ តាម​របាយការណ៍​ គ្រោះ​ថ្នាក់​ ចរាចរណ៍ ​ផ្លូវ​គោក ដែល​ត្រូវ បាន​ផ្សព្វផ្សាយ​ លើ​វេបសាយ​ នគរបាល​ជាតិ។


របាយការណ៍​ដដែល​នោះ បាន​បន្ថែម​ថា ចាប់​ពី​ថ្ងៃ​ទី​០១ ដល់​ថ្ងៃ​ទី​១៦ ខែ​ឧសភា​នេះ គ្រោះ​ថ្នាក់​ចរាចរណ៍​ចំនួន ១៣៥​ករណី បានកើត​ឡើង​នៅ​ទូទាំង​ប្រទេស ដោយ​បាន​សម្លាប់​មនុស្ស​ដល់​ទៅ ៦៨​នាក់ និង​បណ្ដាល​ឲ្យ​មនុស្ស ២៣៤​នាក់​ទៀត​រង​របួស ក្នុង​នោះ ១៦០​នាក់​រង​របួស​ធ្ងន់។

គ្រោះ​ថ្នាក់​ចរាចរណ៍ ត្រូវ​បាន​នគរបាល​ចរាចរណ៍​រាយការណ៍​ថា កើត​ឡើង​រៀង​រាល់​ថ្ងៃ ដោយ​បាន​សម្លាប់​មនុស្ស​ដល់​ទៅ​ជាង ១៦០០​នាក់ និង​ជាង ៦៦០០​នាក់​ទៀត​បាន​រង​របួស កាល​ពី​ឆ្នាំ​មុន៕

No comments:

Post a Comment