 |
| រូបឯកសារ៖ លោក សុខ ឥសាន អ្នកនាំពាក្យគណបក្សប្រជាជនកម្ពុជា ផ្តល់បទសម្ភាសន៍ជាមួយ VOA នៅឯទីស្នាក់ការគណបក្ស ក្នុងរាជធានីភ្នំពេញ កាលពីថ្ងៃទី១២ ខែតុលា ឆ្នាំ២០១៦។ (ហ៊ាន សុជាតា/ VOA) |
មន្ត្រី រដ្ឋាភិបាល មានទស្សនៈ ខុសគ្នា ចំពោះ ការអំពាវនាវ របស់ អាមេរិក ទាក់ទិន នឹងការ គំរាម ប្រើហិង្សា មុនពេល បោះឆ្នោត
VOA / វីអូអេ |
សហរដ្ឋ អាមេរិក បានស្នើ ឲ្យប្រទេស កម្ពុជា ជៀសវាង ការគំរាមកំហែង
និងការ បភិតបំភ័យ ខាងនយោបាយ
ខណៈ ដែលយុទ្ធនាការ ឃោសនា បោះឆ្នោត ឃុំ-សង្កាត់ រយៈពេល ១៤ថ្ងៃ
ឈានចូល មកដល់។
ក្រុមមន្ត្រី នៃគណបក្ស កាន់អំណាច មានទស្សនៈ ខុសគ្នា ចំពោះ សេចក្តី អំពាវនាវ របស់ ប្រទេស មហាអំណាចនេះ។
ភ្នំពេញ —
ក្រុមមន្ត្រី នៃគណបក្ស កាន់អំណាច នៅថ្ងៃ អាទិត្យនេះ
បានប្រតិកម្ម ក្នុងជំហរ ផ្ទុយគ្នា តបទៅ នឹង
សេចក្តី អំពាវនាវ របស់ សហរដ្ឋ អាមេរិក
ក្នុងការ ធានា ឲ្យបាន នូវបរិយាកាស សេរី នៃការ អនុវត្ត សិទ្ធិនយោបាយ និងការ បញ្ចេញមតិ
ដោយគ្មាន ការគំរាមកំហែង។
អ្នកស្រី Katina Adams អ្នកនាំពាក្យ ក្រសួង ការបរទេស សហរដ្ឋ អាមេរិក បានថ្លែង កាលពីពេល ថ្មីៗនេះ ថា , រដ្ឋាភិបាល កម្ពុជា ត្រូវ ចាត់វិធានការ បន្ទាន់ ដើម្បី ធានា សេរីភាព នៃលំហ នយោបាយ ដែលគ្មាន ការគំរាមកំហែង ឬការ បំភិតបំភ័យ ក្នុងប្រទេស។
អ្នកស្រី ក៏ស្នើ ឲ្យរដ្ឋាភិបាល កម្ពុជា លើកកម្ពស់ សិទ្ធិសេរីភាព ខាងការ បញ្ចេញមតិ ដែលមាន ការទទួលស្គាល់ ជាអន្តរជាតិ សម្រាប់ ពលរដ្ឋ កម្ពុជា ទាំងអស់។
អ្នកនាំពាក្យគណបក្សប្រជាជនកម្ពុជា លោក សុខ ឥសាន មិនមានការឆ្លើយតបធ្ងន់ៗ ទៅនឹងសេចក្តីអំពាវនេះទេ។ លោកបានប្រាប់ VOA នៅថ្ងៃអាទិត្យនេះថា ការអំពាវនាវរបស់សហរដ្ឋអាមេរិក គឺស្របទៅនឹងអ្វី ដែលរដ្ឋាភិបាលកម្ពុជាចង់បានផងដែរ។
«នេះជាមតិល្អរបស់គាត់ហើយ ហើយវាស្របទៅតាមគោលការណ៍ ក៏ដូចជា គំនិតរបស់គណបក្សប្រជាជនដែរ គឺក្នុងនាមជាគណបក្សកាន់អំណាច គឺចង់ណាស់ឲ្យបាននូវសភាពការណ៍នយោបាយល្អប្រសើរ សម្រាប់ទៅរកការបោះឆ្នោតនេះ។ អញ្ចឹងការអំពាវនាវរបស់គាត់ហ្នឹងមិនបាច់ធ្វើអីទៀតទេ ព្រោះសភាពការណ៍វាមានលក្ខណៈល្អប្រសើរ រួចទៅហើយបាទ។»
លោកបន្ថែមថា បុគ្គលដែលចូលរួមក្នុងយុទ្ធនាការឃោសនាបោះឆ្នោត មិនអាចធ្វើសកម្មភាពល្មើសនឹងគោលការណ៍របស់ គណៈកម្មាធិការជាតិរៀបចំការបោះឆ្នោត (គ.ជ.ប) ដែលទាមទារឲ្យការធ្វើយុទ្ធនាការឃោសនាបោះឆ្នោត ប្រព្រឹត្តទៅក្នុងបរិយាកាសយោគយល់គ្នា និងគ្មានការទិតៀនគណបក្សនយោបាយណាមួយ។
មេដឹកនាំនិងក្រុមអ្នកគាំទ្រគណបក្សនយោបាយចំនួន ១២ បានចាប់ផ្តើមការធ្វើយុទ្ធនាការឃោសនាបោះឆ្នោតឃុំ-សង្កាត់ កាលពីថ្ងៃសៅរ៍កន្លងទៅ នៅក្នុងទីតាំងផ្សេងៗគ្នានៅក្នុងប្រទេស។ មិនមានសេចក្តីរាយការណ៍អំពីការផ្ទុះឡើងនៃអំពើហិង្សានោះនៅឡើយទេ។
សេចក្តីអំពាវនាវរបស់អ្នកនាំពាក្យក្រសួងការបរទេសសហរដ្ឋអាមេរិក ធ្វើឡើង មិនប៉ុន្មានថ្ងៃក្រោយពីមានការគំរាមកំហែង ពីមេបក្សកាន់អំណាច លោកហ៊ុន សែន ពីរឿងសង្គ្រាមស៊ីវិលនិង ការគំរាមរបស់លោកទៀ បាញ់ ពីការវាយបំបែកធ្មេញអ្នកតវ៉ាចំពោះលទ្ធផលនៃការបោះឆ្នោតនាពេលខាងមុខ។
លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រី បានប្រាប់ VOA នៅថ្ងៃអាទិត្យនេះថា ការអំពាវនាវរបស់សហរដ្ឋអាមេរិក មិនមែនជាការលើកទឹកចិត្តដល់ការអនុវត្តលទ្ធិប្រជាធិបតេយ្យក្នុងប្រទេសកម្ពុជានោះទេ តែជាការបង្ហាញពីនិន្នាការនយោបាយគាំទ្រគណបក្សនយោបាយណាមួយដែលលោកមិនបញ្ចេញឈ្មោះឲ្យចំនោះ។
«ការលើកឡើងរបស់គាត់ គឺមាននិន្នាការនយោបាយ ជាជាងការលើកទឹកចិត្ត ឲ្យមានការប្រកួតប្រជែង ទៅតាមអ្វីដែលបាននៅក្នុងច្បាប់ នៃការបោះឆ្នោត ហើយដែលយើងមានយន្តការនៃការប្រិតប្រៀងនៃដំណើរការនៃការបោះឆ្នោត ហើយឆ្លើយតបនឹងដែលវាមានតួនាទីត្រឹមត្រូវនៃប្រទេសដែលមានអធិបតេយ្យភាព ហើយប្រជាពលរដ្ឋដែល ជាម្ចាស់នៃលទ្ធិប្រជាធិបតេយ្យ។»
លោក យឿង សុធារ៉ា មន្ត្រីច្បាប់ និងអង្កេតនៃអង្គការឃ្លាំមើលការបោះឆ្នោត ខុមហ្វ្រែល ប្រាប់ VOA ថា សេចក្តីអំពាវនាវរបស់សហរដ្ឋមិនមែនជាការបញ្ជាឲ្យរដ្ឋាភិបាលធ្វើអ្វីទៅតាមខ្លួនចង់បាននោះឡើយ តែវាគ្រាន់តែជាការសំដែងក្តីបារម្ភចំពោះបរិយាកាសនយោបាយនៅកម្ពុជា ដោយសារតែកាលពីកន្លងមកមេដឹកនាំរដ្ឋាភិបាល ក៏ដូចជាមន្ត្រីជាន់ខ្ពស់រដ្ឋាភិបាល បានប្រើសារនយោបាយគំរាមកំហែង ដូចជាការបំភិតបំភ័យនៃការកើតមានសង្គ្រាមជាដើម។
លោកថា ទោះយ៉ាងក្តី រដ្ឋាភិបាល គួរពិចារណាលើសេចក្តីអំពាវនាវរបស់សហរដ្ឋអាមេរិក ព្រោះកម្ពុជាត្រូវការការទទួលស្គាល់ជាអន្តរជាតិ ចំពោះការបោះឆ្នោតតាមបែបប្រជាធិបតេយ្យ។
«ការទទួលស្គាល់ការបោះឆ្នោតមួយនៅក្នុងរដ្ឋអធិបតេយ្យមួយ វាទាមទារដែរការទទួលស្គាល់ពីអន្តរជាតិ ការថ្លែងអំណរសាទរពីអន្តរជាតិ ពីសហគមន៍អន្តរជាតិ អញ្ចឹងយើងគួរតែគិតពិចារណាដែរ។»
ប្រទេសកម្ពុជា ត្រូវក្រុមអ្នកសង្កេតការណ៍ស្ថានភាពនយោបាយកម្ពុជា មើលឃើញ ថា បានងាកទៅពង្រឹងទំនាក់ទំនងក្នុងភាពដៃគូយុទ្ធសាស្ត្រជាមួយប្រទេសកុម្មុយនីស្តចិនកាន់តែខ្លាំងឡើង។ ហេតុដូច្នេះរដ្ឋាភិបាលប្រទេសដ៏ក្រីក្រនេះ ពុំសូវយកចិត្តទុកដាក់ដល់ការផ្តល់យោបល់ ឬការអំពាវនាវនានាពីប្រទេសប្រកាន់លទិ្ធប្រជាធិបតេយ្យ ដែលចង់ឲ្យកម្ពុជាមានការគោរពសិទ្ធិមនុស្ស និងសិទ្ធិនយោបាយពេញលេញ៕
អ្នកស្រី Katina Adams អ្នកនាំពាក្យ ក្រសួង ការបរទេស សហរដ្ឋ អាមេរិក បានថ្លែង កាលពីពេល ថ្មីៗនេះ ថា , រដ្ឋាភិបាល កម្ពុជា ត្រូវ ចាត់វិធានការ បន្ទាន់ ដើម្បី ធានា សេរីភាព នៃលំហ នយោបាយ ដែលគ្មាន ការគំរាមកំហែង ឬការ បំភិតបំភ័យ ក្នុងប្រទេស។
អ្នកស្រី ក៏ស្នើ ឲ្យរដ្ឋាភិបាល កម្ពុជា លើកកម្ពស់ សិទ្ធិសេរីភាព ខាងការ បញ្ចេញមតិ ដែលមាន ការទទួលស្គាល់ ជាអន្តរជាតិ សម្រាប់ ពលរដ្ឋ កម្ពុជា ទាំងអស់។
អ្នកនាំពាក្យគណបក្សប្រជាជនកម្ពុជា លោក សុខ ឥសាន មិនមានការឆ្លើយតបធ្ងន់ៗ ទៅនឹងសេចក្តីអំពាវនេះទេ។ លោកបានប្រាប់ VOA នៅថ្ងៃអាទិត្យនេះថា ការអំពាវនាវរបស់សហរដ្ឋអាមេរិក គឺស្របទៅនឹងអ្វី ដែលរដ្ឋាភិបាលកម្ពុជាចង់បានផងដែរ។
«នេះជាមតិល្អរបស់គាត់ហើយ ហើយវាស្របទៅតាមគោលការណ៍ ក៏ដូចជា គំនិតរបស់គណបក្សប្រជាជនដែរ គឺក្នុងនាមជាគណបក្សកាន់អំណាច គឺចង់ណាស់ឲ្យបាននូវសភាពការណ៍នយោបាយល្អប្រសើរ សម្រាប់ទៅរកការបោះឆ្នោតនេះ។ អញ្ចឹងការអំពាវនាវរបស់គាត់ហ្នឹងមិនបាច់ធ្វើអីទៀតទេ ព្រោះសភាពការណ៍វាមានលក្ខណៈល្អប្រសើរ រួចទៅហើយបាទ។»
លោកបន្ថែមថា បុគ្គលដែលចូលរួមក្នុងយុទ្ធនាការឃោសនាបោះឆ្នោត មិនអាចធ្វើសកម្មភាពល្មើសនឹងគោលការណ៍របស់ គណៈកម្មាធិការជាតិរៀបចំការបោះឆ្នោត (គ.ជ.ប) ដែលទាមទារឲ្យការធ្វើយុទ្ធនាការឃោសនាបោះឆ្នោត ប្រព្រឹត្តទៅក្នុងបរិយាកាសយោគយល់គ្នា និងគ្មានការទិតៀនគណបក្សនយោបាយណាមួយ។
មេដឹកនាំនិងក្រុមអ្នកគាំទ្រគណបក្សនយោបាយចំនួន ១២ បានចាប់ផ្តើមការធ្វើយុទ្ធនាការឃោសនាបោះឆ្នោតឃុំ-សង្កាត់ កាលពីថ្ងៃសៅរ៍កន្លងទៅ នៅក្នុងទីតាំងផ្សេងៗគ្នានៅក្នុងប្រទេស។ មិនមានសេចក្តីរាយការណ៍អំពីការផ្ទុះឡើងនៃអំពើហិង្សានោះនៅឡើយទេ។
សេចក្តីអំពាវនាវរបស់អ្នកនាំពាក្យក្រសួងការបរទេសសហរដ្ឋអាមេរិក ធ្វើឡើង មិនប៉ុន្មានថ្ងៃក្រោយពីមានការគំរាមកំហែង ពីមេបក្សកាន់អំណាច លោកហ៊ុន សែន ពីរឿងសង្គ្រាមស៊ីវិលនិង ការគំរាមរបស់លោកទៀ បាញ់ ពីការវាយបំបែកធ្មេញអ្នកតវ៉ាចំពោះលទ្ធផលនៃការបោះឆ្នោតនាពេលខាងមុខ។
លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រី បានប្រាប់ VOA នៅថ្ងៃអាទិត្យនេះថា ការអំពាវនាវរបស់សហរដ្ឋអាមេរិក មិនមែនជាការលើកទឹកចិត្តដល់ការអនុវត្តលទ្ធិប្រជាធិបតេយ្យក្នុងប្រទេសកម្ពុជានោះទេ តែជាការបង្ហាញពីនិន្នាការនយោបាយគាំទ្រគណបក្សនយោបាយណាមួយដែលលោកមិនបញ្ចេញឈ្មោះឲ្យចំនោះ។
«ការលើកឡើងរបស់គាត់ គឺមាននិន្នាការនយោបាយ ជាជាងការលើកទឹកចិត្ត ឲ្យមានការប្រកួតប្រជែង ទៅតាមអ្វីដែលបាននៅក្នុងច្បាប់ នៃការបោះឆ្នោត ហើយដែលយើងមានយន្តការនៃការប្រិតប្រៀងនៃដំណើរការនៃការបោះឆ្នោត ហើយឆ្លើយតបនឹងដែលវាមានតួនាទីត្រឹមត្រូវនៃប្រទេសដែលមានអធិបតេយ្យភាព ហើយប្រជាពលរដ្ឋដែល ជាម្ចាស់នៃលទ្ធិប្រជាធិបតេយ្យ។»
លោក យឿង សុធារ៉ា មន្ត្រីច្បាប់ និងអង្កេតនៃអង្គការឃ្លាំមើលការបោះឆ្នោត ខុមហ្វ្រែល ប្រាប់ VOA ថា សេចក្តីអំពាវនាវរបស់សហរដ្ឋមិនមែនជាការបញ្ជាឲ្យរដ្ឋាភិបាលធ្វើអ្វីទៅតាមខ្លួនចង់បាននោះឡើយ តែវាគ្រាន់តែជាការសំដែងក្តីបារម្ភចំពោះបរិយាកាសនយោបាយនៅកម្ពុជា ដោយសារតែកាលពីកន្លងមកមេដឹកនាំរដ្ឋាភិបាល ក៏ដូចជាមន្ត្រីជាន់ខ្ពស់រដ្ឋាភិបាល បានប្រើសារនយោបាយគំរាមកំហែង ដូចជាការបំភិតបំភ័យនៃការកើតមានសង្គ្រាមជាដើម។
លោកថា ទោះយ៉ាងក្តី រដ្ឋាភិបាល គួរពិចារណាលើសេចក្តីអំពាវនាវរបស់សហរដ្ឋអាមេរិក ព្រោះកម្ពុជាត្រូវការការទទួលស្គាល់ជាអន្តរជាតិ ចំពោះការបោះឆ្នោតតាមបែបប្រជាធិបតេយ្យ។
«ការទទួលស្គាល់ការបោះឆ្នោតមួយនៅក្នុងរដ្ឋអធិបតេយ្យមួយ វាទាមទារដែរការទទួលស្គាល់ពីអន្តរជាតិ ការថ្លែងអំណរសាទរពីអន្តរជាតិ ពីសហគមន៍អន្តរជាតិ អញ្ចឹងយើងគួរតែគិតពិចារណាដែរ។»
ប្រទេសកម្ពុជា ត្រូវក្រុមអ្នកសង្កេតការណ៍ស្ថានភាពនយោបាយកម្ពុជា មើលឃើញ ថា បានងាកទៅពង្រឹងទំនាក់ទំនងក្នុងភាពដៃគូយុទ្ធសាស្ត្រជាមួយប្រទេសកុម្មុយនីស្តចិនកាន់តែខ្លាំងឡើង។ ហេតុដូច្នេះរដ្ឋាភិបាលប្រទេសដ៏ក្រីក្រនេះ ពុំសូវយកចិត្តទុកដាក់ដល់ការផ្តល់យោបល់ ឬការអំពាវនាវនានាពីប្រទេសប្រកាន់លទិ្ធប្រជាធិបតេយ្យ ដែលចង់ឲ្យកម្ពុជាមានការគោរពសិទ្ធិមនុស្ស និងសិទ្ធិនយោបាយពេញលេញ៕
No comments:
Post a Comment