Paris Peace Accords 23 Oct. 1991

Thursday, May 4, 2017

[Vietnamization: Indochina, Border, Military] «​ឡាវ​ បន្ថែម ​កម្លាំង ​យោធា និង​ជីក​ លេណដ្ឋាន​ ជា​ថ្មី​ទៀត​ នៅ​ខែត្រ ​ស្ទឹងត្រែង» | "Laos increased military troop strength, digs

យោធា​របស់​កម្ពុជា ដែល​កំពុង​ឈរ​ជើង​នៅ​តំបន់​ព្រំដែន​ឋិត​នៅ​ឃុំ​ថ្មកែវ ស្រុក​សៀមប៉ាង ខែត្រ​ស្ទឹងត្រែង កាល​ពី​ថ្ងៃ​ទី​១៧ ខែ​កុម្ភៈ ឆ្នាំ​២០១៧។ Photo Provided

«​ឡាវ​ បន្ថែម ​កម្លាំង ​យោធា និង​ជីក​ លេណដ្ឋាន​ ជា​ថ្មី​ទៀត​ នៅ​ខែត្រ ​ស្ទឹងត្រែង»

RFA |

យោធា​ការពារ​ព្រំដែន​ស្រុក​សៀមប៉ាង ខែត្រ​ស្ទឹងត្រែង អះអាង​ថា យោធា​ឡាវ ប្រដាប់​ដោយ​អាវុធ​បាន​សង់​លេណដ្ឋាន និង​បង្កើន​កម្លាំង​ទ័ព​ឈរ​ជើង​នៅ​លើ​កោះ​ឫស្សី ជា​ថ្មី​ទៀត ក្នុង​ទឹក​ដី​កម្ពុជា ច្រើន​ថ្ងៃ​ហើយ បំណង​ចង់​គ្រប់គ្រង​តំបន់​នោះ និង​ព្យាយាម​រារាំង​កងកម្លាំង​វិស្វកម្ម​របស់​កម្ពុជា មិន​ឲ្យ​ស្ថាបនា​ផ្លូវ​ខ្សែ​ក្រវាត់​ព្រំដែន​នៅ​តំបន់​នោះ។ មន្ត្រី​យោធា​កម្ពុជា ចាត់​ទុក​បញ្ហា​នេះ ជា​ចេតនា​បំពាន​អធិបតេយ្យភាព​របស់​កម្ពុជា និង​រំលោភ​ស្មារតី​កិច្ច​ចរចា​ទ្វេ​ភាគី​របស់​ប្រធាន​រដ្ឋ​ប្រទេស​ទាំង​ពីរ។


មន្ត្រី​យោធា​ព្រំដែន​នៅ​ខែត្រ​ស្ទឹងត្រែង ថ្លែង​នៅ​ថ្ងៃ​ទី​៣ ខែ​ឧសភា ថា ទាហាន​ឡាវ ប្រដាប់​ដោយ​អាវុធ​រាប់​រយ​នាក់​បាន​សង់​លេណដ្ឋាន​នៅ​លើ​កោះ​ឫស្សី ចំណុច​អូរតាងាវ និង​អូរអាល័យ នៃ​ឃុំ​សេកុង ស្រុក​សៀមប៉ាង ប្រហែល​ជាង ១​ខែ​មក​ហើយ​បំណង​គ្រប់គ្រង​ដី​នៅ​តំបន់​នោះ ខណៈ​សក្ដានុពល​ធនធាន​ធម្មជាតិ​ទី​នោះ​សំបូរ​រ៉ែ​មាស និង​រ៉ែ​ត្បូង។

​មន្ត្រី​យោធា​ការពារ​ព្រំដែន​ខែត្រ​ស្ទឹងត្រែង ថ្លែង​សុំ​មិន​បញ្ចេញ​ឈ្មោះ និង​សំឡេង ឲ្យ​ដឹង​ថា កោះ​ឫស្សី ឋិត​ក្នុង​ទន្លេ​សេកុង នៃ​ឃុំ​សេកុង ស្រុក​សៀមប៉ាង គឺ​ជា​ទឹក​ដី​របស់​ខ្មែរ​ដែល​យោធា​របស់​កម្ពុជា កំពុង​ស្ថាបនា​ផ្លូវ​ក្រវាត់​ព្រំដែន ក៏ប៉ុន្តែ​យោធា​ឡាវ ប្រដាប់​ដោយ​អាវុធ និង​កាំភ្លើង​ធំ​សេរី​ទំនើប បាន​បោះ​លេណដ្ឋាន​យោធា​ទ្រង់ទ្រាយ​ធំ​នៅ​តំបន់​នោះ រំលោភ​អធិបតេយ្យភាព​របស់​កម្ពុជា។ បញ្ហា​នេះ​យោធា​កម្ពុជា បាន​ស្នើ​ទៅ​ថ្នាក់​លើ​រួច​ហើយ ដើម្បី​រក​វិធានការ​ដោះស្រាយ។

លោក​បន្ថែម​ថា តំបន់​នោះ​ប្រទេស​ទាំង​ពីរ​ពុំ​ទាន់​ឯកភាព​បោះ​បង្គោល​កំណត់​ព្រំដែន​នៅ​ឡើយ​ទេ ហើយ​លេណដ្ឋាន និង​កម្លាំង​ទ័ព​ឡាវ ឈរ​ជើង​នោះ​បាន​ឡោមព័ទ្ធ​ទីស្នាក់ការ​យោធា​របស់​កម្ពុជា ដែល​កំពុង​ឈរ​ជើង​ប្រចាំការ​តំបន់​នោះ៖ «កន្លែង​ហ្នឹង​គឺ​កន្លែង​រាំង​ស្ទះ​ហ្នឹង​ហើយ អត់​ឲ្យ​គ្រឿងចក្រ​យើង​ធ្វើ អ៊ីចឹង​ចេះ​តែ​ចាំ​មើល​ខាង​ថ្នាក់លើ​ដោះស្រាយ ស្ងាត់​ឈឹង​អ៊ីចឹង​ទៅ ហើយ​កម្លាំង​ពួក​ខ្ញុំ​ត្រៀម​ប្រយុទ្ធ ១០០​ភាគរយ​នៅ​កន្លែង​ហ្នឹង ប៉ុន្តែ​យោធា​ឡាវ ព័ទ្ធ​ជុំវិញ​យើង​អស់​ហើយ គឺ​ឡាវ មក​ព័ទ្ធ​យើង ហើយ​យើង​នៅ​ចំ​កណ្ដាល ហើយ​ទីកន្លែង​ហ្នឹង​គឺ​ដី​យើង​សោះ​ហ្នឹង»

​បុរស​ដដែល​សន្និដ្ឋាន​ថា ភាព​តានតឹង​បញ្ហា​ព្រំដែន​នេះ មិន​អាច​ឈាន​ដល់​ផ្ទុះ​អាវុធ​នោះ​ទេ ក៏ប៉ុន្តែ​ភាគី​ឡាវ កំពុង​បំពាន​អធិបតេយ្យភាព​របស់​កម្ពុជា ទាំង​ស្រុង។ លោក​ថា មក​ទល់​ពេល​នេះ កងកម្លាំង​វិស្វកម្ម​របស់​កម្ពុជា មិន​អាច​ស្ថាបនា​ផ្លូវ​ក្រវាត់​ព្រំដែន​នៅ​តំបន់​នោះ​បាន​ទេ ដោយ​រង់ចាំ​ថ្នាក់​លើ​ដោះស្រាយ​សិន។ លោក​កត់សម្គាល់​ថា មន្ត្រី​ជាន់​ខ្ពស់​រាជរដ្ឋាភិបាល​ប្រទេស​ទាំង​ពីរ​បាន​កោះ​ប្រជុំ​ដោះស្រាយ​បញ្ហា​ព្រំដែន​កន្លង​ទៅ ពុំ​បាន​ជជែក​អំពី​ចំណុច​ដែល​កំពុង​ប្រទាញប្រទង់​គ្នា​នោះ​ទេ។

អាជ្ញាធរ​ឡាវ បាន​បញ្ជូន​កងកម្លាំង​យោធា​ប្រដាប់​ដោយ​អាវុធ​មក​រារាំង​កងកម្លាំង​វិស្វកម្ម​របស់​កម្ពុជា ជា​ថ្មី​ទៀត​ឲ្យ​ផ្អាក​ការ​ស្ថាបនា​ផ្លូវ​តាម​បណ្ដោយ​ព្រំដែន​នៅ​ចំណុច​អូរតាងាវ និង​អូរ​អាល័យ​លើ​កោះ​ឫស្សី នៃ​ស្រុក​សៀមប៉ាង ខែត្រ​ស្ទឹងត្រែង កាល​ពី​ចុង​ខែ​មីនា ឆ្នាំ​២០១៧  ដោយ​លើក​ហេតុផល​ថា តំបន់​នោះ​រដ្ឋាភិបាល​នៃ​ប្រទេស​ទាំង​ពីរ​មិន​ទាន់​ឯកភាព​គ្នា​ជា​ផ្លូវ​ការ​ដើម្បី​បោះ​បង្គោល​ព្រំដែន​នៅ​ឡើយ។

មេបញ្ជាការ​ប្រតិបត្តិការ​សឹក​រង​ខែត្រ​ស្ទឹងត្រែង លោក ស្វាយ ញ៉ន ថ្លែង​បញ្ជាក់​ថា កង​កម្លាំង​វិស្វកម្ម​របស់​កម្ពុជា បាន​ស្ថាបនា​ផ្លូវ​ក្រវាត់​ព្រំដែន​ហួស​កោះ​ឫស្សី ច្រើន​គីឡូម៉ែត្រ​មក​ហើយ។ លោក​ទទួល​ស្គាល់​ថា យោធា​ឡាវ បាន​ជីក​លេណដ្ឋាន​ក្នុង​ទឹក​ដី​កម្ពុជា បំពាន​អធិបតេយ្យភាព​របស់​កម្ពុជា ច្រើន​ថ្ងៃ​មក​ហើយ ក៏​ប៉ុន្តែ​កងកម្លាំង​វិស្វកម្ម​របស់​កម្ពុជា នៅ​តែ​បន្ត​ស្ថាបនា​ផ្លូវ​ព្រំដែន​ដដែល ពោល​គឺ​ដោះស្រាយ​បណ្ដើរ និង​ចរចា​បណ្ដើរ។ ចំណែក​លេណដ្ឋាន​ដែល​ឡាវ ឈរ​ជើង​នោះ ពុំ​មែន​ឋិត​ក្នុង​កោះ​ឫស្សី នោះ​ទេ។ លោក​បញ្ជាក់​ថា រហូត​មក​ទល់​ពេល​នេះ កងកម្លាំង​វិស្វកម្ម​របស់​កម្ពុជា បាន​ស្ថាបនា​ផ្លូវ​បាន​ប្រហែល ១៧០​គីឡូម៉ែត្រ​ហើយ៖ «ថ្នាក់​ជាតិ ថ្នាក់​ខែត្រ និង​ថ្នាក់​យោធា គេ​កំពុង​ដោះស្រាយ​ហើយ មិន​អី​ទេ គឺ​ធ្វើ​បណ្ដើរ និង​ចរចា​ដោះស្រាយ​បណ្ដើរ»

កាល​ពី​ឆ្នាំ​២០១៥ រាជរដ្ឋាភិបាល​បាន​សម្រេច​កសាង​ផ្លូវ​តាម​បណ្ដោយ​ព្រំដែន​ឡាវ មាន​ប្រវែង ២៥៧​គីឡូម៉ែត្រ ចាប់​ពី​ផ្លូវ​ជាតិ​លេខ​៧ ខែត្រ​ស្ទឹងត្រែង រហូត​ដល់​ខែត្រ​រតនគិរី។ មក​ទល់​ពេល​នេះ កសាង​សម្រេច​បាន​ប្រហែល ១៧០​គីឡូម៉ែត្រ។

​អ្នក​នាំពាក្យ​សាលា​ខែត្រ​ស្ទឹងត្រែង លោក ម៉ែន គុង មាន​ប្រសាសន៍​ថា អាជ្ញាធរ​ខែត្រ​បាន​រាយការណ៍​បញ្ហា​នេះ​ទៅ​ក្រសួង​ការបរទេស​រួច​ហើយ និង​ចម្លង​ជូន​ក្រសួង​មហាផ្ទៃ ហើយ​ខ្លឹមសារ​ដែល​រាយការណ៍​នោះ ទាក់ទិន​ស្ថានភាព​ព្រំដែន​ដែល​កម្លាំង​សមត្ថកិច្ច​របស់​ឡាវ ឆ្លង​ចូល​មក​ក្នុង​បន្ទាត់​មួយ​ចំនួន​ឋិត​ក្នុង​ទឹកដី​របស់​កម្ពុជា។ លោក​បញ្ជាក់​ថា បំណង​ដែល​អាជ្ញាធរ​ខែត្រ​ស្ទឹងត្រែង រាយការណ៍​បញ្ហា​នេះ​ជូន​ក្រសួង​ការបរទេស ដើម្បី​ឲ្យ​ក្រសួង​ទាក់ទង​ដោះស្រាយ​រឿង​នេះ តាម​រយៈ​ការទូត​ជាមួយ​ឡាវ។

លោក​ថា អាជ្ញាធរ​ខែត្រ​នៅ​តែ​ប្រកាន់​ជំហរ​ដំណោះស្រាយ​ដោយ​អនុវត្ត​ខ្លឹមសារ កិច្ច​ព្រមព្រៀង​កំណត់​ហេតុ និង​លិខិត​បទដ្ឋាន​គតិយុត្តិ​នានា ដែល​ភាគី​ប្រទេស​ទាំង​ពីរ​បាន​ព្រមព្រៀង ក្នុង​ការ​ថែរក្សា​សណ្ដាប់ធ្នាប់​ជាតិ និង​សន្តិសុខ​តាម​ព្រំដែន៖ «ក្នុង​ករណី​ជួប​បញ្ហា​ជាមួយ​ហ្នឹង​កម្លាំង​សមត្ថកិច្ច ឡាវ​មាន​សកម្មភាព​ណា​មួយ​ដែល​ធ្វើ​ឲ្យ​ប៉ះពាល់​ដល់​ដំណើរការ​ស្ថាបនា​ផ្លូវ​នេះ ទី​មួយ​គឺ​យើង​ត្រូវ​ធ្វើ​ការ​ចរចា។ ឲ្យ​អស់​លទ្ធភាព​គ្រប់​រូបភាព​ទាំង​អស់ ទាំង​ការ​ចរចា​នៅ​នឹង​កន្លែង ទាំង​ការ​ចរចា​តាម​រយៈ​ថ្នាក់​អាជ្ញាធរ​ខែត្រ និង​ការ​រាយការណ៍​សុំ​គោលការណ៍​សម្រេច​ពី​ក្រសួង​ស្ថាប័ន​មាន​សមត្ថកិច្ច​ពី​ថ្នាក់​ជាតិ ដើម្បី​ធ្វើការ​សម្របសម្រួល»

​កាល​ពី​ថ្ងៃ​ពុធ ទី​២២ ខែ​កុម្ភៈ ឆ្នាំ​២០១៧ មេដឹកនាំ​កម្ពុជា-​ឡាវ បាន​ឯកភាព​គ្នា​ពន្លឿន​ដោះស្រាយ​បញ្ហា​ព្រំដែន​រវាង​ប្រទេស​ទាំង​ពីរ​ឲ្យ​បាន​ឆាប់ និង​ដាក់​ទិសដៅ​ប្រែក្លាយ​តំបន់​ព្រំដែន​នោះ​ឲ្យ​ក្លាយ​ទៅ​ជា​តំបន់​មិត្តភាព សន្តិភាព និង​ការ​អភិវឌ្ឍ។ ប្រធាន​រដ្ឋ​សភា​កម្ពុជា លោក ហេង សំរិន បាន​ស្នើ​ដល់​ប្រទេស​ឡាវ សហការ​ដោះស្រាយ​បញ្ហា​ជាមួយគ្នា​ប្រកប​ដោយ​ស្មារតី​ទទួល​ខុស​ត្រូវ សាមគ្គីភាព គ្រប់​កិច្ចការ​នានា​ឲ្យ​ចប់​សព្វគ្រប់។ ក៏ប៉ុន្តែ​មន្ត្រី​សង្គម​ស៊ីវិល​មើល​ឃើញ​ថា សមត្ថភាព​នៃ​របៀបវារៈ​ក្នុង​ការ​ចរចា​បញ្ហា​នេះ​របស់​កម្ពុជា ហាក់​ពុំ​មាន​លក្ខណៈ​គ្រប់​ជ្រុងជ្រោយ​នៅ​ឡើយ ខណៈ​ចំណុច​សេសសល់​មួយ​ចំនួន​ដែល​កំពុង​ប្រទាញប្រទង់​គ្នា​តាម​ព្រំដែន គឺ​ភាគី​ឡាវ តែង​មាន​ប្រៀប​ជាង​ភាគី​កម្ពុជា។

ទេសរដ្ឋមន្ត្រី​ទទួលបន្ទុក​បេសកកម្ម​ពិសេស​កិច្ចការ​ព្រំដែន លោក វ៉ា គឹមហុង ធ្លាប់​លើក​ឡើង​ថា ភាគី​ទាំង​ពីរ​នៅ​ពុំ​ទាន់​ឯកភាព​គ្នា​បោះ​បង្គោល​ព្រំដែន​នៅ​តំបន់​នោះ​នៅ​ឡើយ​ទេ។ លោក​ថា ការ​ឯកភាព​គ្នា​បោះ​បង្គោល​ព្រំដែន​ជា​ផ្លូវការ ត្រូវ​អនុលោម​តាម​បទដ្ឋាន​ច្បាប់​ជាតិ ច្បាប់​អន្តរជាតិ និង​ផែន​ទី ព្រម​ទាំង​មាន​ការ​ព្រមព្រៀង​ដោយ​ភាគី​សង​ខាង​ជាដើម។

​លើស​ពី​នេះ ការ​បោះ​បង្គោល​ថ្មី​នៅ​តំបន់​នោះ​ផ្អែក​តាម​ផែនទី​ភូមិសាស្ត្រ​ឥណ្ឌូចិន​របស់​បារាំង ហើយ​បច្ចុប្បន្ន រដ្ឋាភិបាល​កម្ពុជា បោះ​បង្គោល​សម្រេច​បាន ៨៤​ភាគរយ ហើយ​នៅ​សល់​ជាង ១០​ភាគរយ កំពុង​ប្រទាញប្រទង់​គ្នា និង​រាំង​ស្ទះ​ច្រើន​ឆ្នាំ​មក​ហើយ។

​ប្រធាន​អង្គការ​សម្ព័ន្ធ​គណនេយ្យភាព​សង្គម​កម្ពុជា (ANSA) លោក សន ជ័យ ចង់​ឃើញ​យន្តការ​នៃ​ការ​ចរចា និង​ការ​ដោះស្រាយ​ធ្វើ​ឡើង​ក្នុង​រូបភាព​សន្តិភាព​និយម និង​មាន​ការ​ដោះស្រាយ​ដោយ​សន្តិវិធី។ លោក​ចង់​ឃើញ​ថា រដ្ឋាភិបាល​ប្រទេស​ទាំង​ពីរ​ដោះស្រាយ​ឲ្យ​បាន​ឆាប់ៗ៖ «ធ្វើ​ឲ្យ​យើង​មើល​ឃើញ​ថា របៀបវារៈ​នៃ​ការ​លើក​ឡើង​នៃ​ការ​ចរចា​កន្លង​មក​ហ្នឹង វា​ពុំ​មាន​លក្ខណៈ​គ្រប់​ជ្រុងជ្រោយ​នោះ​ទេ អ៊ីចឹង​ការ​សិក្សា​ឲ្យ​បាន​ស៊ីជម្រៅ​ទៅ​លើ​បញ្ហា​ប្រឈម រវាង​ទំនាក់ទំនង​ប្រទេស​ទាំង​ពីរ​ទាក់ទង​បញ្ហា​ព្រំដែន​វា​ចាំបាច់​ត្រូវ​មាន​ការ​សិក្សា​ឲ្យ​បាន​ស៊ីជម្រៅ ហើយ​ចរចា​តែម្ដង​ឲ្យ​ចប់​តែម្ដង»

​ប្រទេស​កម្ពុជា មាន​ព្រំដែន​គោក​ជាប់​ជាមួយ​ប្រទេស​ឡាវ ប្រវែង ៥៤០​គីឡូម៉ែត្រ ក្នុង​នោះ​មាន​បង្គោល​ព្រំដែន​ដែល​ត្រូវ​បោះ​ចំនួន ១៤៥​បង្គោល។ បច្ចុប្បន្ន រដ្ឋាភិបាល​ប្រទេស​ទាំង​ពីរ​បោះ​បង្គោល​រួច​ចំនួន ១២១​បង្គោល ដែល​ស្មើ​ប្រមាណ ៨៤​ភាគរយ។ មន្ត្រី​រដ្ឋាភិបាល​កម្ពុជា ឲ្យ​ដឹង​ថា ចំណុច​ដែល​សេសសល់​មិន​ទាន់​បោះ​រួច គឺ​ឋិត​ក្នុង​ខែត្រ​ព្រះវិហារ និង​ខែត្រ​ស្ទឹងត្រែង៕

8 comments:

  1. Anonymous2:42 AM

    Just like the Yuon military harasses at the Yuon-border, the Lao military flexes its muscle at the Lao-border.
    Why is this happening lately ?
    Because now Laos is completely in expansionist
    Yuon's hands !!!

    We MUST fight back !!! ✊️⚔️☠️

    ReplyDelete
    Replies
    1. Anonymous9:17 AM

      First, stop the blaming. Second, stop the laming. Really, stop causing problem to neighbor.

      Delete
  2. Anonymous3:15 PM

    9:17 AM

    You Yuon Gook Gunzet just added one more additional reason for ALL your
    neighbors to hate you Yuon.
    You twisted the truth and fabricated fakes stories. For on thing, your Yuon Nam Tien
    did not belong to the Khmers, the Lao or the Chams, not even the Chinese.
    You Yuon stole and still steal your good neighbors' lands.

    In particular, the Khmers still remember " Kam Pup Tae' Ong "

    A good Yuon is a dead Yuon !!! ✊️⚔️☠️

    ReplyDelete
    Replies
    1. Anonymous11:33 PM

      Friend @ 3:15 PM

      Great you hit back at Gunzet. He deserves it.
      In the twenty first century, Yuon's Nam Tien is now
      camouflaged as " Khmer Yuon Friendship ".

      Delete
  3. Anonymous4:31 PM

    There are the hidden Yuon/Vietcong agents or spies in Laotian Military Uniforms at the Cambodia-Laos border who tried to manipulated Laotians armies to dislike Cambodian armies and created the conflicts between Cambodia and Laos in order to make two countries to fight each others until evil Yuon/Vietnamese agents or killers to take over the weakness. Please Laotian folks just watch on your enemies called hidden/secret Yuon/Vietnamese agents in your Laos military uniforms. It happened to Cambodia already.

    ReplyDelete
    Replies
    1. Anonymous5:05 AM

      There is no need to manipulate anyone to dislike Cambodian. Just about everyone else in the world hates Cambodian. Case and point:

      1. Thais just really hate Cambodians. They shot and killed 60-70 Cambodians every year at the border for stealing rosewood. Thai bosses killed so many Cambodian migrant workers, thousands and thousands Khmer never returned, never heard again from Thailand. Thai captains regularly killed Cambodian fishermen for little mistakes then dumped the bodies into the sea.

      2. Chinese bosses said Khmer worders are lazy and violent. A few days later, Khmer workers came back and hacked the boss dead with axes.

      3. Malaysian hosts just hated the Cambodian maids for being stupid, lazy, clumsy. They beaten those maids like animals.

      4. ....I am crying my heart out, I better stop. Why-o-why God punishes the Khmer so much!

      Delete
    2. Anonymous6:37 AM

      http://www.doynews.com/article/chinese-site-construction-manager-hacked-death-workers-revenge-attack

      Delete
  4. Anonymous11:49 AM

    Anonymous5:05 AM is a Vietnamese dog eater here named Drgunzet. We don't this guy to cry for his crocodile cry. This poster @Anonymous5:05 AM should show his bloody tear for himself who is a real killer just like his Vietcong/Yuon land invaders who killed many neighbors like Khmer and Laotians people to take control and lands from them.

    Yes, a Vietnamese dog eating poster Drguznet is a killer, too, hiding in Germany.

    ReplyDelete