​Paris Peace Agreements 1991

Wednesday, May 17, 2017

[Vietnamization: Logging, Border, Military] EIA បោះពុម្ព​ ឯកសារ​ គាំទ្រ​​ ការ​ស៊ើប​អង្កេត​ អំពី​ ការ​ជួញដូរ​ ឈើ​ ខុស​ច្បាប់​ ពី​កម្ពុជា ​ទៅ​វៀតណាម | EIA publishes document supporting investigation of illegal timber trade from Cambodia to Vietnam

សកម្មភាព​ដឹក​ជញ្ជូន​ឈើ​ពី​ក្នុង​ឧទ្យាន​ជាតិ​វីរជ័យ ក្នុង​ខេត្ត​រតនគិរី ប្រទេស​កម្ពុជា ទៅ​ប្រទេស​វៀតណាម កាល​ពី​ខែ​កុម្ភៈ ឆ្នាំ​២០១៧។ Photo courtesy of EIA
សកម្មភាព​ដឹក​ជញ្ជូន​ឈើ​ពី​ក្នុង​ឧទ្យាន​ជាតិ​វីរជ័យ ក្នុង​ខេត្ត​រតនគិរី ប្រទេស​កម្ពុជា ទៅ​ប្រទេស​វៀតណាម កាល​ពី​ខែ​កុម្ភៈ ឆ្នាំ​២០១៧។ Photo courtesy of EIA

EIA បោះពុម្ព​ ឯកសារ​ គាំទ្រ​​ ការ​ស៊ើប​អង្កេត​ អំពី​ ការ​ជួញដូរ​ ឈើ​ ខុស​ច្បាប់​ ពី​កម្ពុជា ​ទៅ​វៀតណាម

RFA / វិទ្យុ អាស៊ី សេរី | ១៧ ឧសភា ២០១៧ 



ទីភ្នាក់ងារ​ ស៊ើបអង្កេត ​បរិស្ថាន ឬ​ហៅ​កាត់​ ថា EIA ដែល​មាន​ មូលដ្ឋាន​ នៅ​ទីក្រុង​ ឡុងដ៍ កាល​ពី​ ទី​១៦ ខែ​ឧសភា បាន​បោះ​ពុម្ព​ ឯកសារ​ ដើម្បី​ គាំទ្រ ​ដល់​ការ ​ស៊ើប​អង្កេត ​របស់​ អង្គការ​នេះ អំពី​ ការ​ជួញដូរ​ ឈើ​ ខុស​ច្បាប់ ​ពី​ខេត្ត ​រតនគិរី ទៅ​កាន់​ប្រទេស​ វៀតណាម ដូចដែល​បាន​ បង្ហាញ​ នៅ​ក្នុង ​របាយការណ៍​ ដំបូង​មួយ​ ឈ្មោះ​ ថា «ជនល្មើស ​មុខ​ ដដែលៗ» ដែល​បាន ​ចេញ​ផ្សាយ ​កាល​ពី​ថ្ងៃ​ ទី​៨ ខែ​ឧសភា។   ឯកសារ​នេះ ​រួម​បញ្ចូល ​ទាំង​រូបភាព ​ផ្កាយរណប ​របស់​ ដេប៉ូ​ស្តុក​ ឈើ​ ដ៏​ធំ​មួយ គ្រប់គ្រង​ ដោយ​ក្រុម​ យោធា​ វៀតណាម នៅ​តាម ​ព្រំដែន


​របាយការណ៍​នេះ​បាន​រៀបរាប់​អំពី​ឯកសារ​គយ និង​ពន្ធ បង្ហាញ​ពី​ការ​នាំ​ចេញ​ឈើ​ហាមឃាត់​រាប់​ពាន់​ម៉ែត្រ​គូប​ពី​កម្ពុជា ហើយ​មន្ត្រី​រដ្ឋាភិបាល​វៀតណាម បាន​ផ្ដល់​កូតា​ឱ្យ​ក្រុមហ៊ុន​ចំនួន​១៦ ដែល​មាន​សិទ្ធិ​ទទួល​យក​ឈើ​ពី​កម្ពុជា ប្រមាណ​ជាង ២​សែន ៣​ម៉ឺន​ម៉ែត្រការ៉េ។ ឯកសារ​នេះ​មាន​បង្ហាញ​ពី​វិក្កយបត្រ​លក់ និង​បញ្ជី​វេច​ខ្ចប់ និង​កំណត់ត្រា​គយ​វៀតណាម ជា​ផ្លូវការ​ដ៏​លម្អិត​អំពី​ការ​នាំ​ចូល​ឈើ​ដែល​មាន​តម្លៃ​ប្រហែល ៣០០​លាន​ដុល្លារ​សហរដ្ឋអាមេរិក និង​ផលិតផល​ឈើ​ផ្សេងៗ​ទៀត​ពី​ប្រទេស​កម្ពុជា តាំង​ពី​ខែ​មករា ឆ្នាំ​២០១៦។ EIA ក៏​បាន​បង្ហាញ​ការ​រីករាយ​ចំពោះ​ក្រសួង​បរិស្ថាន​កម្ពុជា ដែល​ប្រកាស​នឹង​ស៊ើបអង្កេត​ចំពោះ​ការ​ជួញដូរ​ឈើ​នៅ​ខេត្ត​រតនគិរី។

ប្រតិភូ​សហភាព​អឺរ៉ុប នៅ​ដើម​សប្ដាហ៍​នេះ ជំរុញ​ឲ្យ​អាជ្ញាធរ​នៃ​ប្រទេស​កម្ពុជា និង​វៀតណាម ស៊ើប​អង្កេត​ជា​បន្ទាន់​នូវ​សកម្មភាព​ជួញដូរ​ឈើ​ខុសច្បាប់ ដែល​បាន​រក​ឃើញ​ដោយ​ក្រុម​អ្នក​ស៊ើប​អង្កេត​នៃ​ទីភ្នាក់ងារ​ស៊ើប​អង្កេត​បរិស្ថាន។

អ្នកនាំពាក្យ​របស់​គណៈប្រតិភូ​សហភាព​អឺរ៉ុប នា​ទីក្រុង​ប្រ៊ុចសែល (Brussels) អ្នកស្រី ម៉ាចា កូជីជានឆីក (Maja Kocijancic) បញ្ជាក់​ថា របាយការណ៍​របស់ EIA បាន​ផ្ដល់​ព័ត៌មាន​សំខាន់ៗ​ដើម្បី​អាច​ផ្ដល់​លទ្ធភាព​ក្នុង​ការ​ពិនិត្យ​ឡើង​វិញ​នៃ​ច្បាប់​ព្រៃឈើ​របស់​សហភាព​អឺរ៉ុប ដែល​បាន​ហាមឃាត់​រាល់​ការ​នាំ​ចូល​ឈើ​ខុស​ច្បាប់​ទៅ​ក្នុង​ទីផ្សារ​សហភាព​អឺរ៉ុប។ ជាង​នេះ​ទៅ​ទៀត អ្នកស្រី​ជំរុញ​ឲ្យ​ប្រតិបត្តិករ​ប្រយ័ត្នប្រយែង​ធ្វើ​យ៉ាង​ណា​ធានា​ថា មាន​តែ​ក្រុមហ៊ុន ឬ​ប្រទេស​ផ្គត់ផ្គង់​ឈើ​ស្រប​ច្បាប់​តែប៉ុណ្ណោះ ដែល​អាច​ធ្វើ​ការ​រក​ស៊ី​ជាមួយ​សហភាព​អឺរ៉ុប​បាន៕

No comments:

Post a Comment