The Anti-Sam Rainsy Law

Thursday, June 29, 2017

មន្ត្រី​ សមាគម​ អាដហុក ​៤​រូប និង​មន្ត្រី​ គ.ជ.ប. លោក​ នី ចរិយា ត្រូវ ​តុលាការ ​ដោះលែង | Court released 4 Adhoc officials and NEC Ny Chakriya

(ពី​ឆ្វេង) អគ្គលេខាធិការ​រង​គ.ជ.ប លោក នី ចរិយា មន្ត្រី​សមាគម​អាដហុក (ADHOC) លោក យី សុខសាន្ត លោក នី សុខា អ្នកស្រី លឹម មុន្នី និង​លោក ណៃ វ៉ង់ដា ពេល​បញ្ជូន​មក​​សាលាឧទ្ធរណ៍ នៅ​ថ្ងៃ​ទី១១ ខែ​វិច្ឆិកា ឆ្នាំ​២០១៦។  RFA/Brach Chev
(ពី​ឆ្វេង) អគ្គលេខាធិការ​រង​គ.ជ.ប លោក នី ចរិយា មន្ត្រី​សមាគម​អាដហុក (ADHOC) លោក យី សុខសាន្ត លោក នី សុខា អ្នកស្រី លឹម មុន្នី និង​លោក ណៃ វ៉ង់ដា ពេល​បញ្ជូន​មក​​សាលាឧទ្ធរណ៍ នៅ​ថ្ងៃ​ទី១១ ខែ​វិច្ឆិកា ឆ្នាំ​២០១៦។ RFA/Brach Che

មន្ត្រី​ សមាគម​ អាដហុក ​៤​រូប និង​មន្ត្រី​ គ.ជ.ប. លោក​ នី ចរិយា ត្រូវ ​តុលាការ ​ដោះលែង

RFA / វិទ្យុ អាស៊ី សេរី | ២៩ មិថុនា ២០១៧

មន្ត្រី​ សមាគម​ សិទ្ធិមនុស្ស​ អាដហុក (ADHOC) ៤​រូប និង​អគ្គលេខាធិការ ​រង​ គណៈកម្មាធិការ​ ជាតិ​ រៀបចំ​ ការ​បោះឆ្នោត (គ.ជ.ប.) លោក នី ចរិយា ត្រូវ​ បាន​​សាលាដំបូង ​រាជធានី ​ភ្នំពេញ ដោះលែង​ហើយ​ នៅ​ល្ងាច​ ថ្ងៃ​ទី២៩ មិថុនា។


ប្រធាន​សាលាដំបូង​រាជធានី​ភ្នំពេញ​ លោក តាំង ស៊ុនឡាយ ប្រាប់​អាស៊ីសេរី​តាម​បណ្ដាញ​សង្គម​តេឡេក្រាម (Telegram) នៅ​ល្ងាច​ថ្ងៃ​ទី២៩ ខែ​មិថុនា ថា ​នេះ​ជា​ការ​ដោះលែង​ឲ្យ​នៅ​ក្រៅ​ឃុំ​បណ្ដោះអាសន្ន ក្រោយ​ស៊ើបសួរ​ចប់។

មន្ត្រី​សមាគម​សិទ្ធិមនុស្ស​អាដហុក ៤​រូប គឺ​លោក នី សុខា លោក ណៃ វ៉ង់ដា លោក យី សុខសាន្ត និង​អ្នកស្រី លឹម មុន្នី ព្រមទាំង​​លោក នី ចរិយា ត្រូវ​បាន​​តុលាការ​ចោទ​ប្រកាន់​ពី​បទ​សម​គំនិត និង​សូកប៉ាន់​សាក្សី តាម​មាត្រា​២៩ និង​មាត្រា​៥៤៨ នៃ​ក្រម​ព្រហ្មទណ្ឌ។

អ្នក​ទាំង​៥ ត្រូវ​បាន​​អង្គភាព​ប្រឆាំង​អំពើ​ពុករលួយ​នាំ​ខ្លួន​សាកសួរ ចាប់​ពី​ថ្ងៃ​ទី២៨ មេសា ឆ្នាំ​២០១៦ ហើយ​ឈាន​ដល់​ឃាត់​ខ្លួន​បញ្ជូន​មក​តុលាការ​បន្ត​នីតិវិធី នៅ​ពីរ​ថ្ងៃ​បន្ទាប់ ជុំវិញ​ការ​​ចោទ​ប្រកាន់​របស់​អ្នកនាង ខុម ចាន់តារាទី ហៅ ស្រីមុំ។

No comments:

Post a Comment