Unity of Party or Person?

Thursday, June 15, 2017

លោក ហ៊ុន សែន ហៅ​​លោក សម រង្ស៊ី ថា​ ជា​អ្នក​ ក្លាហាន បើ​ ហ៊ាន​ចូល ​ស្រុក​វិញ | Hun Sen calls Sam Rainsy courageous if he dares to return to country

អតីត​ប្រធាន​គណបក្ស​សង្គ្រោះ​ជាតិ លោក សម រង្ស៊ី (ឆ្វេង) និង​ប្រធាន​គណបក្ស​ប្រជាជន​កម្ពុជា និង​ជា​នាយករដ្ឋមន្ត្រី លោក ហ៊ុន សែន។ រូបថត​ឆ្នាំ​២០១៥។ RFA
អតីត​ប្រធាន​គណបក្ស​សង្គ្រោះ​ជាតិ លោក សម រង្ស៊ី (ឆ្វេង) និង​ប្រធាន​គណបក្ស​ប្រជាជន​កម្ពុជា និង​ជា​នាយករដ្ឋមន្ត្រី លោក ហ៊ុន សែន។ រូបថត​ឆ្នាំ​២០១៥។ RFA

លោក ហ៊ុន សែន ហៅ​​លោក សម រង្ស៊ី ថា​ ជា​អ្នក​ ក្លាហាន បើ​ ហ៊ាន​ចូល ​ស្រុក​វិញ

RFA / វិទ្យុ អាស៊ី សេរី | ១៥ មិថុនា​ ២០១៧


លោក​ នាយករដ្ឋមន្ត្រី ហ៊ុន សែន អំពាវនាវ​ ដោយ​ហៅ ​​លោក សម រង្ស៊ី ថា ជា​អ្នក ​ក្លាហាន​, អញ្ជើញ​ ចូល​ស្រុក។

លោក ហ៊ុន សែន ថ្លែង​ក្នុង​ ពិធី​ ចែក​សញ្ញាប័ត្រ​ ដល់​និស្សិត​ សកលវិទ្យាល័យ​ បញ្ញាសាស្រ្ត នៅ​ព្រឹក​ ថ្ងៃ​ទី​១៥ ខែ​មិថុនា ថា, បើ​ សិន​ជា​លោក សម រង្ស៊ី ចង់​វិល ​ចូល​ស្រុក​វិញ​ ដូច​លោក ​ប្រកាស​នោះ លោក​ ចាត់​ទុក​ លោក សម រង្ស៊ី ថា ​ជា​អ្នក​ ក្លាហាន។


លោក ហ៊ុន សែន បញ្ជាក់​ ថា, លោក ​បាន​ស្ដាប់​ វិទ្យុ​ អាស៊ី សេរី បាន​ឮ​ លោក សម រង្ស៊ី ប្រកាស​ថា បើសិនជា​ រដ្ឋាភិបាល​ លុប​ចោល​ បម្រាម​ លេខ ១៥១ ដែល​មិន អនុញ្ញាត​ ឲ្យ​ក្រុមហ៊ុន​ អាកាសចរណ៍​ ណា​មួយ​ ដឹក​លោក​ វិល​ចូល​ស្រុក​ នោះ ​ចេញ​វិញ លោក​ នឹង​វិល​ ត្រឡប់​ មក​កម្ពុជា។  លោក ហ៊ុន សែន អះអាង​ ថា,  នៅ​ពេល ​លោក​ ឮ​ដូច្នេះ លោក ​ក៏​ទូរស័ព្ទ​ ឲ្យ​លោក ​ឧបនាយករដ្ឋមន្ត្រី ប៊ិន ឈិន រដ្ឋមន្ត្រី ​ស្ដីទី នៃ​ទីស្ដីការ ​គណៈរដ្ឋមន្ត្រី លុប​ចោល ​បម្រាម​នោះ​ ចេញ​ ភ្លាមៗ នៅ​ថ្ងៃ​ ទី​១៤ ខែ​មិថុនា។  លោក ហ៊ុន សែន បន្ថែម ​ថា, បើ​សិន​ជា​ លោក សម រង្ស៊ី ប្រគល់​ខ្លួន ឲ្យ​ដោយ​ស្រួល ​គ្មាន​ បញ្ហា​អ្វី​ កើត​ឡើង​ ទេ។


លោក ហ៊ុន សែន សង្កត់ធ្ងន់​ថា បម្រាម​លេខ ១៥១ ដែល​លោក​បញ្ជា​ឲ្យ​អគ្គនាយកដ្ឋាន​អន្តោប្រវេសន៍​រារាំង​មិន​ឲ្យ​យន្តហោះ​ណា​មួយ​ដឹក​លោក សម រង្ស៊ី នោះ គឺ​គ្រាន់​តែ​ចង់​ការពារ​លោក សម រង្ស៊ី ទៅ​វិញ​ទេ។ ឥឡូវ​នេះ លោក ហ៊ុន សែន កោះ​ហៅ​ឲ្យ​លោក សម រង្ស៊ី ចូល​ស្រុក​វិញ ព្រោះ​ទ្វារ​ចំហ​ហើយ លោក សម រង្ស៊ី អាច​វិល​មក​តាម​ផ្លូវ​ទឹក​ក៏​បាន ផ្លូវ​គោក​ក៏​បាន និង​ផ្លូវ​អាកាស​ក៏​បាន។ ប៉ុន្តែ​លោក ហ៊ុន សែន បញ្ជាក់​ថា អ្វី​ដែល​ជា​ឧបសគ្គ​របស់​លោក សម រង្ស៊ី នៅ​ពេល​នេះ​គឺ «គុក»។

No comments:

Post a Comment