 |
| លោក ខៀវ សុភ័គ អ្នកនាំពាក្យក្រសួងមហាផ្ទៃ ចូលរួមក្នុងកិច្ចប្រជុំបូកសរុបពីការអនុវត្តច្បាប់ចរាចរណ៍ដើមឆ្នាំ២០១៦ នាក្រសួងមហាផ្ទៃ កាលថ្ងៃទី២១ ខែមករា ឆ្នាំ២០១៦។ |
ក្រសួង មហាផ្ទៃ ព្រមាន សង្គមស៊ីវិល កុំ ឲ្យលម្អៀង ទៅគណបក្ស នយោបាយ
RFA / វិទ្យុ អាស៊ី សេរី |១ មិថុនា ២០១៧
ស្ដាប់ ឬ ទាញយកសំឡេង
នៅពេល ការបោះឆ្នោត ជ្រើសរើស ក្រុមប្រឹក្សា ឃុំ-សង្កាត់ កាន់តែ ជិតមកដល់,
អ្នកនាំពាក្យ ក្រសួងមហាផ្ទៃ អះអាង ថា,
សង្គមស៊ីវិល មួយចំនួន ដែលធ្វើ ការងារ ទាក់ទង នឹងការ បោះឆ្នោត
កំពុង លម្អៀង ទៅគណបក្ស នយោបាយ ប្រឆាំង
និងរំលោភ គោលការណ៍ អព្យាក្រឹត របស់ សង្គមស៊ីវិល, ហើយ ក្រសួង មហាផ្ទៃ
កំពុង ពិនិត្យ តាមដាន សកម្មភាព ដែលអាច ជាបទល្មើស
ដើម្បី ចាត់វិធានការ ផ្លូវច្បាប់។ សង្គមស៊ីវិល ឆ្លើយតប ថា,
ពួកគេ មិនបាន គាំទ្រ គណបក្ស នយោបាយ ណានោះទេ
ក៏ប៉ុន្តែ ពួកគេ លើកកម្ពស់ សិទ្ធិ របស់ ពលរដ្ឋ។
លោក ខៀវ សុភ័គ អ្នកនាំពាក្យក្រសួងមហាផ្ទៃ
ឲ្យដឹងថា មានក្រុមការងាររបស់ក្រសួង
កំពុងតាមដានសកម្មភាពរបស់អង្គការសង្គមស៊ីវិល
ដែលលោកថាមិនគោរពតាមលក្ខន្តិកៈ។
លោកមិនបានរៀបរាប់ពីឈ្មោះអង្គការសង្គមស៊ីវិលទាំងនោះទេ ដោយលោកថា
ពួកគេដឹងថា ពួកគេជានរណាហើយ។
ទោះយ៉ាងណា
លោកលើកឡើងពីការចេញសេចក្តីថ្លែងការណ៍របស់បន្ទប់ស្ថានការណ៍សម្រាប់ការបោះឆ្នោត
ដែលជាបណ្ដាញអង្គការសង្គមស៊ីវិលឃ្លាំមើលដំណើរការបោះឆ្នោត
ប្រតិកម្មតបទៅនឹងសម្ដីរបស់លោករដ្ឋមន្ត្រីក្រសួងការពារជាតិ
ដែលពេលថ្មីៗនេះ ព្រមានវាយឲ្យបែកធ្មេញ
ដោយពលរដ្ឋណាដែលតវ៉ាលទ្ធផលបោះឆ្នោត បន្ទាប់ពីគណបក្សប្រជាជនកម្ពុជា
ឈ្នះឆ្នោត។
លោកក៏សំដៅលើការធ្វើស្តង់ដារ
ឬការបញ្ចេញយោបល់ពេលបោះឆ្នោតរបស់សង្គមស៊ីវិល។
លោករំឭកដល់ការបោះឆ្នោតឆ្នាំ២០១៣
ពេលអង្គការសង្គមស៊ីវិលបានវាយតម្លៃថា
ទឹកខ្មៅជ្រលក់ដៃអាចលុបជ្រះ
ដែលនាំឲ្យមានការតវ៉ាលទ្ធផលបោះឆ្នោត៖ «សកម្មភាពចឹងៗ យើងគ្រាន់តែព្រមានម៉ង! ព្រមានគាត់កុំឲ្យធ្វើយ៉ាងណាខុសទៅនឹងទៅតួនាទីរបស់គាត់។ នៅមានអង្គការមួយចំនួនទៀត ប្រើប្រាស់នូវរូបភាព និងខ្លឹមសារដែលស្ដែងឲ្យឃើញថា គាត់មិនអព្យាក្រឹត។»
លោក ខៀវ សុភ័គ ក្រើករំឭកដល់អង្គការសង្គមស៊ីវិលឲ្យរក្សាអព្យាក្រឹត មិនត្រូវលម្អៀងទៅគណបក្សនយោបាយណាមួយទេ៖ «សូមឲ្យអង្គការទាំងអស់ប្រកាន់ខ្ជាប់នូវតួនាទីរបស់ខ្លួនជាអង្គការក្រៅរដ្ឋាភិបាល ជាដៃគូអភិវឌ្ឍន៍របស់រាជរដ្ឋាភិបាល និងសង្គមជាតិ ទាំងគ្រប់ផ្នែក គ្រប់ស្ថាប័នអភិវឌ្ឍន៍ ផ្នែកប្រជាធិបតេយ្យ ផ្នែកសិទ្ធិមនុស្សត្រឹមណា មិនមែនជាអង្គការប្រកាន់គោលនយោបាយប្រឆាំង ឬក៏កាន់បក្សនយោបាយណាមួយ។»
អ្នកនាំពាក្យរូបនេះសង្កត់ធ្ងន់ថា
បើមិនដូច្នេះទេ ក្រសួងមហាផ្ទៃ នឹងស៊ើបអង្កេតសកម្មភាពល្មើសនោះ
ហើយចាត់វិធានការផ្លូវច្បាប់៖ «សូមឲ្យសកម្មភាពទាំងអស់ប្រព្រឹត្តទៅដោយរលូន និងស្របតាមច្បាប់។ ក្នុងករណីចាំបាច់ សកម្មភាពទាំងឡាយណាខុសច្បាប់ អាចជាធាតុផ្សំនៃការប្រព្រឹត្តបទល្មើស។»
ប្រសិនបើក្រសួងរកឃើញថា
អង្គការសង្គមស៊ីវិលពិតជាបានប្រព្រឹត្តបទល្មើសមែន
ក្រសួងនឹងអនុវត្តច្បាប់ស្ដីពីអង្គការសង្គមស៊ីវិល
ក្រមព្រហ្មទណ្ឌទាក់ទងនឹងបទបរិហារកេរ្តិ៍
ដែលអាចឈានដល់ការបិទស្ថាប័នសង្គមស៊ីវិលនោះ។
នេះបើតាមការគូសបញ្ជាក់របស់លោក ខៀវ សុភ័គ។
ច្បាប់ស្ដីពីសមាគម និងអង្គការមិនមែនរដ្ឋាភិបាល
ដែលអ្នកវិភាគរិះគន់ថា
មានគោលបំណងរឹតត្បិតអង្គការសង្គមស៊ីវិលត្រង់មាត្រា២៤ ចែងថា
អង្គការសង្គមស៊ីវិលត្រូវប្រកាន់ជំហរអព្យាក្រឹតចំពោះគ្រប់គណបក្សនយោបាយ
ហើយមាត្រា៣០ ចែងថា ក្រសួងមហាផ្ទៃ
ត្រូវលុបចោលអង្គការសមាគមណាដែលធ្វើឲ្យប៉ះពាល់ដល់សន្តិសុខ
សណ្ដាប់ធ្នាប់ និងទំនៀមទម្លាប់ប្រពៃណីជាតិ។
លោក ទឹម ម៉ាឡៃ ប្រធានបណ្ដាញយុវជនកម្ពុជា
ដែលជាអង្គការមួយជាសមាជិកបន្ទប់ស្ថានការណ៍បោះឆ្នោត ឲ្យដឹងថា
ក្រុមការងារនេះមិនបានចូលរួមគាំទ្រគណបក្សប្រឆាំងនោះទេ
ហើយអ្វីដែលពួកលោកកំពុងធ្វើ គឺដើម្បីប្រជាពលរដ្ឋ៖ «សម្រាប់ការថ្លែងការណ៍អីជាដើមកន្លងមកហ្នឹង ក៏ជាចំណែកមួយលើកកម្ពស់ឲ្យមន្ត្រីដែលមានតួនាទីបម្រើប្រយោជន៍ប្រជាពលរដ្ឋ ឲ្យកាន់តែធានាអំពីឯករាជភាព។»
លោក សំ ច័ន្ទគា អ្នកនាំពាក្យអង្គការសិទ្ធិមនុស្សអាដហុក (ADHOC) ដែលជាសមាជិករបស់បន្ទប់ស្ថានការណ៍បោះឆ្នោតឆ្នាំ២០១៧
ដែរ មិនភ្ញាក់ផ្អើលការព្រមានរបស់ក្រសួងមហាផ្ទៃ នៅពេលនេះទេ
ខណៈការបោះឆ្នោតនឹងមកដល់ក្នុងរយៈពេល ៤ថ្ងៃទៀត៖ «ខ្ញុំមិនចាប់អារម្មណ៍រឿងនេះទេ។ ក្រសួងតែងមានការក្រើករំឭកជាញយៗហើយដល់អង្គការ ឬសមាគមណាដែលហ៊ានរិះគន់ ឬមួយហ៊ានបញ្ចេញមតិ។ ទៅជារឿងធម្មតារបស់រាជរដ្ឋាភិបាលកម្ពុជា ហើយ។»
លោកអះអាងថា អង្គការរបស់លោកមិនលម្អៀងទៅគណបក្សនយោបាយណាមួយនោះទេ៖ «តាំងពីអាដហុកបង្កើត ២៦ឆ្នាំហើយ អាដហុក មិនដែលលម្អៀងទៅរកគណបក្សនយោបាយណាទេ មិនដែលទៅបម្រើផលប្រយោជន៍ឲ្យគណបក្សនយោបាយណាផងដែរ ហើយយើងគ្រាន់តែធ្វើការងារឃ្លាំមើលការរំលោភសិទ្ធិនយោបាយ រំលោភសិទ្ធិមនុស្សតែប៉ុណ្ណោះ។ យើងអត់មានទៅជួយជ្រោមជ្រែងដល់គណបក្សផ្សេងៗទេ។»
លោក សំ ច័ន្ទគា បន្ថែមថា
ការក្រើករំឭករបស់ក្រសួងមហាផ្ទៃ ជាការល្អ
ក៏ប៉ុន្តែលោកស្នើដល់ក្រសួង អនុវត្តការត្រួតពិនិត្យនេះដោយស្មើភាព
ដោយលោកថាមានសមាគម
ឬអង្គការមួយចំនួនកំពុងចេញមុខជាចំហគាំទ្រគណបក្សនយោបាយ៕
No comments:
Post a Comment