Unity of Party or Person?

Friday, June 9, 2017

អាជ្ញាធរ​ ខេត្ត​ កំពង់ឆ្នាំង​ ពន្លឿន​ ការ​ផ្លាស់ទី​ ពលរដ្ឋ​ ជាង​២០០ ​គ្រួសារ​ ដើម្បី​ អភិវឌ្ឍ ​ច្រាំង​ទន្លេ | Kampong Chhnang authority rushes 200 families to move away from riverbank for development

អ្នក​ភូមិ​ចុងកោះ នៃ​សង្កាត់​ផ្សារឆ្នាំង ក្រុង​កំពង់ឆ្នាំង ផ្ដល់​បទសម្ភាសន៍​អំពី​ផល​ប៉ះពាល់​នៃ​គម្រោង​អភិវឌ្ឍន៍​ច្រាំង​ទន្លេ។
អ្នក​ភូមិ​ចុងកោះ នៃ​សង្កាត់​ផ្សារឆ្នាំង ក្រុង​កំពង់ឆ្នាំង ផ្ដល់​បទសម្ភាសន៍​អំពី​ផល​ប៉ះពាល់​នៃ​គម្រោង​អភិវឌ្ឍន៍​ច្រាំង​ទន្លេ។

អាជ្ញាធរ​ ខេត្ត​ កំពង់ឆ្នាំង​ ពន្លឿន​ ការ​ផ្លាស់ទី​ ពលរដ្ឋ​ ជាង​២០០ ​គ្រួសារ​ ដើម្បី​ អភិវឌ្ឍ ​ច្រាំង​ទន្លេ

RFA / វិទ្យុ អាស៊ី សេរី | ៨ មិថុនា​ ២០១៧

 

អាជ្ញាធរ​ ខេត្ត​ កំពង់ឆ្នាំង កំពុង​ជំរុញ​ ឲ្យ​ម្ចាស់​ផ្ទះ​ ដែល​មាន​ផ្ទះ​ លយ​ចូល​ ទៅ​ក្នុង​​ទន្លេ​ ផ្សារ​ក្រោម ​ជាង ២០០​ខ្នង រុះរើ​ ទៅ​រស់​នៅ​ កន្លែង​ថ្មី ដើម្បី​ យក​ដី​ ចំណី​ មាត់​ទន្លេ​ ទៅ​អភិវឌ្ឍ​ ផ្លូវ និង​សួនច្បារ។  ចំណែក ​ពលរដ្ឋ​ នៅ​អល់អែក ​ក្នុង​ការ ​ចាកចេញ ដោយ​ពួកគេ​ អះអាង​ ថា សំណើ​ សុំ​សំណង ​រុះរើ​ផ្ទះ ​ដែល​ពលរដ្ឋ​ស្នើ​ ទៅ​អាជ្ញាធរ​ខេត្ត​ ជា​ច្រើន ​លើក​ច្រើន​សា ​ហើយ​នោះ មិន ​ទាន់​មាន​ ចម្លើយ​ វិជ្ជមាន​ ណា​មួយ ​នៅ​ឡើយ។


អនុ​ប្រធាន ​ភូមិ​ចុង​កោះ សង្កាត់ ផ្សារឆ្នាំង ឲ្យ​ដឹង​ នៅ​ថ្ងៃ​ ទី​៩ ខែ​មិថុនា ថា, ក្នុង​ចំណោម ម្ចាស់​ផ្ទះ ២១០​ខ្នង មាន​តែ ៣០​ខ្នង​ ប៉ុណ្ណោះ​ បាន​រុះរើ​ផ្ទះ ​ចេញ​ទៅ​ កន្លែង​ថ្មី។  ចំណែក ​ម្ចាស់​ផ្ទះ​ ជាង ១០០​ ខ្នង​ទៀត​ នៅ​ស្ទាក់ស្ទើរ ដោយ​ចង់​បាន ​សំណង ​រុះរើ​ផ្ទះ​ បន្ថែម​ លើ​សំណង ​ផ្ដល់​ដី​ឡូត៍​ ទំហំ ៥ គុណ​ នឹង ២០​ម៉ែត្រ​ នៅ​លើ​ ទីតាំង​ថ្មី។  ពលរដ្ឋ​ មិន​ជំទាស់​ ការ​អភិវឌ្ឍ​ អាជ្ញាធរ​ឡើយ , ប៉ុន្តែ​ សូម ឲ្យ​ដោះស្រាយ​ សមរម្យ​ ជា​មុន។

អនុ​ប្រធាន​ភូមិ​ចុងកោះ លោក យ៉ើ អ៊ីត បន្ថែម​ថា អ្នក​ភូមិ​ខ្វល់​ចិត្ត​រឿង​ពេល​វេលា​រក​ស៊ី ការ​ដឹក​ជញ្ជូន​សម្ភារៈ​ក្នុង​ផ្ទះ និង​បញ្ហា​ឈើ​បាក់​បែក​ពេល​រុះរើ​ផ្ទះ​ទៅ​កន្លែង​ថ្មី​ទើប​ពលរដ្ឋ​សុំ​សំណង​រុះរើ៖ «មិន​មាន​ការ​ចម្រូង​ចម្រាស​អី​ទេ គាត់​គ្រាន់​តែ​ចាំ​មើល! គាត់​ស្នើ​សុំ​នោះ​វា​ច្រើន​ដង​ហើយ វា​អត់​បាន។ ឥឡូវ​ចាំ​មើល​ដល់​ពេល​រុះរើ​ហ្នឹង គាត់​នៅ​ធ្វើ​ការ​ទាមទារ និង​ស្នើ​សុំ​ម្ដង​ទៀត។ គាត់​បារម្ភ​ខ្លាច​អត់​បាន តែ​គាត់​មិន​ដឹង​ធ្វើ​ម៉េច​ដល់​ពេល​ហ្នឹង ព្រោះ​គាត់​អស់​លទ្ធភាព»

គម្រោង​អភិវឌ្ឍន៍​សួន​ច្បារ និង​ច្រាំង​ទន្លេ​ផ្សារ​ក្រោម​មាន​​រយៈ​ពេល ៥​ឆ្នាំ គឺ​គិត​ពី​ឆ្នាំ​២០១៥ ដល់​ឆ្នាំ​២០១៩ របស់​អាជ្ញាធរ​ខេត្ត​កំពង់ឆ្នាំង បាន​ប៉ះពាល់​ដល់​ផ្ទះ​សម្បែង និង​តូប​លក់​ដូរ​តាម​មាត់​ទន្លេ​ជា​ច្រើន។ អាជ្ញាធរ​ខេត្ត​បាន​សហការ​ជាមួយ​ក្រុមហ៊ុន​វិនិយោគ​ឯកជន ផ្ដល់​ដី​ឡូត៍ ១​ប្លង់​ក្នុង ១​គ្រួសារ​តែ​តម្រូវ​ឲ្យ​បង់​ថ្លៃ​ចាក់​ដី និង​រៀបចំ​ហេដ្ឋារចនាសម្ព័ន្ធ​ចំនួន ១​ពាន់​ដុល្លារ ហើយ​អាច​បង់​រំលោះ​រយៈពេល ២​ឆ្នាំ។

អភិបាល​រង​ខេត្ត​កំពង់ឆ្នាំង និង​ជា​ប្រធាន​ក្រុម​ការងារ​អភិវឌ្ឍន៍​ច្រាំង​ទន្លេ​នេះ លោក ស៊ុន សុវណ្ណារិទ្ធិ បញ្ជាក់​ថា អាជ្ញាធរ​ពុំ​មាន​លទ្ធភាព​ផ្ដល់​សំណង​រុះរើ​ផ្ទះ​ជូន​ពលរដ្ឋ​ទៀត​នោះ​ទេ ព្រោះ​អាជ្ញាធរ​បាន​ផ្ដល់​ដី​មួយ​ប្លង់​ក្នុង​មួយ​ខ្នង​ផ្ទះ ហើយ​អាជ្ញាធរ​ត្រៀម​កម្លាំង​ជួយ​ដឹក​ជញ្ជូន​គ្រឿង​ផ្ទះ​ពលរដ្ឋ​ទៀត​ផង។លោក​នឹង​ជំរុញ​ឲ្យ​ពលរដ្ឋ​រុះរើ​ចេញ​ពី​មាត់​ទន្លេ​ឲ្យ​អស់​យ៉ាង​យូរ​នៅ​ដំណាច់​ឆ្នាំ​២០១៧ នេះ៖ «មក​ដល់​ម៉ោង​នេះ​ភាគ​ច្រើន​ហ្នឹង ៨០% ជាង គឺ​គាត់​បាន​យក​ទៅ​តាម​គោលការណ៍​ដែល​គាត់​ព្រមព្រៀង​យក​ដី​ធ្លី​ហ្នឹង​ហើយ។ សំណើ​ដែល​គាត់​ដាក់​មក​ឲ្យ​ពួក​ខ្ញុំ​ហ្នឹង ក៏​ខ្ញុំ​បាន​ពិនិត្យ​មើល​ហើយៗ អា​ហ្នឹង​ក្រុម​ការងារ​នឹង​ដោះ (ដោះស្រាយ) ដោយ​ឡែក ប៉ុន្តែ​ឥឡូវ​កំពុង​ដោះ​ជូន​បងប្អូន​ភាគ​ច្រើន​នេះ​សិន»

អាជ្ញាធរ និង​ពលរដ្ឋ​អះអាង​ថា បច្ចុប្បន្ន​នៅ​សល់​ពលរដ្ឋ​ប្រមាណ ៦​គ្រួសារ​ទៀត បដិសេធ​មិន​ទទួល​យក​លុយ ឬ​ដោះដូរ​យក​ដី​ឡូត៍ ដើម្បី​ចាកចេញ ខណៈ​ពលរដ្ឋ​ប្រមាណ ១១​គ្រួសារ​ផ្សេង​ទៀត យល់​ព្រម​ទទួល​យក​ដី​ឡូត៍ ប៉ុន្តែ​ពុំ​មាន​លទ្ធភាព​រុះរើ​ផ្ទះ​ចេញ​ពី​លើ​ដី​ចំណី​មាត់​ទន្លេ​នោះ។ គម្រោង​ធ្វើ​សួន​ច្បារ និង​ផ្លូវ​ក្រាល​កៅស៊ូ​នៅ​ប្រប​មាត់​ទន្លេ នឹង​ធ្វើ​ហើយ​នៅ​ឆ្នាំ​២០១៨ បើ​ពលរដ្ឋ​រុះរើ​ផ្ទះ​ចេញ​អស់​តាម​គម្រោង​នៅ​ដំណាច់​ឆ្នាំ​២០១៧៕



No comments:

Post a Comment