Paris Peace Accords 23 Oct. 1991

Thursday, June 8, 2017

]Vietnamization: Analogy] ម៉ុងតាញ៉ា ​វៀតណាម ​១៦​នាក់​ បន្ថែម​ទៀត ​ត្រូវ​ បាន​បញ្ជូន​ទៅ​ វៀតណាម ​វិញ | Another 16 Vietnamese Montagnards have been repatriated to Vietnam

ជនជាតិ​ដើម​ភាគ​តិច​ម៉ុងតាញ៉ា-វៀតណាម ស្នាក់នៅ​ក្រោម​ការ​ឧបត្ថម្ភ​របស់​ឧត្តម​ស្នងការ​អង្គការ​សហប្រជាជាតិ ទទួល​បន្ទុក​ជន​ភៀស​ខ្លួន (UNHCR) នៅ​ភូមិ​ត្រពាំងថ្លឹង សង្កាត់​ចោមចៅ ខណ្ឌ​ពោធិ៍សែនជ័យ រាជធានី​ភ្នំពេញ នៅ​ថ្ងៃ​ទី​៧ ខែ​មិថុនា ឆ្នាំ​២០១៦។ RFA/Yeang Socheametta
ជនជាតិ​ដើម​ភាគ​តិច​ម៉ុងតាញ៉ា-វៀតណាម ស្នាក់នៅ​ក្រោម​ការ​ឧបត្ថម្ភ​របស់​ឧត្តម​ស្នងការ​អង្គការ​សហប្រជាជាតិ ទទួល​បន្ទុក​ជន​ភៀស​ខ្លួន (UNHCR) នៅ​ភូមិ​ត្រពាំងថ្លឹង សង្កាត់​ចោមចៅ ខណ្ឌ​ពោធិ៍សែនជ័យ រាជធានី​ភ្នំពេញ នៅ​ថ្ងៃ​ទី​៧ ខែ​មិថុនា ឆ្នាំ​២០១៦។ RFA/Yeang Socheametta

ម៉ុងតាញ៉ា ​វៀតណាម ​១៦​នាក់​ បន្ថែម​ទៀត ​ត្រូវ​ បាន​បញ្ជូន​ទៅ​ វៀតណាម ​វិញ

RFA / វិទ្យុ អាស៊ី សេរី | ៨ មិថុនា​ ២០១៧


ជនជាតិ​ដើម​ ភាគតិច​ ម៉ុងតាញ៉ា​ វៀតណាម ១៦​នាក់ ​ទៀត​ហើយ ត្រូវ​ បាន​បញ្ជូន​ ត្រឡប់​ទៅ​ ប្រទេស ​វៀតណាម វិញ នៅ​ថ្ងៃ​ ទី​៨ ខែ​មិថុនា។  ការ​បញ្ជូន​ខ្លួន​នេះ ក្រោយ​ ពី​ពួកគេ ​មិន​មាន​ ភស្តុតាង​ បន្ថែម ​ដើម្បី​ បង្ហាញ ​ថា ពួកគេ​ អាច​ទទួល​បាន​ ឋានៈ​ ជា​ជនភៀសខ្លួន។


អ្នកនាំពាក្យ​អគ្គនាយកដ្ឋាន​អន្តោប្រវេសន៍​ក្រសួង​មហាផ្ទៃ លោក តាន់ សុវិជ្ជា ថ្លែង​ថា ជនជាតិ​ដើម​ភាគ​តិច​ម៉ុងតាញ៉ា​វៀតណាម ១៦​នាក់ ដែល​បញ្ជូន​ទៅ​នេះ គឺ​អម​ដំណើរ​ដោយ​មន្ត្រី​របស់​ឧត្ដម​ស្នងការ​អង្គការ​សហប្រជាជាតិ​ទទួល​បន្ទុក​ជន​ភៀស​ខ្លួន (UNHCR) និង​អាជ្ញាធរ​កម្ពុជា។

លោក តាន់ សុវិជ្ជា បញ្ជាក់​បន្ថែម​ថា នៅ​ពេល​បញ្ជូន​ទៅ​ដល់​ព្រំដែន​កម្ពុជា-​វៀតណាម អាជ្ញាធរ​ខ្មែរ​នឹង​ត្រូវ​ត្រឡប់​មក​កម្ពុជា​វិញ។ ចំណែក​មន្ត្រី​របស់ UNHCR នឹង​បន្ត​ដំណើរ​ជាមួយ​អាជ្ញាធរ​វៀតណាម ដែល​រង់ចាំ​ទទួល​ជនជាតិ​ម៉ុងតាញ៉ា​នៅ​ព្រំដែន រហូត​ដល់​ទី​កន្លែង​ដែល​ពួកគេ​រស់​នៅ។

លោក​ថា មុន​នឹង​បញ្ជូន​ទៅ​វិញ​នេះ ខាង​ភាគី​អង្គការ​សហប្រជាជាតិ​បាន​ធ្វើ​ការ​ជាមួយ​អាជ្ញាធរ​វៀតណាម រួច​ហើយ ដើម្បី​ធានា​ថា សុវត្ថិភាព​របស់​ជនជាតិ​ម៉ុងតាញ៉ា ទាំង​អស់​នេះ​នឹង​ត្រូវ​ធានា​ដើម្បី​រួច​ផុត​ពី​ការ​ធ្វើទុក្ខបុកម្នេញ​នានា។

លោក តាន់ សុវិជ្ជា សង្កត់​ធ្ងន់​ថា នេះ​ជា​ការ​ត្រឡប់​ទៅ​វិញ​ដោយ​ស្ម័គ្រចិត្ត ដោយ​មាន​ការ​ជួយ​ជ្រោមជ្រែង​របស់​អង្គការ​សហប្រជាជាតិ​ក្រោយ​ពួកគេ​មិន​មាន​អំណះអំណាង​បង្ហាញ​បន្ថែម​ដើម្បី​ទទួល​បាន​ឋានៈ​ជា​ជនភៀសខ្លួន៖ «មិនមែន​កម្ពុជា បញ្ជូន​ទេ UNHCR រៀបចំ​ឲ្យ​ត្រឡប់​ទៅ​វិញ គាត់​មិន​ទទួល​បាន​ឋានៈ​ជា​ជនភៀសខ្លួន ទី​២ ដល់​គាត់​ប្ដឹង​ឧទ្ធរណ៍ ប្រហែល​ជា​គាត់​គ្មាន​សង្ឃឹម និង​មាន​អំណះអំណាង​ថ្មី ទើប​ស្ម័គ្រចិត្ត​ត្រឡប់​ទៅ​វិញ​ទាន់ UN រៀបចំ»

ចាប់​តាំង​ពី​ឆ្នាំ​២០០១ មក មាន​ជនជាតិ​ដើម​ភាគតិច​ម៉ុងតាញ៉ា​វៀតណាម យ៉ាង​ហោច​ណាស់​ក៏ ៣​ពាន់​នាក់​ដែរ​បាន​រត់​កាត់​ព្រៃ​ឆ្លង​ដែន​ចូល​កម្ពុជា តាម​ខេត្ត​រតនគិរី និង​មណ្ឌលគិរី ដើម្បី​ស្វែង​រក​សិទ្ធិ​ជ្រកកោន។ រលក​នៃ​ការ​រត់​គេច​ខ្លួន​ចុង​ក្រោយ​គឺ​នៅ​ចុង​ឆ្នាំ​២០១៤។ ជនជាតិ​ម៉ុងតាញ៉ា អះអាង​ថា ពួកគេ​ត្រូវ​បាន​អាជ្ញាធរ​វៀតណាម ធ្វើ​ទុក្ខបុកម្នេញ និង​បំបិទ​សិទ្ធិ​សេរីភាព​ផ្នែក​សាសនា​ជាដើម។

សម្រាប់​ការ​បញ្ជូន​ជនជាតិ​ម៉ុងតាញ៉ា ១៦​នាក់ ត្រឡប់​ទៅ​វៀតណាម វិញ នៅ​ពេល​នេះ អាស៊ីសេរី មិន​ទាន់​អាច​សុំ​ការ​បញ្ជាក់​បន្ថែម​ពី​មន្ត្រី​ផ្នែក​ព័ត៌មាន​សាធារណៈ​ប្រចាំ​តំបន់​របស់​អង្គការ​សហប្រជាជាតិ​ទទួល​បន្ទុក​ជនភៀសខ្លួន អ្នកស្រី វីវៀន តាន់ (Vivian Tan) បាន​ទេ នៅ​ថ្ងៃ​ទី​៨ ខែ​មិថុនា។

លោក តាន់ សុវិជ្ជា ឲ្យ​ដឹង​ថា បន្ទាប់ពី​ជនជាតិ​ម៉ុងតាញ៉ា ១៦​នាក់​នេះ​ត្រូវ​បាន​បញ្ជូន​ទៅ​វៀតណាម វិញ បច្ចុប្បន្ន​មាន​ជនជាតិ​ម៉ុងតាញ៉ា ចំនួន ៥២​នាក់​កំពុង​ស្នាក់នៅ​ក្នុង​ប្រទេស​កម្ពុជា។ លោក​ថា ក្នុង​ចំណោម ៥២​នាក់​នេះ មាន ៣​នាក់ ត្រូវ​បាន​ផ្ដល់​ឋានៈ​ជា​ជនភៀសខ្លួន ប៉ុន្តែ​លោក​មិន​ទាន់​ដឹង​ថា តើ​អង្គការ​សហប្រជាជាតិ​នឹង​បញ្ជូន​ពួកគេ​ទៅ​កាន់​ប្រទេស​ណា​ឡើយ។ ដោយ​ឡែក​សម្រាប់​ជនជាតិ​ម៉ុងតាញ៉ា ដែល​នៅ​សល់​ផ្សេង​ទៀត លោក​ថា បាន​ឆ្លង​កាត់​ការ​សម្ភាស​រួចរាល់​ហើយ ប៉ុន្តែ​មិន​ទទួល​បាន​ឋានៈ​ជា​ជនភៀសខ្លួន​ឡើយ។ លោក​ថា ក្នុង​ចំណោម​អ្នក​ធ្លាក់​សម្ភាស​ទាំង​នេះ អ្នក​ខ្លះ​កំពុង​ប្ដឹង​ឧទ្ធរណ៍។ ប៉ុន្តែ​បើ​ពួកគេ​មិន​មាន​ភស្តុតាង​បន្ថែម​ដើម្បី​បង្ហាញ​នោះ​ទេ ពួកគេ​នឹង​មិន​ទទួល​បាន​ឋានៈ​ជា​ជនភៀសខ្លួន​ឡើយ។

បើ​រាប់​ទាំង​អ្នក​ជាប់​លើក​មុន និង​លើក​នេះ គឺ​មាន​ជនជាតិ​ម៉ុងតាញ៉ា ចំនួន ១៦​នាក់​ហើយ​ដែល​ត្រូវ​បាន​ផ្ដល់​ឋានៈ​ជា​ជនភៀសខ្លួន ក្នុង​នោះ ១៣​នាក់​ត្រូវ​បាន​អង្គការសហប្រជាជាតិ​បញ្ជូន​ទៅ​ស្នាក់នៅ​ក្នុង​ប្រទេស​ហ្វីលីពីន ដើម្បី​បន្ត​ដំណើរ​ទៅ​រស់​នៅ​ក្នុង​ប្រទេស​ទី​៣។

​កន្លង​ទៅ អង្គការ​ការពារ​សិទ្ធិ​មនុស្សជាតិ និង​អន្តរជាតិ បាន​សម្ដែង​ការ​បារម្ភ​ពី​ជោគវាសនា​របស់​ជនជាតិ​ម៉ុងតាញ៉ា ដែល​ស្វែង​រក​សិទ្ធិ​ជ្រកកោន​នៅ​កម្ពុជា។ អង្គការ​ទាំង​នេះ​តែង​ស្នើ​ឲ្យ​រដ្ឋាភិបាល​កម្ពុជា អនុវត្ត​ស្រប​ទៅ​តាម​លក្ខណៈ​វិនិច្ឆ័យ​នៃ​អនុសញ្ញា​ស្ដីពី​ជនភៀសខ្លួន​របស់​អង្គការ​សហប្រជាជាតិ ហើយ​ចង់​ឃើញ​ការ​កំណត់​ឋានៈ​នៃ​ជនភៀសខ្លួន​របស់​ជន​ជាតិ​ម៉ុងតាញ៉ា ដោយ​ផ្អែក​លើ​មូលដ្ឋាន​ច្បាប់​ជា​ជាង​ផ្អែក​ទៅ​លើ​ហេតុផល​នយោបាយ។

ការ​ស្នើ​សុំ​របស់​សង្គម​ស៊ីវិល​នេះ ក៏​ដោយសារ​ជនជាតិ​ម៉ុងតាញ៉ា មាន​ការ​បារម្ភ​ពី​ការ​ធ្វើ​ទុក្ខបុកម្នេញ​នៅ​ពេល​ពួកគេ​ត្រូវ​បាន​បញ្ជូន​ទៅ​ប្រទេស​វៀតណាម វិញ ខណៈ​ដែល​ជនជាតិ​ម៉ុងតាញ៉ា មួយ​ចំនួន​ទៀត បាន​រត់​ទៅ​កាន់​ប្រទេស​ថៃ ដើម្បី​គេច​ផុត​ពី​ការ​ចាប់​បញ្ជូន​ទៅ​កាន់​ប្រទេស​វៀតណាម វិញ៕

7 comments:

  1. Anonymous2:30 AM

    Why don't Immigration Dept. Officers search, arrest and send back the illegal Vietnamese immigrants on Cambodian water and soil? There are several thousands of illegal Vietnamese immigrants in Cambodia. The number of Vietnamese Montagnards is very small. CPP Immigration Dept. officials are lazy and ridiculous.

    ReplyDelete
    Replies
    1. Anonymous10:50 AM

      They are Cambodian born folk with Vietnamese ethnic.

      Delete
  2. Anonymous3:00 PM

    10:50 AM

    Just like you, you were born in Cambodia from a Hanoi- native mother
    and Yuon illegal father.
    Now we know why you worship YOUR Samdach Ach Koar Hun Sen !!!

    ReplyDelete
    Replies
    1. Anonymous7:49 PM

      I have zero Khmer gene in me.

      Delete
    2. Anonymous3:36 PM

      Since you were born in Cambodia, you're
      a Cambodian citizen.
      But any of your kind, we don't want you.

      Delete
  3. Anonymous8:36 AM

    I am not Cambodian.

    ReplyDelete
  4. Anonymous2:33 PM

    8:36 AM

    Yes, we know you are a Yuon troll and a parasite.
    We reject you from being Cambodian.

    ReplyDelete