 |
| សមត្ថកិច្ចថៃ បញ្ជូនពលករខ្មែរធ្វើការនៅថៃ ដោយខុសច្បាប់ មកដល់នៅផ្សាររា ភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ Photo Provided |
រយៈពេល ៥ថ្ងៃ អាជ្ញាធរ ថៃ បញ្ជូនពលករ ខ្មែរ ខុសច្បាប់ ជាង ១ពាន់ នាក់ មកស្រុកវិញ
RFA / វិទ្យុ អាស៊ី សេរី | ១ កក្កដា ២០១៧
មន្ត្រី សង្គមស៊ីវិល ប្រាប់ថា, រយៈពេល ៥ថ្ងៃ ហើយ ដែលអាជ្ញាធរ ថៃ សម្រុក ចាប់បញ្ជូន ពលករ ខ្មែរ ខុសច្បាប់ ឲ្យត្រឡប់ មកកម្ពុជាវិញ តាមច្រកទ្វារ អន្ដរជាតិ ប៉ោយប៉ែត។ ពលករខ្មែរខុសច្បាប់ ដែលអាជ្ញាធរថៃ ចាប់បញ្ជូនត្រឡប់មកវិញ ប្រាប់សង្គមស៊ីវិល និងសមាជិក ព្រឹទ្ធសភា ថា, គ្មាន លទ្ធភាព និងពិបាក ក្នុងការ ធ្វើលិខិត ឆ្លងដែន ទើប សម្រេច ទៅធ្វើការ ទាំងប្រថុយប្រថាន។អភិបាលក្រុងប៉ោយប៉ែត លោក ង៉ោ ម៉េងជ្រួន ប្រាប់អាស៊ីសេរី នៅថ្ងៃទី១ ខែកក្កដា ថា ពលករដែលថៃ ចាប់បញ្ជូនមកវិញក្នុងមួយថ្ងៃៗ ប្រហែលពី ២០០ ទៅ ៤០០នាក់។ លោកថា អាជ្ញាធរថៃ បានបញ្ជូនពលករខ្មែរខុសច្បាប់មកកម្ពុជាវិញ ដើម្បីឲ្យធ្វើឯកសារបញ្ជាក់សិន មុនអនុញ្ញាតឲ្យចូលទៅធ្វើការវិញ។
ការចាប់បញ្ជូនពលករខ្មែរខុសច្បាប់យ៉ាងគំហុកនេះ គឺបន្ទាប់ពីររដ្ឋាភិបាលថៃ ប្រកាសអនុវត្តច្បាប់ថ្មីដោយផ្ដន្ទាទោសពិន័យជាប្រាក់ និងដាក់ពន្ធនាគារចំពោះថៅកែថៃ ណាដែលហ៊ានជួល ឬជួយលាក់បាំងពលករខុសច្បាប់ឲ្យនៅធ្វើការ។
No comments:
Post a Comment