 |
| បណ្ដាញការពារព្រៃឡង់ ស្រុកសណ្ដាន់ ខេត្តកំពង់ធំ លោក មីញ នី កំពុងពិនិត្យ និងកត់ចំនួនឈើដែលជនល្មើសកាប់រួចនៅថ្ងៃទី១៨ ខែសីហា ឆ្នាំ២០១៧។ Photo Provided |
អ្នកស្រាវជ្រាវ៖ កុមារ អាចជួប ហានិភ័យ ខ្ពស់ ដល់សុខភាព ដោយសារ ការកាប់បំផ្លាញ ព្រៃឈើ
RFA / វិទ្យុ អាស៊ី សេរី | ២៨ សីហា ២០១៧
ក្រុម អ្នកសិក្សា ស្រាវជ្រាវ មកពី សាកលវិទ្យាល័យ ជាតិ សិង្ហបុរី (NUS) រកឃើញ ថា,
ការបាត់បង់ ព្រៃឈើ ក្នុងប្រទេស កម្ពុជា
អាចបណ្តាល ឲ្យមាន ហានិភ័យ ខ្ពស់ ដល់ការ កើតមានឡើង នូវជំងឺ រាករូស,
ជំងឺ ឆ្លងផ្លូវ ដង្ហើម, និងជំងឺ គ្រុនក្តៅ
ដែលជាប្រភព ចម្បងមួយ នៃអត្រា មរណភាព
និងអត្រា កើតរោគ របស់ កុមារ អាយុ ក្រោម ៥ឆ្នាំ។
ក្រុមអ្នកសិក្សា ស្រាវជ្រាវ ដឹកនាំ ដោយសាស្ត្រាចារ្យ រ៉ូមែន ការាស្កូ (Roman Carrasco) នៃដេប៉ាតឺម៉ង់ ជីវសាស្ត្រ មហាវិទ្យាល័យវិទ្យាសាស្ត្រ របស់ សាកលវិទ្យាល័យ ជាតិ សិង្ហបុរី បានធ្វើការ សិក្សា វិភាគ លើទិន្នន័យ ប្រមូលបាន ពីការ ស្ទង់មតិ ពីគ្រួសារ ជាង ៣ម៉ឺន ៥ពាន់ គ្រួសារ មកពី សហគមន៍ ចំនួន ១.៧៦៦ សហគមន៍ ក្នុងរវាង ឆ្នាំ២០០៥
និងឆ្នាំ២០១៤
ក្នុងគោលបំណង ដើម្បី ធ្វើការ តាមដាន ទំនាក់ទំនង រវាង សុខភាព កុមារ
និងតំបន់ ព្រៃឈើនានា ក្នុងប្រទេស កម្ពុជា។
ក្រុមអ្នកស្រាវជ្រាវរកឃើញថា
ការកាត់បន្ថយចំនួន ១០ភាគរយនៃព្រៃឈើ
មានពាក់ព័ន្ធនឹងការកើនឡើងនៃករណីជំងឺរាករូសក្នុងចំណោមកុមារអាយុក្រោម
៥ឆ្នាំ រហូតដល់ទៅ ១៤ភាគរយ។ លើសពីនេះទៀត
របកគំហើញរបស់ក្រុមអ្នកស្រាវជ្រាវដដែលនេះបង្ហាញថា
ការកើនឡើងតំបន់គម្របព្រៃការពារ
អាចបណ្តាលឲ្យមានហានិភ័យទាបនៃជំងឺរាករូស
និងជំងឺឆ្លងផ្លូវដង្ហើម។
លោកសាស្ត្រាចារ្យ រ៉ូមែន ការាស្កូ ថ្លែងថា
ការសិក្សានេះសបញ្ជាក់ឲ្យឃើញអំពីទំនាក់ទំនងរវាងការបំផ្លិចបំផ្លាញបរិស្ថាន
និងវិស័យសុខាភិបាល ហើយបញ្ជាក់ថា
ការអភិរក្សព្រៃឈើអាចជួយសម្រាលបន្ទុកដល់វិស័យសុខាភិបាល។
លោកមានប្រសាសន៍ថា
ផលប៉ះពាល់នៃវិស័យសុខាភិបាលសាធារណៈបណ្តាលមកពីការកាប់បំផ្លាញព្រៃឈើ
គួរតែត្រូវយកមកពិចារណាថ្លឹងថ្លែង
នៅពេលដែលក្រុមអ្នកធ្វើគោលនយោបាយវាយតម្លៃអំពីតុល្យភាពរវាងផែនការប្រើប្រាស់ដីធ្លី
ការអភិរក្សព្រៃឈើ និងសុខភាពសាធារណៈ។
ការសិក្សាស្រាវជ្រាវនេះ ត្រូវបានបោះពុម្ពផ្សាយក្នុងទិនានុប្បវត្តិវិទ្យាសាស្ត្រឈ្មោះ The Lancet Planetary Health ចេញផ្សាយខែសីហា ឆ្នាំ២០១៧៕
No comments:
Post a Comment