 |
| តំណាងរាស្ត្រគណបក្សសង្គ្រោះជាតិ លោក ម៉ៅ មុនីវណ្ណ ក្នុងពេលដឹកនាំប្រតិភូចូលសួរសុខទុក្ខសកម្មជនជាប់ឃុំនៅពន្ធនាគារព្រៃស កាលពីព្រឹកថ្ងៃទី១១ ខែមករា ឆ្នាំ២០១៧។ |
លោក ម៉ៅ មុនីវណ្ណ ថា មានតែ ពេលវេលាទេ ដែលអាចបញ្ជាក់ ពីទង្វើ របស់លោក
RFA / វិទ្យុ អាស៊ី សេរី |៣១ តុលា ២០១៧
អ្នកតំណាងរាស្ត្រ មណ្ឌលខែត្រ កំពង់ចាម
មកពីគណបក្ស សង្គ្រោះជាតិ
ដែលរងការ ចោទប្រកាន់ ពីអតីត ប្រធាន គណបក្ស សង្គ្រោះជាតិ ថា
មានបំណង ធ្វើបក្សប្រហារ គឺ លោក ម៉ៅ មុនីវណ្ណ អះអាងថា,
លោក ធ្វើនយោបាយ ដោយឈរ ខាងប្រជាពលរដ្ឋ
និងមិនចង់ បកស្រាយ ចំពោះ ការចោទប្រកាន់ របស់ លោក សម រង្ស៊ី
ទៅលើរូបលោក នោះទេ។
លោក ម៉ៅ មុនីវណ្ណ យល់ ថា, ទង្វើ របស់លោក
ទុកឲ្យ ប្រជាពលរដ្ឋ ជាអ្នកសម្រេច, ប៉ុន្ដែ ទោះ យ៉ាងណា ,
លោក មិនមាន ការអាក់អន់ចិត្ត ចំពោះ លោក សម រង្ស៊ី នោះទេ
បើ ទោះជា ចោទប្រកាន់លោក ត្រង់ៗ ក៏ដោយ។
លោក ម៉ៅ មុនីវណ្ណ
ដែលហាក់ព្យាយាម មិនចង់ឆ្លើយ នឹងក្រុម អ្នកសារ ព័ត៌មាន
នៅក្រៅ របង តុលាការកំពូល នៅព្រឹក ថ្ងៃទី៣១ តុលា អះអាង ថា,
ពាក្យចោទប្រកាន់ លើរូបលោក វា ហាក់កើតមាន ញឹកញាប់ហើយ, ដូច្នេះ លោក យល់ថា
មានតែ ពេលវេលាទេ ដែលអាចបញ្ជាក់ ពីទង្វើ របស់លោក។
លោក សម រង្ស៊ី អតីតប្រធានគណបក្សប្រឆាំង បានថតជាវីដេអូឃ្លីប បង្ហោះនៅក្នុងហ្វេសប៊ុក (Facebook) ផ្ទាល់ខ្លួន
របស់លោក កាលពីថ្ងៃទី៣០ តុលា ថា
គណបក្សកាន់អំណាចមិនអាចរំលាយគណបក្សសង្គ្រោះជាតិបានទេ
ទើបប្រើវិធីមួយទៀត
គឺទិញមន្ត្រីបក្សប្រឆាំងមួយចំនួននៅក្នុងជួរគណៈកម្មការនាយក។ លោក
សម រង្ស៊ី អះអាងថា លោក ម៉ៅ មុនីវណ្ណ
គឺជាជនបង្កប់របស់គណបក្សកាន់អំណាចក្នុងការរំលាយបក្សប្រឆាំង។
លោក ម៉ៅ មុនីវណ្ណ ត្រូវបានគេមើលឃើញថា
ជាមន្ត្រីសកម្មក្នុងការចុះពង្រឹងគណបក្សមូលដ្ឋាននៅស្របពេលមន្ត្រីជាន់ខ្ពស់បក្សប្រឆាំងមួយចំនួនទៀត
និរទេសខ្លួនទៅក្រៅប្រទេស ដើម្បីសិទ្ធិសេរីភាព។
ផ្ទុយពីការលើកឡើងរបស់ លោក សម រង្ស៊ី ដែលថា
គណៈកម្មការនាយករបស់គណបក្សសង្គ្រោះជាតិ ភាគច្រើននៅក្រៅប្រទេស
សមាជិកជាន់ខ្ពស់បក្សប្រឆាំងម្នាក់ទៀត គឺ លោក អ៊ូ ច័ន្ទរ័ត្ន អះអាងថា
មន្ត្រីគណៈកម្មការនាយករបស់បក្សប្រឆាំងភាគច្រើននៅក្នុងប្រទេសនៅឡើយ។
នៅមុនពេលគណបក្សសង្គ្រោះជាតិរួមគ្នារវាង
គណបក្សសម រង្ស៊ី និងគណបក្សសិទ្ធិមនុស្សនោះ លោក ម៉ៅ មុនីវណ្ណ
បានចាកចេញពីគណបក្សសម រង្ស៊ី ចុះចូលជាមួយគណបក្សសិទ្ធិមនុស្ស។ កាលណោះ
លោកបានទម្លាក់ចោលស្លាកគណបក្សសម រង្ស៊ី
ជាច្រើននៅខេត្តកំពង់ចាមដែលជាមណ្ឌលបោះឆ្នោតរបស់លោក
និងបានលើកស្លាកគណបក្សសិទ្ធិមនុស្សជំនួសវិញ៕
Putting in "only time" in youtube and the first thing you find is "only time enya".
ReplyDeletehttps://www.youtube.com/watch?v=7wfYIMyS_dI
មានរឿងតំណាល មួយបាន និទានប្រាប់ថា ៖
ReplyDeleteកាលលោក ម៉ៅ មុនីវណ្ណ នៅធ្វើជា ពេទ្យព្យាបាលរោគ, មានអ្នក ជំងឺជាច្រើន សួរគាត់,បន្ទាប់ពីដេក ព្យាបាលរោគ អស់រយៈពេលដ៏ យូរ ថា, លោកគ្រូពេទ្យ តើ ជំងឺពួកយើងនេះ នឹងសះស្បើយពេល ណា ? ។
លោក ម៉ៅ មុនីវណ្ណ បានឆ្លើយវិញថា ៖
មានតែ ពេលវេលាទេ ដែលអាចបញ្ជាក់ ពីចម្លើយនេះបាន ។
ស្អែកឡើង, លោកនាយក មន្ទីរពេទ្យ និងក្រុមសហសេវិក បានកម្លា ទឹកចិត្ត លោក ម៉ៅ មុនីវណ្ណ ឲ្យចូលប្រឡូក ក្នុងឆាកនយោបាយ !!!