[Vietnamization: History Series] Sam Rainsy: ប្រវត្តិសាស្ត្រ ដែលរដ្ឋអំណាច មិនចង់ ឲ្យប្រជាពលរដ្ឋ ខ្មែរ ដឹងឮ និងចងចាំ | History of the CPP

២៥ វិច្ឆិកា ២០១៧ / 25 November 2017 - History of the CPP

ថ្មីៗនេះ ខ្ញុំ បានលាតត្រដាង ពីសម័យមួយ ក្នុងប្រវត្តិសាស្ត្រ នៃប្រទេស កម្ពុជា ដែលរដ្ឋអំណាច មិនចង់ ឲ្យប្រជាពលរដ្ឋ ខ្មែរ សព្វថ្ងៃ ដឹងឮ និងចងចាំ។  ខ្ញុំ បានផ្តល់ ភស្តុតាង ដែលបញ្ជាក់ ថា សឺង ង៉ុកមិញ ហៅអាចារ្យ មៀន (អាចារ្យ ក្លែងក្លាយ) ដែលជាបិតា ស្ថាបនិក គណបក្ស ប្រជាជន កម្ពុជា (ពីឆ្នាំ ១៩៥១ ដល់ឆ្នាំ ១៩៥៤) ជាជនក្បត់ជាតិ។  សូម ចូលមើល វីដេអូឃ្លីប៖ https://tinyurl.com/yd82smak

បន្ទាប់ពី សឺង ង៉ុកមិញ មក ថ្នាក់ដឹកនាំគណបក្សប្រជាជនកម្ពុជា សុទ្ធតែជាជនក្បត់ជាតិដូចគ្នា លើកលែងតែ ប៉ែន សុវណ្ណ និង ចាន់ ស៊ី ដែលបានប៉ុនប៉ង រើបម្រះពីយួន តែត្រូវបានយួនចាប់ដាក់គុក (ប៉ែន សុវណ្ណ ពីឆ្នាំ ១៩៨១ ដល់ឆ្នាំ ១៩៩១) ឬលួចសម្លាប់ (ចាន់ ស៊ី នៅចុងឆ្នាំ ១៩៨៤)។

ជនក្បត់ជាតិ ធំជាងគេ ដែលនៅរស់ សព្វថ្ងៃ គឺ ហេង សំរិន និង ហ៊ុន សែន ដោយសារតែ អ្នកទាំងពីរនេះ៖
- បានបម្រើ យួន និងបានធ្វើ ឲ្យប្រទេស កម្ពុជា បាត់បង់ ឯករាជ្យភាព, ហើយ ក្លាយទៅ ជារណប ប្រទេស វៀតណាម ចាប់ពីឆ្នាំ ១៩៧៩។
- បានកាត់ ទឹកដី ប្រទេសកម្ពុជា នៅច្រើនតំបន់ ឲ្យទៅ ប្រទេស វៀតណាម តាមរយៈ សន្ធិសញ្ញាព្រំដែន ឆ្នាំ ១៩៨១ ១៩៨២ និង ១៩៨៥។
- បានលួចប្លន់ ឬបំផ្លាញ ទ្រព្យសម្បត្តិ ជាតិ យ៉ាងច្រើន មហិមា ដោយសារតែ ការកាប់បំផ្លាញ ព្រៃឈើ, រំលាយភ្នំ, លុបបឹង, បូមខ្សាច់ និងប្លន់ដីធ្លី ប្រជារាស្ត្រ យកទៅ ឲ្យក្រុមហ៊ុន បរទេស រហូត មកដល់ សព្វថ្ងៃ។

ចម្លែកណាស់៖ មកដល់សព្វថ្ងៃ ហេង សំរិន និង ហ៊ុន សែន បានប្តឹងខ្ញុំ តែពីរឿង
បរិហារកេរ្តិ៍ កំប៉ិកកំប៉ុក តែមិនដែលហ៊ានប្តឹងខ្ញុំ ពីការចោទប្រកាន់របស់ខ្ញុំថា ពួកគាត់ជាជនក្បត់ជាតិ ហើយគណបក្សពួកគាត់ ជាគណបក្សក្បត់ជាតិ យ៉ាងពិតប្រាកដ។ ភាពកំសាក របស់ ហេង សំរិន និង ហ៊ុន សែន ដែលមិនហ៊ានប្តឹងខ្ញុំនេះ ជាការសារភាពថា អ្វីដែលខ្ញុំបានលើកឡើង គឺជារឿងពិតទាំងអស់ ពីព្រោះគ្មាននរណាអាចបដិសេធ ប្រវត្តិសាស្ត្របានទេ។ គេគ្រាន់តែប៉ុនប៉ង បិទបាំងប្រវត្តិសាស្ត្រ តែ សម័យនេះ គ្មាននរណាអាចបិទបាំងប្រវត្តិសាស្ត្របានទេ។

ដូច្នេះ សូមឈប់ឆ្កួតអបអរសាទរ ថ្ងៃ ២៨ មិថុនា ដែលជាថ្ងៃកំណើត របស់គណបក្សប្រជាជនកម្ពុជា ក្នងឆ្នាំ ១៩៥១។
Photo from the CPP's archives (late 1980s): It shows the composition of the Politburo at the top of the party's Central Committee. Three most prominent positions: "comrade" Heng Samrin, "comrade" Chea Sim and "comrade" Hun Sen. These apparatchiks were installed by the Vietnamese communist forces that occupied Cambodia at that time and they were just Vietnamese puppets and national traitors serving foreign interest. They are the shameful successors of Son Ngoc Minh, the CPP's founding father whose biography is shown at https://tinyurl.com/yd82smak

សម រង្ស៊ី / Sam Rainsy
www.facebook.com/rainsy.sam