 |
ប្រធានសហភាពការងារកម្ពុជា លោក អាត់ ធន ផ្ដល់បទសម្ភាសន៍កាលពីថ្ងៃទី១ ខែកញ្ញា ឆ្នាំ២០១៦ នារាជធានីភ្នំពេញ។
RFA/Um Raingsy
|
លោក អាត់ ធន់ ត្រូវ បាន តែងតាំង ជាសមាជិក គណៈកម្មការ ជាតិ ត្រួតពិនិត្យ ខាងការងារ
RFA / វិទ្យុ អាស៊ី សេរី |
មេ សហជីព ៤នាក់ ទទួលបាន ការតែងតាំង ជាសមាជិក គណៈកម្មការ ជាតិ ត្រួតពិនិត្យ ការអនុវត្ត អនុសញ្ញា អន្តរជាតិ ខាងការងារ ដើម្បី ធានា ការអនុវត្ត សិទ្ធិការងារ បានល្អ។
ប្រធាន សម្ព័ន្ធសហជីព ប្រជាធិបតេយ្យ កម្មករ កាត់ដេរ កម្ពុជា លោក អាត់ ធន់ មានប្រសាសន៍ ថា , នេះ ជាឱកាសមួយ ដែលលោក បានចូលរួម នឹងអាច នាំយកសំឡេង កម្មករ តាមរយៈ ការផ្ដល់យោបល់ ដល់រដ្ឋាភិបាល ក្នុងការ អនុវត្ត លើអនុសញ្ញា ផ្សេងៗ ដើម្បី ឲ្យកម្មករ ទទួលបាន ផលប្រយោជន៍ កាន់តែ ច្រើន ថែមទៀត និងដើម្បី ធានា ការអនុវត្ត សិទ្ធិការងារ បានល្អ។
កាលពីខែធ្នូ ឆ្នាំ២០១៧ រដ្ឋាភិបាលបានសម្រេចបង្កើត និងតែងតាំងសមាសភាពគណៈកម្មការជាតិត្រួតពិនិត្យការអនុវត្តអនុសញ្ញាអន្តរជាតិខាងការងារដែលកម្ពុជាបានផ្ដល់សច្ចាប័ន ក្នុងនោះមានលោក អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ ជាប្រធាន។
ក្រៅពីនេះ ប្រធានសហជីពចំនួន៣នាក់មាននិន្នាការគាំទ្ររដ្ឋាភិបាល និងម្នាក់ទៀតមានពីសហជីពឯករាជ្យ ទទួលបានការតែងតាំងជាសមាជិកគណៈកម្មការមានជាអាទិ៍ លោក ជួន មុំថុល ប្រធានសហព័ន្ធសហជីពខ្មែរ លោក សោម អូន ប្រធានសហព័ន្ធសហជីពកម្មករកម្ពុជា លោក អាត់ ធន់ ប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា និងអ្នកស្រី កេន ឆេងឡាង អនុប្រធានសហភាពចលនាកម្មករកម្ពុជា។
គណៈកម្មការជាតិត្រួតពិនិត្យការអនុវត្តអនុសញ្ញាអន្តរជាតិខាងការងារជាស្ថាប័នត្រីភាគីត្រូវបានរដ្ឋាភិបាលបង្កើតឡើង តាមសំណើរបស់រដ្ឋមន្ត្រីក្រសួងការងារ។ គណៈកម្មការជាតិ មានតួនាទី និងភារកិច្ច ពិនិត្យ និងផ្ដល់យោបល់ជូនរដ្ឋាភិបាលទាក់ទងដល់ការផ្ដល់សច្ចាប័នលើអនុសញ្ញាអន្តរជាតិខាងការងារ និងអនុសញ្ញាអន្តរជាតិពាក់ព័ន្ធ ឬការដកខ្លួនចេញពីអនុសញ្ញាអន្តរជាតិខាងការងារ ឬអនុសញ្ញាអន្តរជាតិពាក់ព័ន្ធ ដែលកម្ពុជាបានផ្ដល់សច្ចាប័នរួចហើយនិងបញ្ហាសំខាន់ៗមួយចំនួនទៀត៕
No comments:
Post a Comment