ប្រធានគណបក្សហ៊្វុនស៊ិនប៉ិច សម្ដេចក្រុមព្រះ នរោត្ដម រណឫទ្ធិ មានបន្ទូលក្នុងពិធីសំណេះសំណាលជាមួយសកម្មជន និងបូកសរុបការងារឆ្នាំ២០១៥ នារាជធានីភ្នំពេញ កាលពីថ្ងៃទី៣០ មករា ឆ្នាំ២០១៦។ RFA |
គណបក្ស ហ៊្វុនស៊ិនប៉ិច ស្នើឲ្យ ស៊ើបអង្កេត ស៊ីជម្រៅ ករណី គ្រោះថ្នាក់ ចរាចរ លើសម្ដេច ក្រុមព្រះ
RFA / វិទ្យុ អាស៊ី សេរី | ១៨ មិថុនា ២០១៨
អ្នកនាំពាក្យគណបក្សហ៊្វុនស៊ិនប៉ិច លោក ញេប ប៊ុនជិន មានប្រសាសន៍នៅរសៀលថ្ងៃទី១៨ មិថុនាថា ព្រះអង្គម្ចាស់ នរោត្ដម រណឫទ្ធិ ត្រូវបានបញ្ជូនទៅព្យាបាលបន្តនៅប្រទេសថៃហើយ កាលពីព្រឹកថ្ងៃទី១៨ មិថុនា ដោយសារសមាជិកគណបក្សចង់ឲ្យរបួសរបស់ព្រះអង្គបានធូរស្រាលចាប់រហ័ស។
ទោះជាយ៉ាងណា លោក ញេប ប៊ុនជិន ទទូចឲ្យសមត្ថកិច្ចបើកការស៊ើបអង្កេតលើករណីគ្រោះថ្នាក់ចរាចរនេះ ឲ្យបានស៊ីជម្រៅ ដើម្បីរកយុត្តិធម៌ដល់សម្ដេចក្រុមព្រះ និងជនរងគ្រោះ។ «»
លោក ញេប ប៊ុនជិន បន្តថា ចំពោះសពអ្នកម្នាង អ៊ុក ផល្លា វិញ គឺបានបង្កើតអ្នកគណៈកម្មការបុណ្យធ្វើបុណ្យសព ដោយតម្កល់ធ្វើបុណ្យនៅវត្តបទុមវតី ចាប់ពីថ្ងៃទី១៨ រហូតដល់២០មិថុនា ហើយនឹងបូជាសពនៅព្រឹកថ្ងៃទី២០ មិថុនា តែម្ដង។ លោក ញេប ប៊ុនជិន អះអាងទៀតថា រហូតមកពេលពេលនេះមិនទាន់មានស្ថាប័នណាចូលលុយដើម្បីធ្វើបុណ្យនៅឡើយទេ។ «»
អ្នកម្នាង អ៊ុក ផល្លា ទទួលអនិច្ចកម្ម នៅម៉ោង១២ថ្ងៃត្រង់ ក្រោយពីគ្រោះថ្នាក់ចរាចរនៅស្រុកព្រៃនប់ ខេត្តព្រះសីហនុ កាលពីព្រឹកថ្ងៃទី១៧ មិថុនា គឺបន្ទាប់ពីបញ្ជូនទៅសង្គ្រោះបន្ទាន់នៅមន្ទីរពេទ្យខេត្តព្រះសីហនុ៕
No comments:
Post a Comment