Paris Peace Accords 23 Oct. 1991

Tuesday, June 26, 2018

CPP​ សម្រុក​ធ្វើ​ យុទ្ធនាការ ​រក​សំឡេង​គាំទ្រ ​ខណៈ​ CNRP ​ជំរុញ​​ ពលរដ្ឋ​ មិន ​ឲ្យ​​ចូលរួម​ បោះឆ្នោត | CPP campaigns hard to find supporting voices while CNRP urges people not to go vote

លោក​នាយករដ្ឋមន្ត្រី ហ៊ុន សែន (ឆ្វេង) និង​លោក សម រង្ស៊ី អតីត​ប្រធាន​គណបក្ស​សង្គ្រោះជាតិ។
CPP​ សម្រុក​ធ្វើ​ យុទ្ធនាការ ​រក​សំឡេង​គាំទ្រ ​ខណៈ​ CNRP ​ជំរុញ​​ ពលរដ្ឋ​ មិន ​ឲ្យ​​ចូលរួម​ បោះឆ្នោត

RFA / វិទ្យុ អាស៊ី សេរី | ២៥ មិថុនា ២០១៨






ថ្នាក់ដឹកនាំ​គ្រាក់ៗ ​របស់​គណបក្ស​ប្រជាជន​កម្ពុជា រួម​ទាំង​​លោក ហ៊ុន សែន ផង សម្រុក​​ធ្វើ​យុទ្ធនាការ​រក​សំឡេង​គាំទ្រ​ពី​ប្រជា​ពលរដ្ឋ​កាន់តែ​ខ្លាំង ខណៈ​មន្ត្រី​គណបក្ស​សង្គ្រោះជាតិ​នៅតែ​បន្ត​ជំរុញ​ពលរដ្ឋ​កុំ​ឲ្យ​ទៅ​បោះឆ្នោត ដែល​ប្រព្រឹត្តទៅ​នៅ​ថ្ងៃ​​ទី២៩ កក្កដា​ខាងមុខ។ អ្នកវិភាគ​នយោបាយ លើកឡើង​ថា​ការ​ធ្វើ​យុទ្ធនាការ​ផ្ទុយគ្នា​នេះ ដោយសារតែ គណបក្ស​ជាប់ឆ្នោត​ទាំង​២ ចង់បាន​ជ័យជំនះ​លើ​ការ​គាំទ្រ​ពី​ពលរដ្ឋ ដើម្បី​ឲ្យ​អន្តរជាតិ​ទទួលស្គាល់​រៀងៗ ​ខ្លួន។

លោក ហ៊ុន សែន បន្ត​យក​សមិទ្ធផល​ក្រោម​ការដឹកនាំ​របស់​ខ្លួន​ជាង​៣០​ឆ្នាំទៅ​អួតអាង​ដើម្បី​រក​សំឡេង​គាំទ្រ​ពី​ប្រជាពលរដ្ឋ។
ថ្លែង​នៅ​ក្នុង​ពិធី​សម្ពោធ​ដាក់​ឲ្យ​ប្រើប្រាស់​ចំណត​កំពង់ផែ នៅ​កំពង់ផែ​ស្វយ័ត​នៅ​ខេត្ត​ព្រះសីហនុ នៅ​ព្រឹក​ថ្ងៃ​ទី​២៥​ មិថុនា លោក​នាយករដ្ឋមន្ត្រី ហ៊ុន សែន ថា កម្ពុជា​មានការ​រីក​ចំរើន​ដូច​សព្វថ្ងៃ​នេះ ដោយសារ​ការ​ដឹក​របស់​គណបក្ស​ប្រជាជន​​កម្ពុជា​តែ​មួយ​គត់។ បុរស​ខ្លាំង​រូប​នេះ អះអាង​ទៀត​ថា ប្រសិនបើ​ប្រជាពលរដ្ឋ​ចង់​ឲ្យ​កម្ពុជា​មាន​សន្តិភាព និង​មានការ​រីក​ចំរើន​ទៅ​មុខ​ទៀត ដូច្នេះ​ពលរដ្ឋ​ត្រូវតែ​បោះឆ្នោត​ជូន​គណបក្ស​ប្រជាជន​កម្ពុជា។ «»
ចំណែក​នៅ​តាម​បណ្ដា​ខេត្ត​មួយទៀត​ដូចជា​នៅ​ខេត្ត​បន្ទាយមានជ័យ ព្រៃវែង ភ្នំពេញ កំពត និង​ខេត្ត​បាត់ដំបង​ជាដើម គឺ​មន្ត្រី​គ្រាក់ៗ​របស់​គណបក្ស​កាន់អំណាច បាន​សម្រុក​ចុះ​ជួប​ប្រជាពលរដ្ឋ​ទាំង​ថ្ងៃ​ឈប់​សម្រាក ដើម្បី​ជំរុញ​ឲ្យ​ពលរដ្ឋ​បោះឆ្នោត​ជូន​គណបក្ស​ខ្លួន។
មន្ត្រី​ទាំងនោះ នៅ​ស្ទើរ​គ្រប់​ទីកន្លែង​បាន​នាំ​យក​អំណោយ​ដូចជា​សារ៉ុង​១ កន្សែង​១ អង្ករ​ប្រមាណ​១០​គីឡូក្រាម និង​ថវិកា​មួយ​ចំនួនទៀត​ចែក​ជូន​ពលរដ្ឋ​ទៀត​ផង។ ចំណែក​ឯ​កន្លែង​ខ្លះ​ទៀត​អ្នក​ឃោសនា​បាន​ពាក់អាវ​គណបក្ស​ប្រជាជន​កម្ពុជា ចែក​អំណោយ​ដល់​សិស្ស​នៅ​ក្នុង​សាលារៀន​ក៏​មាន​ទៀត​ផង។
អនុប្រធាន​គណបក្ស​សង្គ្រោះជាតិ​លោក អេង ឆៃអ៊ាង បាន​សរសេរ​សារ​នៅ​ក្នុង​ហ្វេសប៊ុក (Facebook) របស់លោក កាលពី​យប់​ថ្ងៃ​ទី​២៤ មិថុនា ដោយ​រិះគន់​ថា តើ​បម្រាម​លោក ហង់ ជួនណារ៉ុន រដ្ឋមន្ត្រីក្រសួង​អប់រំ​មិន​ឲ្យ​បក្ស​នយោបាយ​ធ្វើ​សកម្មភាព​នយោបាយ​នៅ​តាម​គ្រឹះស្ថាន​អប់រំ​នោះ បត់​ទុក​នៅ​កន្លែង​ណា។
លោក អេង ឆៃអ៊ាង ទទូច​ឲ្យ​ប្រជាពលរដ្ឋកុំ​ទៅ​បោះឆ្នោត ដោយ​ថា ​នៅ​ថ្ងៃ​ទី​២៩ ​កក្កដា​ខាងមុខ នៅ​ដេក​ផ្ទះ​ម្រាមដៃ​ស្អាត។
ចំណែក​អ្នកគាំទ្រ​គណបក្សប្រឆាំង​មួយ​ចំនួន​បាន​សរសេរ​សារ​រិះគន់​នៅ​ក្នុង​ហ្វេសប៊ុក​រឿង​យុទ្ធនាការ​របស់​គណបក្ស​កាន់អំណាច​នេះ​ខុសៗ​ គ្នា។
ហ្វេសប៊ុក​ឈ្មោះ មាប់ ភាធ រិះគន់ថា ការ​អូសទាញ​មនុស្ស​ធំ មិន​បាន​ក៏​ប្រើ​កូនក្មេង​មិនទាន់​គ្រប់​អាយុ ឲ្យ​ជួយ​ប្រាប់​ឪពុក​ម្តាយ​ទៅ​បោះឆ្នោត​ឲ្យ។ បក្ស​អញ​ចង់​ធ្វើ​អី​ក៏បាន មិន​ខុស តែ​បក្ស​ដទៃ​ខុសច្បាប់ រំលោភ​បម្រាម​ស្រុក​រំដួល។ ហ្វេសប៊ុក​ឈ្មោះ កុលបុត្រ​ខ្មែរ ចោទ​បក្ស​១៩ ​ទៀតថា ​គ្រាន់តែ​ជា​បក្ស​ស៊ីឈ្នួល និង​ចូល​មក​បំភាន់​មតិ​ជាតិ អន្តរជាតិ​ប៉ុណ្ណោះ និង​ហ្វេសប៊ុក​ឈ្មោះ យ៉ាន យុទ្ធ ថា នេះ​ហើយ​ប្រទេស​ដែល​សំបូរ​ដោយ​បណ្ឌិត ម៉ែ​បណ្ឌិត ឪ​បណ្ឌិត ចេះ​ច្រើនៗ ​បោកប្រាស់​ប្រជាពលរដ្ឋ ដល់​ពេល​ជិត​បោះឆ្នោត​មកដល់​គេ​យក​អំណោយ​មក​ចែក​ឲ្យ​ហូប​បាន​មួយថ្ងៃ​សម្រាប់​រយៈពេល​ប្រាំ​ឆ្នាំ។ នេះ​ហើយ​នយោបាយ​ចែក​អំណោយ​របស់​លោក​បណ្ឌិត CPP ចំណែក​អ្នកដឹកនាំ​ប្រទេស​ប្រជាធិបតេយ្យ​ជឿនលឿន​គេ​ធ្វើ​នយោបាយ​ចែក​ចំណេះ ជំនាញ មុខរបរ ការងារ ដល់​ពលរដ្ឋ​គេជាដើម។
អ្នកវិភាគ​នយោបាយ​វ័យក្មេង លោក ហេង វិទូ លើកឡើង​ថា ករណី លោក ហ៊ុន សែន និង​មន្ត្រី​គ្រាក់ៗ ​គណបក្ស​កាន់អំណាច​សម្រុក​ធ្វើ​យុទ្ធនាការ​នេះ គឺ​គ្រាន់តែ​ជា​ការ​សម្ដែង​ល្ខោន ដើម្បី​ឲ្យ​ប្រជា​ពលរដ្ឋ និង​អន្តរជាតិ មើល​ឃើញ​ថា គណបក្ស​កាន់អំណាច ​ព្រួយបារម្ភ​ខ្លាច​ចាញ់​ឆ្នោត​ប៉ុណ្ណោះ​ដោយសារ​គណបក្ស​មួយ​នេះ​បាន​ដឹង​រួចទៅ​ហើយ​ថា គណបក្ស​ខ្លួន​នឹង​ឈ្នះ​ឆ្នោត​ខាងមុខ ព្រោះ​គណបក្សប្រឆាំង​ដែល​ជា​គូ​ប្រកួត​សំខាន់​នោះ​ ត្រូវ​​បាន​រដ្ឋអំណាច​របប​លោក ហ៊ុន សែន ​រម្លាយ​បាត់​ទៅ​​ហើយ។ «»
ចំណែក​សារ​នយោបាយ​របស់​ថ្នាក់ដឹកនាំ​គណបក្ស​សង្គ្រោះជាតិ​វិញ លោក ហង្ស វិទូ លើកឡើង​ថា សារ​នេះ ដោយសារ​គណបក្សប្រឆាំង​នេះ​ចង់​ឲ្យ​អ្នក​ទៅ​បោះឆ្នោត​មាន​ចំនួន​តិចតួច ហើយ​នៅ​ពេល​នោះ នឹង​ធ្វើ​ឲ្យ​លោក ហ៊ុន សែន ទទួល​បាន​ភាព​អា​មាស​មុខ​ពី​សហគមន៍​អន្តរជាតិ។ «»
របប​លោក ហ៊ុន សែន នឹង​រៀបចំ​ការបោះឆ្នោត​ដ៏​ចម្រូងចម្រាស​នៅ​ថ្ងៃ​ទី​២៩ ខែ​កក្កដាខាង​មុខ។ ប៉ុន្តែ​ការបោះឆ្នោត​ដែល ដៃគូ​កូត​ប្រជែង​ធំ​តែមួយគត់​របស់​ខ្លួន គឺ​គណបក្ស​សង្គ្រោះជាតិ ត្រូវ​បាន​របប​លោក ហ៊ុន សែន រំលាយ​ចោល​នោះ ត្រូវ​សហគមន៍​អន្តរជាតិ​ព្រមាន​មិន​ទទួលស្គាល់​លទ្ធផល​បោះឆ្នោត​នោះ។ នៅ​ពេល​នេះ ពលរដ្ឋ​ខ្មែរ​នៅ​ក្រៅ​ស្រុក​បា​ននាំគ្នា​តវ៉ា​តាម​ប្រទេស​របស់​ពួកគេ​រស់នៅ​រៀងៗ ​ខ្លួន ប្រឆាំង​នឹង​ការបោះឆ្នោត​ដែល​ពួកគេ​ចាត់ការ​បោះឆ្នោត​ក្លែងក្លាយ និង​ទាមទារ​ឲ្យ​ជប៉ុន​ឈប់​គាំទ្រ​ការបោះឆ្នោត​នោះ៕





1 comment:

  1. Anonymous9:00 AM

    Do not go to vote, only CNRP is the legitimate party, not CPP, not GDP, not LDP or any other parties. Sam Rainsy is the only one who can rescue Cambodia. United Nations and USA must apologize to Sam Rainsy for undermining his effort in the past.

    1. President Obama visited Cambodia without Sam Rainsy's permission and defied his request not to legitimize CPP regime and the 2013 election result.

    2. United Nation conspired with Hun Sen and CPP with fake maps to undermine Sam Rainsy's effort to reclaim lost land from Vietnam.

    3. USA immediately removed the newly found map of Cambodia from the New York Central Library. This is to be in concert with United Nations' conspiracy working with Hun Sen and CPP.

    4. USA must apologizes and returns all the money seized from Lon Nol's era. The whole amount with accrued interest must be surrendered to Sam Rainsy before he may grant a pardon to old transgression.

    Failure to do that, Sam Rainsy will sue USA in the world court and Russia&China will sanction USA.

    ReplyDelete