ការផ្តល់ អភ័យឯកសិទ្ធិ សភា ដល់សមាជិក គ.ជ.ប. ថ្មី នៅមិនទាន់ ច្បាស់លាស់
VOA | ៣១ កក្កដា ២០១៤
វ៉ាស៊ីនតោន — គណបក្ស សង្គ្រោះជាតិ និងគណបក្ស ប្រជាជនកម្ពុជា នៅមិនទាន់មាន ជំហរ រួមគ្នា ក្នុងការផ្តល់ ការការពារ ដល់សមាជិក គណៈកម្មាធិការ ជាតិ រៀបចំ ការបោះឆ្នោតថ្មី ដែលនឹងត្រូវ បង្កើតឡើង ក្រោយការព្រមព្រៀងគ្នា រវាង គណបក្ស គូទំនាស់ ទាំងពីរនេះ នៅឡើយទេ។
តាមប្រភព ដែលសិ្នទ្ធ នឹងការចរចា ឱ្យដឹងថា, សេចក្តី ព្រាងច្បាប់ រដ្ឋធម្មនុញ្ញថ្មី ដែលគណបក្ស សង្គ្រោះជាតិ បានស្នើឡើង បានស្នើសុំ ឱ្យសមាជិក សមាជិកា គ.ជ.ប. ថ្មី មានអភ័យឯកសិទ្ធិ ដូចអ្នក តំណាងរាស្រ្ត ដែរ។ ប៉ុន្តែ គណបក្ស កាន់អំណាច យល់ថា, សំណើនេះ មិនអាច ធ្វើបានទេ។
ការស្នើសុំ ផ្តល់អភ័យឯកសិទ្ធិ ដល់សមាជិក នៃគ.ជ.ប. កើតឡើង បន្ទាប់ ពីលោកស្រី ពុង ឈីវកេក ប្រធាន អង្គការ សិទ្ធិមនុស្ស លីកាដូ យល់ព្រម ចូលបម្រើការងារ ក្នុងស្ថាប័ន ដែលកំពុងមាន រឿងចម្រូងចម្រាសនេះ ដោយភ្ជាប់ លក្ខខណ្ឌ មួយចំនួន, ក្នុងនោះ គឺ ការផ្តល់ អភ័យឯកសិទ្ធិ ដើម្បី កុំ ឱ្យមាន គណបក្ស នយោបាយណា មកប្រើប្រាស់ ឥទ្ធិពល លើបាន។
លោក អេង ឆៃអ៊ាង អ្នកតំណាងរាស្ត្រ ជាប់ឆ្នោត នៃគណបក្ស សង្គ្រោះជាតិ និងជាប្រធាន ក្រុមការងារ ធ្វើវិសោធនកម្ម រដ្ឋធម្មនុញ្ញ ខាងគណបក្ស សង្គ្រោះជាតិបាន បញ្ជាក់ថា៖
«ម្សិលមិញ ពេលដែលខ្ញុំ ប្រជុំការងារ ជាមួយ គណបក្ស ប្រជាជន ដែលមាន ឯកឧត្តម ប៉ែន បញ្ញា ជាប្រធាន, ខ្ញុំ ក៏បានលើក ពីសំណើ របស់គាត់ ទៅពិភាក្សាដែរ។ ប៉ុន្តែ នៅមិនទាន់ដឹង លទ្ធផល យ៉ាងម៉េច ទេព្រោះ។ ខាងក្រុមការងារ គណបក្ស ប្រជាជន, គេ នឹងយក គំនិតហ្នឹង ទៅជជែក ជាមួយ ផ្ទៃក្នុងគណបក្ស។ ប៉ុន្តែ ចំពោះ គណបក្ស សង្គ្រោះជាតិ, យើង គាំទ្រ នូវសំណើ និងសំណូមពរ របស់ គាត់ហ្នឹង។»
យោងតាមមាត្រា
១៥២ថ្មី ដែលប្រភព
ស្និទ្ធ នឹងការចរចា ឱ្យវីអូអេ ដឹង គឺ គណបក្ស សង្គ្រោះជាតិ សរសេរថា៖
«សមាជិក គណៈកម្មាធិការ ជាតិ រៀបចំ ការបោះឆ្នោត ត្រូវ ជ្រើសរើសក្ នុងចំណោម ឥស្សរជន ដែលមានសញ្ជាតិ ជាខ្មែរ ពីកំណើត, មានសញ្ញាបត្រ កម្រិតឧត្តមសិក្សា ឡើងទៅ, ហើយ មានពិសោធន៍ ច្រើន ក្នុងការបម្រើសង្គម។ សមាជិក គណៈកម្មាធិការ ជាតិ រៀបចំ ការបោះឆ្នោត មានអភ័យឯកសិទ្ធិ ដូចតំណាងរាស្រ្ត ក្នុងការបំពេញ តួនាទីខ្លួន។ ការរៀបចំ និងការប្រព្រឹត្តទៅ នៃគណៈកម្មាធិការ ជាតិ រៀបចំ ការបោះឆ្នោត នឹងត្រូវ កំណត់ ក្នុងច្បាប់មួយ។»
«សមាជិក គណៈកម្មាធិការ ជាតិ រៀបចំ ការបោះឆ្នោត ត្រូវ ជ្រើសរើសក្ នុងចំណោម ឥស្សរជន ដែលមានសញ្ជាតិ ជាខ្មែរ ពីកំណើត, មានសញ្ញាបត្រ កម្រិតឧត្តមសិក្សា ឡើងទៅ, ហើយ មានពិសោធន៍ ច្រើន ក្នុងការបម្រើសង្គម។ សមាជិក គណៈកម្មាធិការ ជាតិ រៀបចំ ការបោះឆ្នោត មានអភ័យឯកសិទ្ធិ ដូចតំណាងរាស្រ្ត ក្នុងការបំពេញ តួនាទីខ្លួន។ ការរៀបចំ និងការប្រព្រឹត្តទៅ នៃគណៈកម្មាធិការ ជាតិ រៀបចំ ការបោះឆ្នោត នឹងត្រូវ កំណត់ ក្នុងច្បាប់មួយ។»
ប៉ុន្តែ ការលើកឡើងនេះ ត្រូវ បានលោក ឈាង វុន ប្រធានគណៈកម្មាធិការកិច្ចការបរទេសរបស់រដ្ឋសភាជាតិនៃគណបក្សប្រជាជន កម្ពុជាយល់ថាមិនអាចទទួលយកបានទេ។
លោកឈាង វុនបានបញ្ជាក់ប្រាប់វីអូអេថា៖
«គ.ជ.ប. គាត់ មិនមែន ជាតំណាងរាស្រ្តទេ។ កុំ លើក ពីអ្វី ដែលតំណាង ពលរដ្ឋ គាត់មាន។ បុព្វសិទ្ធិ អ្នកតំណាងរាស្រ្ត និងអភ័យឯកសិទ្ធិ អ្នកតំណាងរាស្រ្តហ្នឹង គឺ ជាការធានា ពីការនិយាយស្តី របស់គាត់, ហើយ និយាយ ពីការចំណាយ ដើម្បី បម្រើរាស្រ្ត របស់គាត់ បីបួនម៉ឺននាក់ ដែលគាត់ តំណាងដូច្នេះ ក្នុងនាម អ្នកតំណាងរាស្រ្ត គាត់ សំខាន់ណាស់។ អញ្ចឹងហើយ គេ ការពារគាត់, កុំ ឱ្យគាត់ ការពារ ប្រជារាស្រ្ត របស់គាត់ ទៅគាត់ ត្រូវ ទទួលទោស នៅក្នុងការនិយាយស្តី ការពារ នៅក្នុងរដ្ឋសភា។ អញ្ចឹងហើយ បានជាគេ ឱ្យអភ័យឯកសិទ្ធិ។ ការងារ គ.ជ.ប. គឺ ជាការងារ ប្រតិបត្តិ ក្នុងការបោះឆ្នោត។ អញ្ចឹង ការងារបោះឆ្នោត, វា អត់មាន រឿងអ្វី ត្រូវ មានអភ័យឯកសិទ្ធិផង។ ការសុំនេះ អត់ត្រឹមត្រូវទេ។ ហើយ វា មិនដែលមាន ប្រទេសណា មានអភ័យ ឯកសិទ្ធិ ជូនគណៈកម្មាធិការ ជាតិ រៀបចំ ការបោះឆ្នោតទេ។»
គណៈកម្មាធិការជាតិរៀបចំការបោះឆ្នោតទទួលរងការចោទប្រកាន់ថាមាន ការលំអៀងទៅរកគណបក្សកាន់អំណាចដែលនាំឱ្យលទ្ធផលឆ្នោតដែលប្រកាស ដោយស្ថាប័ននេះមិនត្រូវបានគណបក្សប្រឆាំងទទួលស្គាល់ហើយមិនទទួលយក និងធ្វើពហិការកិច្ចប្រជុំសភាជាតិ។
អង្គការសង្គមស៊ីវិលយល់ថាអភ័យឯកសិទ្ធនេះគឺជាការការពារបន្ថែម ទៀតដល់អ្នកធ្វើការនៅក្នុងស្ថាប័ននេះបើទោះបីជាគំរូដូចនេះនៅ មិនទាន់មានអនុវត្តនៅប្រទេសណាក៏ដោយ។
លោកបណ្ឌិត ហង្ស ពុទ្ធា នាយកប្រតិបត្តិអង្គការនិកហ្វិកបានបញ្ជាក់ថា៖
«ខ្ញុំថាការកែទម្រង់ស្ថាប័នរៀបចំការបោះឆ្នោតនេះមានការចាំបាច់ ដែលតម្រូវឱ្យសមាជិកនីមួយៗមានអភ័យឯកសិទ្ធិដូចជាតំណាងរាស្ត្រដែរ ដោយសារស្ថាប័ននេះកំណត់នៅក្នុងរដ្ឋធម្មនុញ្ញហើយស្ថាប័ននេះឯងគឺ នឹងធ្វើការជាកណ្តាលរវាងគណបក្សនយោបាយទាំងអស់។ អញ្ចឹងប្រសិនបើស្ថាប័នមួយនេះស្ថិតនៅក្នុងគំនាបគណបក្សនយោបាយណាដូច ជាការបញ្ឈប់ឬក៏ការបៀតបៀនចាប់ខ្លួនអ្វីនោះ អីចឹងពួកគាត់មិនមានឯករាជ្យក្នុងការធ្វើការងារទេ។»
ប៉ុន្តែលោកឈាង វុន សមាជិកក្រុមចរចានៃគណបក្សប្រជាជនកម្ពុជាបានបញ្ជាក់ថាបើសមាជិក គ.ជ.បធ្វើការបន្លំសន្លឹកឆ្នោតគឺត្រូវតែទទួលទោស៖
«គាត់ ទៅលួចបន្លំ ការបោះឆ្នោត, ហើយ ឱ្យគាត់ អត់មានទោស យ៉ាងម៉េច? វាមិ នដែលមាន។ ខ្ញុំ មិនថា អីទេ បើ ថា ឱ្យ ក៏ឱ្យទៅ។ ក៏ប៉ុន្តែ ខ្ញុំ មិនស្តាយ ទេនោះ។ មិនមែន របស់ខ្ញុំផង, ប៉ុន្តែ ជាគោលការណ៍ច្បាប់។ វា អត់មាន ការអនុវត្ត បែបនេះ។»
គណបក្សប្រជាជនកម្ពុជានិងគណបក្សសង្គ្រោះជាតិបានព្រមព្រៀងគ្នា បញ្ចប់វិបត្តិនយោបាយក្រោយការបោះឆ្នោតដែលមានរយៈពេលជិតមួយឆ្នាំ។ ប៉ុន្តែសមាជិកសភាជាប់ឆ្នោតទាំងអស់របស់គណបក្សសង្គ្រោះជាតិនៅមិន ទាន់ស្បថចូលកាន់តំណែងនៅឡើយទេដោយរង់ចាំក្រុមការងារដែលបានបង្កើត ឡើងចំនួនបីចរចាលើចំណុចលម្អិតសម្រាប់យកទៅ អនុវត្តនៅពេលដែលចូលកាន់តំណែង។
ការបង្កើត គ.ជ.ប. ថ្មី ត្រូវ ផ្អែកលើរូបមន្តបួននាក់មកពីគណបក្សកាន់ អំណាច ៤នាក់មកពីគណបក្សប្រឆាំងនិងមួយនាក់ជាបុគ្គលឯករាជ្យ។ សម្រាប់សមាសភាពខាងផ្នែកគណបក្សប្រឆាំងត្រូវបានប្រភពប្រាប់ឱ្យដឹង ថា មានសមាសភាពមកពីអង្គការសង្គមស៊ីវិលចូលរួមច្រើនក្រៅពីលោកស្រី ពុង ឈីវកេក៕
HERE IS A RECOMMENDATION 1ST BOTH CNRP & CPP CHOOSE PONG CHIV KEKTO FILL IN THE POST, THEN BOTH CNRP & CPP MUST CHOOSE THE NEXT 4-5 CANDIDATE IN ORDER TO BACK UP THE THE 1ST CANDIDATE JUST IN CASE THAT PONG CHIV KEK LEAVE THE POST THE NEXT 5 CANDIDATE WILL SWEAR IN AND TAKE THE POST AUTOMATICALLY. MUST WRITE THIS AS A LAW IN CONSTITUTION THAT THE POOL OF CANDIDATE MUST SWEAR IN AND TAKE THE POST AUTOMATICALLY IN CANDIDATE ORDERLY. AND SIGN BY BOTH CNRP & CPP TO AGREE.
ReplyDeleteBY DOING THIS TWO PARTIES CNRP & CPP ARE AGREE IN ADVANCE WITH THE CANDIDATE THEY BOTH ARE CHOOSING NOW, SO THERE ARE NO PROBLEM LATER.