សាលាដំបូង រាជធានីភ្នំពេញ ចេញដីកា តាមចាប់ ព្រះសង្ឃ ខ្មែរ កម្ពុជា ក្រោម សឺន ហាយ
RFA / វិទ្យុ អាស៊ី សេរី | ១៨ វិច្ឆិកា ២០១៥
ព្រះសង្ឃខ្មែរកម្ពុជាក្រោម ព្រះតេជព្រះគុណ សឺន ហាយ
ធ្វើសន្និសីទកាសែតនាវត្តស្ទឹងមានជ័យ កាលពីព្រឹកថ្ងៃទី១០ ឧសភា
ឆ្នាំ២០១៥។ RFA/Um Rainsey
បន្ទាប់ ពីអនុញ្ញាត ឲ្យព្រះតេជព្រះគុណ សឺន ហាយ ស្ថិតនៅក្រៅឃុំ បណ្ដោះអាសន្ន បានជាង ៧ខែ, សាលាដំបូង រាជធានីភ្នំពេញ នៅថ្ងៃ ទី៣ វិច្ឆិកា បានប្រកាស ឲ្យសមត្ថកិច្ ចតាមចាប់ព្រះអង្គ ដើម្បី យកមកឃុំខ្លួន នៅក្នុងពន្ធនាគារ ពីបទប្រើប្រាស់ ឯកសារ ក្លែងក្លាយ និងស្លៀក ដណ្ដប់ តាមបែប ព្រះពុទ្ធសាសនា ដោយគ្មាន សិទ្ធិ។ តែ មន្ត្រី សិទ្ធិមនុស្ស មើលឃើញ ថា, ដីកានេះ ធ្វើឡើង ដើម្បី បំបិទមាត់ សកម្មជន ដែលហ៊ាន តវ៉ា ពីបញ្ហា ទឹកដី កម្ពុជាក្រោម។
ដីកា បង្គាប់ ឲ្យចាប់ខ្លួន និងឃុំខ្លួន ព្រះតេជព្រះគុណ សឺន ហាយ ចេញ ដោយចៅក្រម ជំនុំជម្រះ ឃី ឆៃ កាលពីថ្ងៃ ទី៣ វិច្ឆិកា, ហើយ ដែលត្រូវ បានផ្សាយ កាលពីថ្ងៃ ទី១៦ ខែវិច្ឆិកា សម្រេច ឲ្យកងកម្លាំង សាធារណៈ ស្រាវជ្រាវ ស្វែងរក ព្រះសង្ឃអង្គនេះ យកមកទទួលទោស។
ព្រះតេជព្រះគុណ សឺន ហាយ ត្រូវបានសាលាដំបូងរាជធានីភ្នំពេញចាប់ផ្សឹកទាំងបង្ខំ និងដោយតក់ក្រហល់កាលពីខែវិច្ឆិកា ឆ្នាំ២០១៤ កន្លងមក ប៉ុន្តែនៅថ្ងៃទី១៣ ខែមេសា ឆ្នាំ២០១៥ ព្រះសង្ឃខ្មែរកម្ពុជាក្រោមអង្គនេះ ត្រូវបានសាលាដំបូងរាជធានីភ្នំពេញ សម្រេចឲ្យស្ថិតនៅក្រៅឃុំជាបណ្ដោះអាសន្ន។
ដីកាចាប់ខ្លួននេះ ធ្វើឡើងតាមសាលក្រមព្រហ្មទណ្ឌរបស់សាលាដំបូងរាជធានីភ្នំពេញ ដែលបានចេញនៅថ្ងៃទី២៨ ខែតុលា ឆ្នាំ២០១៥ ដែលបានសម្រេចផ្ដន្ទាទោសព្រះតេជព្រះគុណ សឺន ហាយ ដាក់ពន្ធនាគាររយៈពេលពីរឆ្នាំ និងពិន័យជាប្រាក់ចំនួន ៦លានរៀល។ សាលាដំបូងរាជធានីភ្នំពេញ បានចោទព្រះតេជព្រះគុណ សឺន ហាយ ពីបទល្មើសព្រហ្មទណ្ឌករណីប្រើប្រាស់ឯកសារក្លែងក្លាយ និងស្លៀកដណ្ដប់តាមបែបព្រះពុទ្ធសាសនាដោយគ្មានសិទ្ធិ។
ករណីនេះ មន្ត្រីសិទ្ធិមនុស្សយល់ថាមិនមែនជាបទល្មើសព្រហ្មទណ្ឌទេ។
ប្រធានផ្នែកបច្ចេកទេសស៊ើបអង្កេតនៃអង្គការសិទ្ធិមនុស្សលីកាដូ (LICADHO) លោក អំ សំអាត ពន្យល់ថា ប្រសិនបើចាប់ខ្លួនព្រះតេជព្រះគុណ សឺន ហាយ តាមបទចោទខាងលើ វាជាការបំពានសិទ្ធិរបស់ព្រះតេជព្រះគុណយ៉ាងធ្ងន់ធ្ងរ៖ «ទីមួយនៅ ពេលហ្នឹង ព្រះតេជព្រះគុណនៅគ្រងស្បង់ចីពរនៅឡើយទេ។ ហើយទីពីរ បើយើងមើលលើករណីនេះ វាជាបទល្មើសមជ្ឈិមទេ ហើយបើតាមនីតិវិធី ក៏ទៅព្រះតេជព្រះគុណនៅមានសិទ្ធិប្ដឹងឧទ្ធរណ៍។ លោកគ្រងប្រើឆាយាស្បង់ចីពរខុសច្បាប់ដូចម្ដេច? ពីព្រោះលោកមានគ្រូឧបជ្ឈាដើម្បីបំបួស និងចេញព្រះឆាយាល័ក្ខណ៍ បើគ្មានការអនុញ្ញាតទេ លោកមិនអាចគ្រងស្បង់ចីពរទេ គឺមិនអាចទេ។»
វិទ្យុអាស៊ីសេរី នៅថ្ងៃទី១៨ វិច្ឆិកា នេះ មិនអាចទាក់ទង លោក ឃី ឆៃ ចៅក្រមជំនុំជម្រះដែលចេញដីកាបង្គាប់ឲ្យចាប់ខ្លួន និងឃុំខ្លួនព្រះតេជព្រះគុណ សឺន ហាយ បានទេ។
យ៉ាងណាក៏ដោយ លោក អំ សំអាត អះអាងថា ដីកានេះ គឺធ្វើឡើងដើម្បីគំរាមដល់ជនទាំងឡាយណាដែលធ្វើសកម្មភាពតវ៉ារឿង ទឹកដីកម្ពុជាក្រោម និងរឿងដីធ្លី៖ «នេះបង្ហាញពីឆន្ទៈ និងការចង់បំបិទសិទ្ធិសេរីភាពរបស់ព្រះអង្គ សឺន ហាយ នូវបញ្ហាចូលរួម បញ្ហាទាមទារតវ៉ាខ្មែរកម្ពុជាក្រោម និងបញ្ហាផ្សេងៗទៀត ដូចជាការចូលរួមយ៉ាងសកម្មជាមួយសហគមន៍ដីធ្លី។»
កន្លងមក នៅពេលដែលរដ្ឋាភិបាលវៀតណាម ប្រកាសថាទឹកដីកម្ពុជាក្រោម ជារបស់វៀតណាម យូរលង់ណាស់មកហើយ ព្រះតេជព្រះគុណ សឺន ហាយ បានចេញមុខតវ៉ានឹងការអះអាងនេះ ហើយថែមទាំងបានដុតទង់ជាតិវៀតណាម អស់ជាច្រើនផ្ទាំងទៀតផង៕
ធ្វើម្តេច ទៅបើរដ្ឋាភិបាលខ្មែរ ភាគច្រើនយួនតែឈ្មោះខ្មែរ គឺវានៅក្មុងកណ្តាប់ដៃគេហើយ ដូច្នេះគេមិនចង់ឲ្យខ្មែរតវ៉ាអ្វីៗពីយួនទៀតទេ ពីពេលនេះតទៅ គឺគេបំបាត់មិនឲ្យមានអ្នកណាដើរស្រែកតវ៉ាបានទៀតទេ បើមិនជឿទេសុំសាកមើទៅ ហេតុអីបាន មាច ចាន់ ដារា គេដាក់គុក ? ហេតុអីបាន សុខហួរ គេដាក់គុក? ហេតុអីទៅ? ឥឡូវគេចង់បំបាត់សង្រ្គោះជាតិ គឺទាំងពាក្រនេះតែម្តង ឃើញទេ យួនវាថា ឌូម៉ែ ហើយ ប៉ុណ្ណេះហើយ នៅតែគ្មានខ្មែរណាជឿទេ ថាអាឡប់វាចេះតែនិយាយឥតបានការ ពិតមែនទែ?
ReplyDeleteAh Hun Sen keeps applying his jungle law because Kmean Anar Tveu Kdor Ey Vear !!
ReplyDeleteWhy Ah Choy Marai Hun Sen is so cheap?? Ah Hun Sen is Ah Yuon's slave forever !! Ah Kouk Hun Sen !!