សមត្ថកិច្ចកំពុងការពារសន្ដិសុខនៅមុខទីស្នាក់ការគណបក្សសង្គ្រោះជាតិនៅទីក្រុងកំពង់ចាម ថ្ងៃទី២៦ ខែមករា ឆ្នាំ២០១៤(រូបភាពដោយ ញឹម សុខន)
លោក កឹម សុខា រក្សាគម្រោង វេទិកាជួបជុំ ពលរដ្ឋ ក្នុងខេត្តកំពង់ចាម បើទោះ រងការរំខាន
ដោយ៖ តាំង វីដា និងញឹម សុខន | ថ្ងៃអាទិត្យ ទី26 ខែមករា ឆ្នាំ2014
ប្រធានស្តីទីគណបក្សសង្គ្រោះជាតិ លោក កឹម សុខា នៅតែរក្សាគម្រោងវេទិកាសំណេះសំណាលជាមួយអ្នកគាំទ្ររបស់ខ្លួន នៅថ្ងៃអាទិត្យនេះ នៅខេត្តកំពង់ចាម បើទោះបីជាទីស្នាក់ការគណបក្សខេត្ត កំពុងរងការរំខានពីអ្នកគាំទ្រគណបក្សប្រជាជនកម្ពុជាក៏ដោយ។
លោកថ្លែងបែបនេះ បន្ទាប់ពីកម្លាំងនគរបាលកងរាជអាវុធហត្ថ និងយោធារាប់រយនាក់ ប្រដាប់ដោយកាំភ្លើងយន្ត ត្រូវបានដាក់ពង្រាយនៅក្បែរទីស្នាក់ការគណបក្សសង្គ្រោះជាតិខេត្តកំពង់ចាម ខណៈដែលអ្នកគាំទ្រគណបក្សប្រជាជនកម្ពុជា ប្រមាណ ១ ០០០នាក់ ត្រូវបានដឹកតាមទ្បានមកដាក់នៅមុខទីស្នាក់ការគណបក្សសង្គ្រោះជាតិដែរ។
លោក កឹម សុខា ចាត់ទុកថា ទង្វើនេះ ជាការគំរាមដល់អ្នកគាំទ្របក្សសង្គ្រោះជាតិ និងរូបលោកផ្ទាល់។
VOD មិនទាន់អាចសុំការឆ្លើយតបពីអាជ្ញាធរមូលដ្ឋាន និងមន្ត្រីគណបក្សប្រជាជនកម្ពុជា ចំពោះការចោទប្រកាន់នេះ បាននៅឡើយទេ៕
No comments:
Post a Comment