គណបក្សប្រឆាំង ប្រកាស ផ្ដល់ជំនួយ សម្បុរសធម៌ ដល់ ជនរងគ្រោះ ក្នុងករណី ហិង្សា
ដោយ៖ នួន បូរិន / វិទ្យុ វីអូឌី | ថ្ងៃពុធ ទី8 ខែមករា ឆ្នាំ2014
គណបក្សសង្គ្រោះជាតិ ប្រកាសថា ថវិកាដែលប្រមូលបានពីសម្បុរសធម៌ រយៈពេលពីថ្ងៃទី៣ ខែមករា ដល់ ថ្ងៃទី៦ ខែមករា នៅទីលានប្រជាធិតេយ្យ និងស្នាក់ការបក្ស ចំនួនជាង៦៥០០ដុល្លារនឹងត្រូវយកទៅឧបត្ថម្ភដល់ជនរងគ្រោះជាកម្មករ និងប្រជាពលរដ្ឋក្នុងឧបទ្ទវហេតុកាលពីថ្ងៃទី២ និងទី៣ មករា រវាងសមត្ថកិច្ច និងកម្មករ។
យោងតាមសេចក្ដីជូនដំណឹងរបស់គណបក្សសង្គ្រោះជាតិ បានឲ្យដឹងថា ថវិកានេះ គឺជាជំនួយសម្បុរសធម៌ពីប្រជាជនខ្មែរ ដែលមកចូលរួមផ្ដល់ថវិកានៅទីលានប្រជាធិបតេយ្យ និងនៅស្នាក់ការគណបក្ស។ គណបក្សប្រឆាំងនេះប្រកាសថា មូលនិធិនេះ នឹងត្រូវចែកជូនជនរងគ្រោះនៅពេលឆាប់ៗនេះ។
ទាំងអង្គការសិទិ្ធមនុស្សជាតិ និងអន្តរជាតិបានថ្កោលទោសយ៉ាងខ្លាំង ដោយហៅស្ថានការណ៍នោះថា ជាការរំលោភសិទិ្ធមនុស្សយ៉ាងធ្ងន់ធ្ងរ។
ប៉ុន្តែរដ្ឋាភិបាល អះអាងថា សមត្ថកិច្ចគ្រាន់តែជាការការពារខ្លួនតែប៉ុណ្ណោះ។
កាលពីថ្ងៃទី២ និងទី៣ មករានេះ មនុស្ស៥នាក់បានស្លាប់រាប់សិបនាក់ទៀតរងរបួស និងចាប់ខ្លួន២៣នាក់ដោយសារការប៉ះទង្គិចជាមួយកម្លាំងសមត្ថកិច្ចនៅរោងចក្រយ៉ាជិនខណ្ឌពោធិសែនជ័យ និងលើផ្លូវវ៉េងស្រេង ខាងមុខសួនឧស្សាហកម្មកាណាឌីយ៉ា៕
No comments:
Post a Comment