អាមេរិក និងសាកលវិទ្យាល័យ បញ្ញាសាស្ត្រ នឹងរៀបចំ សន្និសីទ ស្តីពី តួនាទី របស់ ប្រព័ន្ធផ្សព្វផ្សាយ ក្នុងសង្គម
ដោយ៖ ឡាយ សាមាន / វិទ្យុ វីអូឌី | ថ្ងៃពុធ ទី8 ខែមករា ឆ្នាំ2014
ស្ថានទូតអាមេរិក និងសាកលវិទ្យាល័យបញ្ញាសាស្ត្រកម្ពុជា នឹងរៀបចំសន្និសីទស្តីពីតួនាទីរបស់ប្រព័ន្ធផ្សព្វផ្សាយសង្គម និងយុវជនកម្ពុជា នៅថ្ងៃសៅរ៍ ទី១១ ខែមករា ចាប់ពីម៉ោង ៨ និង៣០នាទីព្រឹក។
សេចក្តីប្រកាសព័ត៌មានរបស់ស្ថានទូតអាមេរិក ចេញផ្សាយនៅថ្ងៃទី៨ ខែមករា ឲ្យដឹងថា សន្និសីទនេះ នឹងមានការចូលរួមពីវាគ្មិនមកពីរដ្ឋាភិបាល វិស័យឯកជន និងសង្គមស៊ីវិល ដែលនឹងចូលរួមក្នុងក្រុមពិភាក្សាស្តីពីវេទិកាប្រព័ន្ធផ្សព្វផ្សាយសង្គមនានាទំនាក់ទំនងរបស់ប្រព័ន្ធផ្សព្វផ្សាយសង្គមជាមួយវិជ្ជាជីវៈសារព័ត៌មាន។
សេចក្តីប្រកាសដដែលឲ្យដឹងថា តាំងពីឆ្នាំ១៩៤៦មក រដ្ឋាភិបាលសហរដ្ឋអាមេរិកបានធ្វើការវិនិយោគសំរាប់រយៈពេលយូរលើការអប់រំជាសាកល តាមរយៈកម្មវិធីផ្តល់អាហារូបករណ៍ដែលមានឈ្មោះថា J. William Fulbright Program។ កម្មវិធី Fulbright បានផ្តល់អាហារូបករណ៍ដល់មនុស្សចំនួន ៣១៨ ០០០ នាក់ ដើម្បីអោយគេអាចសិក្សា បង្រៀន និងធ្វើការស្រាវជ្រាវ នៅក្នុងសហរដ្ឋអាមេរិក និងប្រទេសដ៏ទៃទៀត ហើយផ្លាស់ប្តូរគំនិតយោបល់៕
No comments:
Post a Comment