កម្មករ រាប់ម៉ឺននាក់ នៅថ្ងៃនេះ ផ្ទុះបាតុកម្ម កាន់តែធំឡើង បន្ទាប់ពីមាន ការវាយបង្ក្រាប
 |
| Photo: John Vink |
ដោយ៖ ឡាយ សាមាន និងអ៊ឹង ប៊ុនថន / វិទ្យុវីអូឌី | ថ្ងៃសុក្រ ទី3 ខែមករា ឆ្នាំ2014
កម្មកររោងចក្រផលិសស្បែកជើង កញ្ញ គុន្ធា ឲ្យដឹងថា នៅតាមបណ្តោយផ្លូវជាតិលេខ៦ ស្រុកជើងព្រៃ ខេត្តកំពង់ចាម កម្មករប្រមាណ៦០០០នាក់ បានធ្វើកូដកម្មនៅមុខរោងចក្រ ជី ហួយ ដើម្បីទាមទារប្រាក់ខែគោល១៦០ដុល្លារ។ កញ្ញ បន្តថា ខណៈពេលធ្វើកូដកម្មនេះ មានសមត្ថកិច្ចប្រមាណ ២០០នាក់នៅទីនោះ ប៉ុន្តែមិនទាន់មានការផ្ទុះហិង្សានៅឡើយទេ ៖ “ប៉ុន្មានថ្ងៃមុខមិនមែនយើងឈប់ដើម្បីទៅធ្វើការបាតុកម្មទេ គឺខាងក្រុមហ៊ុនឲ្យយើងឈប់ បើគេទាន់ថាឲ្យយើង បើគេអត់ចូលធ្វើការឲ្យគេគឺអត់បើប្រាក់ខែឲ្យយើងទេ ប៉ុន្ដែកម្មករទាមទារថា ទាល់តែបើកប្រាក់ខែឲ្យបានកម្មករចូលធ្វើការ ហើយឥឡូវគេកំពុងតែទាមទារប្រាក់ខែគោល” ។កម្មកររាប់ម៉ឺននាក់នៃរោងចក្ររាប់រយ នៅថ្ងៃសុក្រនេះ នៅតែបន្តការតវ៉ាកាន់តែច្រើនឡើង ដើម្បីទាមទារឲ្យដំឡើងប្រាក់ឈ្នួលគោលដល់១៦០ដុល្លារ បន្ទាប់ពីមានការវាយបង្ក្រាប ដោយកងទ័ព ទៅក្រុមអ្នតវ៉ានោះ។
រីឯនៅ សង្កាត់ទឹកថ្លា ខណ្ឌសែនសុខ កម្មកររោងចក្រ កញ្ញ អា នួន ថ្លែងថា កម្មកររាប់ពាន់នាក់នៃរោកចក្រចំនួន៤ ចេញមកតវ៉ាជាថ្មី ដើម្បីទាមទារប្រាក់ខែគោល ១៦០ ដុល្លារ។ កញ្ញ យល់ ប្រាក់ខែសព្វថ្ងៃមិនគ្រប់គ្រាន់សម្រាប់ទ្រទ្រង់ជីវភាព ដោយសារទំនិញឡើងថ្លៃខ្ពស់ ៖ “និយាយរួមទៅគឺពួកគាត់ចេញមក គាត់មិនមានថា សង្ស័យ គាត់ទាមទារប្រាក់ខែហ្មងណា អ្នកខ្លះគាត់ទៅកន្លែងរោងចក្រ អ្នកខ្លះគាត់ទៅ ដូចជាមុខក្រសួងការងារ អ្នកខ្លះទៅផ្ទះដូចថា ខាងថៅកែរោងចក្រគាត់ដាក់កងកម្លាំងចឹងទៅ កម្មករគាត់មានការភ័យក្លាច ក្លាចមានបញ្ហាអីចឹងណា ” ។
កាលពីថ្ងៃទី០២ ខែមករា ឆ្នាំ២០១៤ នេះមានការប៉ះទង្គិចគ្នាមួយរវាងក្រុមកម្មករ មន្ត្រីសហជីព និងព្រះសង្ឃជាមួយកម្លាំងទ័ពឆត្រយោង៩១១ នៅមុខរោងចក្រយ៉ាកជីនក្នុងខណ្ឌពោធិ៍សែនជ័យ រាជធានីភ្នំពេញ បណ្តាលឲ្យមនុស្ស១៥នាក់ត្រូវបានឃាត់ខ្លួន និងមនុស្សជាច្រើននាក់ទៀតរងរបួស៕
No comments:
Post a Comment