ថ្ងៃទី 23 មករា 2014 | ដោយ: ពលទោ / CEN
.jpg)
លោកនាយឧត្តមសេនីយ៍ ទៀ បាញ់
ក្នុងឱកាស ប្រជុំបូកសរុប លទ្ឋផលការងារ ឆ្នាំ២០១៣ និងទិសដៅ កម្មវិធីការងារ ឆ្នាំ២០១៤
.jpg)
ភ្នំពេញ: កម្លាំងកងរាជអាវុធហត្ថ បានសំដែងនូវការប្តេជ្ញាចិត្តដាច់ខាត ក្នុងការការពាររដ្ឋធម្មនុញ្ញ និងរាជរដ្ឋាភិបាល ក្នុងគ្រប់កាលទេសៈ ដោយមិនបណ្តែតបណ្តោយ ឱ្យ កម្លាំងណាមួយ ធ្វើការប្រទូស្តរាយ បំផ្លិចបំផ្លាញបានឡើយ។
ការបង្ហាញពីឆន្ទៈតស៊ូ ក្នុងកិច្ចការពារស្ថាប័នកំពូលបែបនេះ ត្រូវបានធ្វើឡើង ដោយលោកនាយឧត្តមសេនីយ៍ សៅ សុខា អគ្គមេបញ្ជាការរង មេបញ្ជាការកងរាជអាវុធហត្ថ លើផ្ទៃប្រទេស ក្នុងឱកាសប្រជុំបូកសរុបលទ្ឋផលការងារ ឆ្នាំ២០១៣ និងទិសដៅកម្មវិធីការងារឆ្នាំ២០១៤ ដែលបានប្រារព្ធឡើង កាលពីរសៀលថ្ងៃទី២២ ខែមករា ឆ្នាំ២០១៤ ក្រោមអធិបតីភាព លោកនាយឧត្តមសេនីយ៍ ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិកម្ពុជា នៅទីបញ្ជាការដ្ឋាន កងរាជអាវុធហត្ថលើផ្ទៃប្រទេស។
លោកនាយឧត្តមសេនីយ៍ មេបញ្ជាការកងរាជអាវុធហត្ថលើផ្ទៃប្រទេស បានប្រតិកម្មទៅនឹង សភាពការណ៍ចុងក្រោយ ដែលរីករាលដាល ដល់ការទាមទារ ឱ្យនាយករដ្ឋ មន្ត្រីស្របច្បាប់ ចុះចេញពីតំណែង។ សកម្មភាពការប្រមូលផ្តុំ មុខសញ្ញាទាមទារជាច្រើន ដោយធ្វើបាតុកម្មបិទផ្លូវ និងមានអ្នកទីបី លូកដៃចូលបង្កជាអំពើហិង្សា បណ្តាលឱ្យខូចខាតទ្រព្យសម្បត្តិ និងបាត់បង់អាយុជីវិតមនុស្សថែមទៀត។ ម្យ៉ាងទៀត មានក្រុមចលនានិយមជ្រុល បានរៀបចំជាកម្លាំងញុះញង់ ចង់ផ្តួលរំលំរាជរដ្ឋាភិបាល ជាពិសេសក្រុមចលនាអំណាចប្រជាពលរដ្ឋ ដឹកនាំដោយ សួន សេរីរដ្ឋា និងចលនារណសិរ្យរំដោះជាតិខ្មែរ ដឹកនាំដោយ សម សេរី។
ភ្ជាប់ជាមួយលទ្ធផលសកម្មភាពប្រតិបត្តិ តួនាទី ភារកិច្ច ការងារ ក្នុងឆ្នាំ២០១៣ លោកមេបញ្ជាការកងរាជអាវុធហត្ថលើផ្ទៃប្រទេស បានបង្ហាញពីរបាយការណ៏ ស្តីពីការងារបង្ការ ក្នុងការចូលរួមរក្សាការពារសន្តិសុខ សុវត្ថិភាព និងរក្សាសណ្តាប់ធ្នាប់ របៀប រៀបរយសង្គម។ ជាលទ្ឋផលស្រាវជ្រាវ បង្ក្រាបបទល្មើស ៨៤០ លើក ឃាត់ខ្លួនជនសង្ស័យ ១.៧៣០ នាក់ បញ្ជូនទៅតុលាការ ១.៥០៤ នាក់។ ទទួលពាក្យបណ្តឹងចំនួន៧៨០ ចាត់ការរួចចំនួន ៦៣១ បណ្តឹង។ ទទួលដីកាចំនួន ៧.៨៧៨ អនុវត្តរួច ៦.០១១ ដីកា។ ការងារសង្គ្រោះ គ្រោះថ្នាក់ចរាចរណ៍ ចំនួន ១.៤៨២ លើក អគ្គិភ័យ ៣៣៨ លើក គ្រោះធម្មជាតិ ៤៤៦ លើក។ ជួយសង្គ្រោះករណីផ្សេងៗទៀត បានចំនួន ១.៥៣៧ លើក ជួយដឹកជញ្ជូនជនរងគ្រោះទៅកាន់មន្ទីរពេទ្យចំនួន ២.៣៣៧ នាក់ ដឹកជញ្ជូនសាកសពទៅកាន់លំនៅដ្ឋាន ៣០ សាកសព និងដឹកទៅកាន់វត្ត ២៣ សាកសព។
លោកនាយឧត្តមសេនីយ៍ សៅ សុខា ក៏បានលើកឡើងពីបញ្ហាប្រឈម ក្នុងកិច្ចប្រតិបត្តិតួនាទី បណ្តាលឱ្យមានអ្នកស្លាប់ និងរបួស ដែលសារព័ត៌មានមួយចំនួន បានផ្សព្វផ្សាយបំភ្លៃពីការពិត។
ក្នុងពិធីបូកសរុបលទ្ធផលការងារឆ្នាំ២០១៣ និងលើកទិសដៅកម្មវិធីការងារឆ្នាំ២០១៤ របស់កងរាជអាវុធហត្ថលើផ្ទៃប្រទេសនេះ លោកឧបនាយករដ្ឋមន្ត្រី ទៀ បាញ់ តំណាងដ៏ខ្ពង់ខ្ពស់ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានសំដែងការកោតសរសើរ និងវាយតម្លៃខ្ពស់ចំពោះស្នាដៃ រយៈពេលឆ្នាំ២០១៣ កន្លង ទៅ ដែលកងរាជអាវុធហត្ថលើផ្ទៃប្រទេស គ្រប់ផ្នែកគ្រប់ថ្នាក់ សម្រេចបានដោយជោគ ជ័យ ដោយផ្តោតជាសំខាន់ ក្នុងបេសកកម្មការពារ រក្សាសណ្តាប់ធ្នាប់សង្គម ធានាបាននូវសុវត្ថិភាព ជូនដល់ប្រជាពលរដ្ឋក្នុងទូទាំងប្រទេស។
លោកឧបនាយករដ្ឋមន្ត្រី ទៀ បាញ់ ក៏បានធ្វើការថ្កោលទោស ដល់រាល់សកម្មភាពទាំងឡាយណា ដែលបាន និងកំពុងធ្វើឡើង ក្នុងគោលបំណងបំផ្លាញ ជាតិ សាសនា ព្រះមហាក្សត្រ ព្រមទាំងការបណ្តេញឱ្យចុះចេញពីតំណែងនាយករដ្ឋមន្ត្រីស្របច្បាប់៕
លោកនាយឧត្តមសេនីយ៍ មេបញ្ជាការកងរាជអាវុធហត្ថលើផ្ទៃប្រទេស បានប្រតិកម្មទៅនឹង សភាពការណ៍ចុងក្រោយ ដែលរីករាលដាល ដល់ការទាមទារ ឱ្យនាយករដ្ឋ មន្ត្រីស្របច្បាប់ ចុះចេញពីតំណែង។ សកម្មភាពការប្រមូលផ្តុំ មុខសញ្ញាទាមទារជាច្រើន ដោយធ្វើបាតុកម្មបិទផ្លូវ និងមានអ្នកទីបី លូកដៃចូលបង្កជាអំពើហិង្សា បណ្តាលឱ្យខូចខាតទ្រព្យសម្បត្តិ និងបាត់បង់អាយុជីវិតមនុស្សថែមទៀត។ ម្យ៉ាងទៀត មានក្រុមចលនានិយមជ្រុល បានរៀបចំជាកម្លាំងញុះញង់ ចង់ផ្តួលរំលំរាជរដ្ឋាភិបាល ជាពិសេសក្រុមចលនាអំណាចប្រជាពលរដ្ឋ ដឹកនាំដោយ សួន សេរីរដ្ឋា និងចលនារណសិរ្យរំដោះជាតិខ្មែរ ដឹកនាំដោយ សម សេរី។
ភ្ជាប់ជាមួយលទ្ធផលសកម្មភាពប្រតិបត្តិ តួនាទី ភារកិច្ច ការងារ ក្នុងឆ្នាំ២០១៣ លោកមេបញ្ជាការកងរាជអាវុធហត្ថលើផ្ទៃប្រទេស បានបង្ហាញពីរបាយការណ៏ ស្តីពីការងារបង្ការ ក្នុងការចូលរួមរក្សាការពារសន្តិសុខ សុវត្ថិភាព និងរក្សាសណ្តាប់ធ្នាប់ របៀប រៀបរយសង្គម។ ជាលទ្ឋផលស្រាវជ្រាវ បង្ក្រាបបទល្មើស ៨៤០ លើក ឃាត់ខ្លួនជនសង្ស័យ ១.៧៣០ នាក់ បញ្ជូនទៅតុលាការ ១.៥០៤ នាក់។ ទទួលពាក្យបណ្តឹងចំនួន៧៨០ ចាត់ការរួចចំនួន ៦៣១ បណ្តឹង។ ទទួលដីកាចំនួន ៧.៨៧៨ អនុវត្តរួច ៦.០១១ ដីកា។ ការងារសង្គ្រោះ គ្រោះថ្នាក់ចរាចរណ៍ ចំនួន ១.៤៨២ លើក អគ្គិភ័យ ៣៣៨ លើក គ្រោះធម្មជាតិ ៤៤៦ លើក។ ជួយសង្គ្រោះករណីផ្សេងៗទៀត បានចំនួន ១.៥៣៧ លើក ជួយដឹកជញ្ជូនជនរងគ្រោះទៅកាន់មន្ទីរពេទ្យចំនួន ២.៣៣៧ នាក់ ដឹកជញ្ជូនសាកសពទៅកាន់លំនៅដ្ឋាន ៣០ សាកសព និងដឹកទៅកាន់វត្ត ២៣ សាកសព។
លោកនាយឧត្តមសេនីយ៍ សៅ សុខា ក៏បានលើកឡើងពីបញ្ហាប្រឈម ក្នុងកិច្ចប្រតិបត្តិតួនាទី បណ្តាលឱ្យមានអ្នកស្លាប់ និងរបួស ដែលសារព័ត៌មានមួយចំនួន បានផ្សព្វផ្សាយបំភ្លៃពីការពិត។
ក្នុងពិធីបូកសរុបលទ្ធផលការងារឆ្នាំ២០១៣ និងលើកទិសដៅកម្មវិធីការងារឆ្នាំ២០១៤ របស់កងរាជអាវុធហត្ថលើផ្ទៃប្រទេសនេះ លោកឧបនាយករដ្ឋមន្ត្រី ទៀ បាញ់ តំណាងដ៏ខ្ពង់ខ្ពស់ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានសំដែងការកោតសរសើរ និងវាយតម្លៃខ្ពស់ចំពោះស្នាដៃ រយៈពេលឆ្នាំ២០១៣ កន្លង ទៅ ដែលកងរាជអាវុធហត្ថលើផ្ទៃប្រទេស គ្រប់ផ្នែកគ្រប់ថ្នាក់ សម្រេចបានដោយជោគ ជ័យ ដោយផ្តោតជាសំខាន់ ក្នុងបេសកកម្មការពារ រក្សាសណ្តាប់ធ្នាប់សង្គម ធានាបាននូវសុវត្ថិភាព ជូនដល់ប្រជាពលរដ្ឋក្នុងទូទាំងប្រទេស។
លោកឧបនាយករដ្ឋមន្ត្រី ទៀ បាញ់ ក៏បានធ្វើការថ្កោលទោស ដល់រាល់សកម្មភាពទាំងឡាយណា ដែលបាន និងកំពុងធ្វើឡើង ក្នុងគោលបំណងបំផ្លាញ ជាតិ សាសនា ព្រះមហាក្សត្រ ព្រមទាំងការបណ្តេញឱ្យចុះចេញពីតំណែងនាយករដ្ឋមន្ត្រីស្របច្បាប់៕
No comments:
Post a Comment