អង្គការសមាគមន៍ចំនួន៧ ដែលរួមមានសមាគមន៍សេដ្ឋកិច្ចក្រៅប្រព័ន្ធរបស់លោក វ៉ន ពៅ ផងដែរ បានគម្រាមធ្វើបាតុកម្មទ្រង់ទ្រាយធំនៅចុងខែមករានេះប្រសិនបើរដ្ឋាភិបាល មិនដោះលែងមនុស្សចំនួន២៣នាក់ ដែលត្រូវបានចាប់ខ្លួនក្នុងអំឡុងពេលផ្ទុះបាតុកម្មហិង្សា កាលពីដើមខែមករានេះទេ។
ក្នុងសន្និសីទសារព័ត៌មានដែលមានមនុស្សចូលរួមប្រមាណជា១០០នាក់ ក្នុងសង្កាត់ ទឹកថ្លានៅព្រឹកនេះ លោក ស ម៉ូរ៉ា ប្រធានសហព័ន្ធសហជីពកម្មករចំណីអាហារ និងសេវាកម្មកម្ពុជា អះអាងថាអង្គការសមាគមន៍ទាំង៧ ដែលមានសមាជិកប្រមាណ៦ម៉ឺននាក់ នឹងផ្តើមយុទ្ធនាការប្រមូលផ្តុំធ្វើបាតុកម្មនៅចុងខែមករានេះ។ ជាបាតុកម្មដែលលោកអះអាងថា ទាមទារបីចំនុចគឺទី១ ការដោះលែងលោក វ៉ន ពៅ ប្រធានសមាគមន៍សេដ្ឋកិច្ចក្រៅប្រព័ន្ធ រួមទាំងមនុស្សចំនួន២២នាក់ផ្សេងទៀត ទី២ ទាមទារឱ្យដាក់ទោសទណ្ឌដល់អ្នកប្រព្រឹត្តអំពើហិង្សាបង្កឱ្យកម្មករស្លាប់ និងរបួស និងទី៣ គឺទាមទារប្រាក់ឈ្នួលគោល ១៦០ដុល្លារសម្រាប់កម្មករគ្រប់វិស័យ។ លោកស ម៉ូរា បានអះអាងថា មិនខ្វល់ពីការទប់ស្កាត់ និងរារាំងពីសំណាក់ពីអាជ្ញាធរឡើយ។
ក្រោយបញ្ចប់សន្និសីទសារព័ត៌មាន អង្គពិធីដែលមានចូលរួមជា១០០នាក់ បានធ្វើពិធីបង្សុកុលឧទិសកុសលជូនជនរងគ្រោះដែលបានបាត់បងជីវិតក្នុងអំឡុងបាតុកម្ម និងព្រលែងប៉ោងប៉ោងផងដែរ។
សូម រំលឹកថា ក្រោយបាតុកម្មហិង្សារវាងកម្លាំងរដ្ឋាភិបាល និង ក្រុមកម្មកររោងចក្រកាលពីថ្ងៃទី២ និងទី៣មករាមក មានមនុស្សចំនួន២៣នាក់ត្រូវបានចាប់ខ្លួន រួមមានលោក វ៉ន ពៅ លោក ខេង សាវឿន និង លោកចាន់ ពិទ្ធសក្តិ រួមទាំងកម្មករផ្សេងៗទៀត។ អ្នកទាំង២៣នាក់ត្រូវបានរដ្ឋាភិបាលឃុំខ្លួនក្នុងពន្ធនាគារម៣ ត្រពាំងផ្លុង ក្នុងខេត្តកំពង់ចាម។
លោក អ៊ុំ សំអាតមន្ត្រីជាន់ខ្ពស់អង្គកាលីកាដូ បានថ្លែងបញ្ជាក់ថា ក្រុមមេធាវីដែលមកពីអង្គកាអាដហុក និងលីកាដូជាដើម នោះបានដាក់សំណើឱ្យលោក វ៉ន ពៅ នៅក្រៅឃុំរួចហើយ កាលពីថ្ងៃអង្គារដើមសប្តាហ៍នេះ ដោយឡែកអ្នកទាំង២២នាក់ផ្សេងទៀតក្រុមមេធាវីនឹងបញ្ជូនពាក្យស្នើសុំឱ្យនៅក្រៅឃុំនៅសប្តាហ៍ក្រោយ។ យ៉ាងណាក៏ដោយ លោក ចាន់សុវ៉េត មន្ត្រីជាន់ខ្ពស់អង្គកាអាដហុកបានអះអាងថា មន្ត្រីពន្ធនាគារហាក់ដូចជាមិនផ្តល់ភាពងាយស្រួលដើម្បីឱ្យក្រុមមេធាវី និងក្រុមគ្រូពេទ្យ រួមទាំងក្រុមគ្រួសារចូលជួបកូនក្តីនិងសាច់ជាតិនោះទេ៕
ក្រោយបញ្ចប់សន្និសីទសារព័ត៌មាន អង្គពិធីដែលមានចូលរួមជា១០០នាក់ បានធ្វើពិធីបង្សុកុលឧទិសកុសលជូនជនរងគ្រោះដែលបានបាត់បងជីវិតក្នុងអំឡុងបាតុកម្ម និងព្រលែងប៉ោងប៉ោងផងដែរ។
សូម រំលឹកថា ក្រោយបាតុកម្មហិង្សារវាងកម្លាំងរដ្ឋាភិបាល និង ក្រុមកម្មកររោងចក្រកាលពីថ្ងៃទី២ និងទី៣មករាមក មានមនុស្សចំនួន២៣នាក់ត្រូវបានចាប់ខ្លួន រួមមានលោក វ៉ន ពៅ លោក ខេង សាវឿន និង លោកចាន់ ពិទ្ធសក្តិ រួមទាំងកម្មករផ្សេងៗទៀត។ អ្នកទាំង២៣នាក់ត្រូវបានរដ្ឋាភិបាលឃុំខ្លួនក្នុងពន្ធនាគារម៣ ត្រពាំងផ្លុង ក្នុងខេត្តកំពង់ចាម។
លោក អ៊ុំ សំអាតមន្ត្រីជាន់ខ្ពស់អង្គកាលីកាដូ បានថ្លែងបញ្ជាក់ថា ក្រុមមេធាវីដែលមកពីអង្គកាអាដហុក និងលីកាដូជាដើម នោះបានដាក់សំណើឱ្យលោក វ៉ន ពៅ នៅក្រៅឃុំរួចហើយ កាលពីថ្ងៃអង្គារដើមសប្តាហ៍នេះ ដោយឡែកអ្នកទាំង២២នាក់ផ្សេងទៀតក្រុមមេធាវីនឹងបញ្ជូនពាក្យស្នើសុំឱ្យនៅក្រៅឃុំនៅសប្តាហ៍ក្រោយ។ យ៉ាងណាក៏ដោយ លោក ចាន់សុវ៉េត មន្ត្រីជាន់ខ្ពស់អង្គកាអាដហុកបានអះអាងថា មន្ត្រីពន្ធនាគារហាក់ដូចជាមិនផ្តល់ភាពងាយស្រួលដើម្បីឱ្យក្រុមមេធាវី និងក្រុមគ្រូពេទ្យ រួមទាំងក្រុមគ្រួសារចូលជួបកូនក្តីនិងសាច់ជាតិនោះទេ៕
No comments:
Post a Comment