រូបភាព ការចាប់ខ្លួន កម្មករ នៅផ្លូវវ៉េងស្រេង ថ្ងៃទី០៣ ខែមករា ឆ្នាំ២០១៤ (រូបភាព ដោយ តាត ឧត្ដម)
សហជីពធំៗ ៩ នឹងធ្វើ បាតុកម្ម តាម ការគ្រោងទុក ឲ្យ ដោះលែងមនុស្ស ២៣នាក់ ទោះជា រដ្ឋាភិបាល គំរាម បង្ក្រាប
ដោយ៖ ញឹម សុខន / វីអូឌី | ថ្ងៃសៅរ៍ ទី25 ខែមករា ឆ្នាំ2014
សហជីពធំៗទាំង៩នៅកម្ពុជា នៅតែប្រកាន់ជំហរ ប្រមូលផ្តុំគ្នានៅទីលានប្រជាធិបតេយ្យ នាថ្ងៃអាទិត្យស្អែកនេះ ដើម្បីជំរុញឲ្យរដ្ឋាភិបាលដោះលែងមនុស្ស២៣នាក់ និងទាមទារឲ្យដំឡើងប្រាក់ឈ្នួលដល់កម្មករ១៦០ដុល្លារក្នុងមួយខែ បើទោះបីសមត្ថកិច្ចរដ្ឋាភិបាលគំរាមចាត់វិធានការបង្ក្រាប។
អ្នកនាំពាក្យក្រសួងមហាផ្ទៃ លោក ខៀវ សុភ័គ មានប្រសាសន៍ កាលពីថ្ងៃសុក្រ ទី២៤ ខែមករា ថា ក្រសួង និងសាលារាជធានីភ្នំពេញ មិនអនុញ្ញាតឲ្យសហជីពប្រមូលផ្តុំគ្នាធ្វើបាតុកម្មនៅលើទីលានប្រជាធិបតេយ្យ ដែលមានមនុស្សច្រើនពាន់នាក់ ចូលរួមដូចការគ្រោងទុករបស់សហជីពទេ ដោយសំអាងថា រង់ចាំស្ថានភាពប្រទេសជាតិ វិលទៅរកសភាពដើមវិញ។
លោក ខៀវ សុភ័គ បន្តថា អ្នតតវ៉ាអាចចាត់តំណាង១០នាក់ យកលិខិត្តទៅដាក់នៅក្រសួងពាក់ព័ន្ធ បញ្ជាក់ពីបំនងរបស់ខ្លួន ដើម្បីស្វែងរកដំដោះស្រាយ។ លោកថា អ្វីដែលអ្នកដឹកនាំធ្វើបាតុកម្មមិនអនុវត្តតាមសេចក្តីណែនាំ នោះអាជ្ញាធរនឹងចាត់វិធានការច្បាប់។
កាលពីថ្ងៃទី៤ ខែមករា ឆ្នាំ២០១៤ សាលារាជធានីភ្នំពេញ បានហាមកាប្រមូលផ្តុះគ្នាចាប់ពី១០នាក់ឡើងទៅ ដោយអះអាងថា ដើម្បីរក្សាសណ្តាប់សង្គម។
ការចេញបម្រាមនោះ បានធ្វើឡើងបន្ទាប់ពីសមត្ថកិច្ចបង្ក្រាប កម្មករតវ៉ាទាមទារប្រាក់ឈ្នួលបណ្តាលឲ្យ ក្រុមអ្នកតវ៉ាយ៉ាងតិច៤នាក់ស្លាប់ ប្រមាណជា៤០នាក់រងរបសួស និង២៣នាក់ត្រូវបានចាប់ខ្លួន។
អ្នករាយការណ៍ពិសេសរបស់អង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជា លោក សុរិយា ស៊ូប៊ែឌី ពេលជួបលោកនាយករដ្ឋមន្ត្រី ហ៊ុន សែន ក្នុងដំណើរបំពេញបេសសកម្មលើកទី១០ បានស្នើឲ្យអាជ្ញាធរកម្ពុជា ដកចេញបម្រាមនេះ ដោយចាត់ទុកថា បម្រាមនោះផ្ទុយនឹងមាត្រា៤នៃកតិកាសញ្ញាអន្តរជាតិស្តីពីសិទ្ធិពលរដ្ឋ និងសិទ្ធិនយោបាយ ដែលរដ្ឋាភិបាលបានផ្តល់សច្ចាប័ណ្ណ៕
អត្ថបទទាក់ទង៖
!0 people go today, 10 go tomorrow, 10 go the day after tomorrow for one year 3650 people. Wow you guy cpp doing a great job of following yuon your great boss. Most of you cpp will beg Khmer people after cpp gone for GOOD. Please do not hate me, do not take me to real Khmer court, do not put me in jail because I have a family to take care...I did all the BAD thing because they TOLD me to do and all of my word and action are not from my heart please trust and believe me. We all will hear those words soon from those scumbag .
ReplyDelete