 |
| លោក ជា មុនី ប្រធានសហជីពសេរីកម្មករនៃព្រះរាជាណាចក្រកម្ពុជា
Siv Channa/RFI
|
សហជីព អះអាងថា ឆ្នាំ២០១៣ កូដកម្ម រោងចក្រ កើនឡើង, តែ ចំនួនកម្មករ ដួលសន្លប់ បានថយចុះ
RFI | 14 Jan. 2014
សហជីព សេរី កម្មករ
កាលពីថ្ងៃចន្ទ បានបញ្ចេញ របាយការណ៍ អំពី ចំនួនរោងចក្រកូដកម្ម,
និងរបាយការណ៍ គ្រោះថ្នាក់ការងារ របស់កម្មករ ប្រចាំឆ្នាំ២០១៣។ របាយការណ៍នេះ បង្ហាញថា, ចំនួនរោងចក្រ កូដកម្ម បានកើនឡើង នៅឆ្នាំ២០១៣
បើ ធៀប នឹងឆ្នាំ២០១២។
មូលហេតុ គឺ ការផ្ទុះកូដកម្ម ទាមទារតម្លើងប្រាក់ខែ ១៦០ដុល្លារ នាចុងឆ្នាំ២០១៣។ ចំណែក ក្រសួងការងារ និងបណ្តុះបណ្តាល វិជ្ជាជីវៈវិញ
មិនទាន់មាន របាយការណ៍ ផ្លូវការ អំពី ចំនួនរោងចក្រកូដកម្ម នោះទេ។
សហជីពសេរី កម្មករ ដែលមានលោក ជា មុនី
ជាប្រធាន មុនថ្ងៃគំរប់ ខួប១០ឆ្នាំ របស់ បងប្រុសលោក គឺ លោកជា វិជ្ជា,
សហជីព មួយនេះ បានចេញរបាយការណ៍ ស្តីពី ចំនួន រោងចក្រកូដកម្ម
ប្រចាំឆ្នាំ២០១៣ នៅកម្ពុជា។
របាយការណ៍ បង្ហាញថា ចំនួនរោងចក្រកូដកម្ម មានចំនួន
៣៨១រោងចក្រ។ ចំនួននេះ ច្រើនជាងឆ្នាំ២០១២ ដែ
រោងចក្រកូដកម្ម មានចំនួន ត្រឹមតែ ១០១រោងចក្រប៉ុណ្នោះ។
យោងតាម របាយការណ៍ដដែល,
ចំនួនរោងចក្រកូដកម្ម បានផ្ទុះឡើង យ៉ាងច្រើន នៅខែធ្នូ
គឺ កំឡុងពេល ដែលកម្មករ ទាមទារអោយមានប្រាក់ឈ្នួល១៦០ដុល្លារក្នុង
មួយខែ។
រីឯរបាយការណ៍របស់ក្រសួងការងារទាក់ទងទៅនឹងតួលេខនៃចំនួនរោងចក្រ កូដកម្មវិញ មិនទាន់ត្រូវបានសំរេចចេញនូវតួលេខជាផ្លូវការនៅឡើយទេ។ នេះបើតាមការបញ្ជាក់របស់លោក លោក វង្ស សុវណ្ណ អគ្គលេខាធិការងនៃគណៈកម្មការដោះស្រាយបញ្ហាបាតុកម្ម កូដកម្ម នៅគ្រប់មុខសញ្ញានៃក្រសួងការងារ និងបណ្តុះបណ្តាលវិជ្ជាជីវៈ ។ មន្រី្តរូបនេះបានអោយដឹងថា នេះគឺដោយសារមួយរយៈពេលចុងឆ្នាំ២០១៣ដែល ទើបកន្លងទៅនេះ ក្រសួងការងារមានការមមាញឹកច្រើន។
នៅចុងឆ្នាំ២0១៣ គឺនៅក្នុងខែធ្នូ របាយកាណ៍របស់សហជីពសេរីកម្មករបានបង្ហាញថា រោងចក្រកូដកម្ម មានចំនួនដល់ទៅ២៤៥រោងចក្រ មូលហេតុគឺបណ្តាលមកពីកម្មករផ្ទុះធ្វើកូដកម្មទាមទារប្រាក់ឈ្នួល អោយដល់១៦០ដុល្លារ។
ទាក់ទងនឹងបញ្ហាតម្លើងប្រាក់ឈ្នួលនេះ លោក សុវណ្ណ បានអោយដឹងថា ការចចាឡើងវិញមិនទាន់អាចកំណត់ថាធ្វើនៅពេលណានោះទេ ពីព្រោះថាក្រសួងការងារបានចេញប្រកាសរួចរាល់ហើយអោយកម្មករមានប្រាក់ ឈ្នួលអប្បបរមា១០០ដុល្លារ ដូច្នេះយើងត្រូវតែអនុវត្តន៍។ តែយ៉ាងណាក៏ដោយ ភាគីពាក់ព័ន្ធនឹងមានការជួបពិភាក្សាទៀតនៅ ឆ្នាំក្រោយ គឺអាស្រ័យទៅលើការវិវត្តន៍នៃស្ថានភាព និង សេដ្ឋកិច្ចជាដើម។
សូមបញ្ជាក់ថា ក្រៅពីរបាយណ៍ចំនួនរោងចក្រកូដកម្ម ក៏មានដែររបាយការណ៍គ្រោះថ្នាក់ការងារប្រចាំឆ្នាំ២០១៣។ លោក ជា មុនី ប្រធានសហជីពសេរីកម្មករបានអោយដឹងថា ចំនួនកម្មករដួលសន្លប់ មាន៨០២នាក់ ក្នុងឆ្នាំ២០១៣ ជាចំនួនដែលថយចុះទាបជាងច្រើនជាងឆ្នាំ២០១១និង២០១២ ពីព្រោះថា កម្មករមួយចំនួនលែងចង់ធ្វើការថែមម៉ោង ហើយរោងចក្រមួយចំនួនក៏បានកែប្រែបរិស្ថានជុំវិញ តាមតម្រូវការកម្មករ ដូចជាការបន្ថែមកង្ហា បន្ទប់ទឹកស្អាតគ្មានក្លិន នៅកន្លែងការងារជាដើម។
ចំនែករបាយការណ៍កម្មករគ្រោះថ្នាក់ចរាចរណ៍វិញ កម្មករចំនួន៣៧៩នាក់របួស និង ៥នាក់ស្លាប់ ។ បញ្ហាគឺដោយសារតែការដឹកលើសចំណុះ និង អ្នកបើកបរខ្វះបច្ចេកទេស ឬក៏មិនបានចូលសាលាត្រឹមត្រូវ ដែលបណ្តាលអោយ បង្កជាគ្រោះថ្នាក់នៅពេលដឹកកម្មករដែលប្រជ្រៀតគ្នាលើឡាន ឬរ៉ឺម៉ក ត្រលប់ទៅផ្ទះវិញ៕
រីឯរបាយការណ៍របស់ក្រសួងការងារទាក់ទងទៅនឹងតួលេខនៃចំនួនរោងចក្រ កូដកម្មវិញ មិនទាន់ត្រូវបានសំរេចចេញនូវតួលេខជាផ្លូវការនៅឡើយទេ។ នេះបើតាមការបញ្ជាក់របស់លោក លោក វង្ស សុវណ្ណ អគ្គលេខាធិការងនៃគណៈកម្មការដោះស្រាយបញ្ហាបាតុកម្ម កូដកម្ម នៅគ្រប់មុខសញ្ញានៃក្រសួងការងារ និងបណ្តុះបណ្តាលវិជ្ជាជីវៈ ។ មន្រី្តរូបនេះបានអោយដឹងថា នេះគឺដោយសារមួយរយៈពេលចុងឆ្នាំ២០១៣ដែល ទើបកន្លងទៅនេះ ក្រសួងការងារមានការមមាញឹកច្រើន។
នៅចុងឆ្នាំ២0១៣ គឺនៅក្នុងខែធ្នូ របាយកាណ៍របស់សហជីពសេរីកម្មករបានបង្ហាញថា រោងចក្រកូដកម្ម មានចំនួនដល់ទៅ២៤៥រោងចក្រ មូលហេតុគឺបណ្តាលមកពីកម្មករផ្ទុះធ្វើកូដកម្មទាមទារប្រាក់ឈ្នួល អោយដល់១៦០ដុល្លារ។
ទាក់ទងនឹងបញ្ហាតម្លើងប្រាក់ឈ្នួលនេះ លោក សុវណ្ណ បានអោយដឹងថា ការចចាឡើងវិញមិនទាន់អាចកំណត់ថាធ្វើនៅពេលណានោះទេ ពីព្រោះថាក្រសួងការងារបានចេញប្រកាសរួចរាល់ហើយអោយកម្មករមានប្រាក់ ឈ្នួលអប្បបរមា១០០ដុល្លារ ដូច្នេះយើងត្រូវតែអនុវត្តន៍។ តែយ៉ាងណាក៏ដោយ ភាគីពាក់ព័ន្ធនឹងមានការជួបពិភាក្សាទៀតនៅ ឆ្នាំក្រោយ គឺអាស្រ័យទៅលើការវិវត្តន៍នៃស្ថានភាព និង សេដ្ឋកិច្ចជាដើម។
សូមបញ្ជាក់ថា ក្រៅពីរបាយណ៍ចំនួនរោងចក្រកូដកម្ម ក៏មានដែររបាយការណ៍គ្រោះថ្នាក់ការងារប្រចាំឆ្នាំ២០១៣។ លោក ជា មុនី ប្រធានសហជីពសេរីកម្មករបានអោយដឹងថា ចំនួនកម្មករដួលសន្លប់ មាន៨០២នាក់ ក្នុងឆ្នាំ២០១៣ ជាចំនួនដែលថយចុះទាបជាងច្រើនជាងឆ្នាំ២០១១និង២០១២ ពីព្រោះថា កម្មករមួយចំនួនលែងចង់ធ្វើការថែមម៉ោង ហើយរោងចក្រមួយចំនួនក៏បានកែប្រែបរិស្ថានជុំវិញ តាមតម្រូវការកម្មករ ដូចជាការបន្ថែមកង្ហា បន្ទប់ទឹកស្អាតគ្មានក្លិន នៅកន្លែងការងារជាដើម។
ចំនែករបាយការណ៍កម្មករគ្រោះថ្នាក់ចរាចរណ៍វិញ កម្មករចំនួន៣៧៩នាក់របួស និង ៥នាក់ស្លាប់ ។ បញ្ហាគឺដោយសារតែការដឹកលើសចំណុះ និង អ្នកបើកបរខ្វះបច្ចេកទេស ឬក៏មិនបានចូលសាលាត្រឹមត្រូវ ដែលបណ្តាលអោយ បង្កជាគ្រោះថ្នាក់នៅពេលដឹកកម្មករដែលប្រជ្រៀតគ្នាលើឡាន ឬរ៉ឺម៉ក ត្រលប់ទៅផ្ទះវិញ៕
No comments:
Post a Comment