 |
| មេដឹកនាំគណបក្សសង្គ្រោះជាតិ ចេញពីតុលាការនៅថ្ងៃ ១៤ មករា ឆ្នាំ ២០១៤
RFI/ siv channa
|
ប្រធាន គណបក្សសង្គ្រោះជាតិ មិនត្រូវ បានតុលាការ ចោទប្រកាន់ទេ
RFI | 14 Jan. 2014
ក្រោយការចូល ទៅកាន់តុលាការ ប្រមាណ ជាង៤ម៉ោង, លោក សម រង្ស៊ី និងលោក កឹម
សុខា, ប្រធាន និងអនុប្រធាន គណបក្ស សង្គ្រោះជាតិ,
បានចេញមកវិញ ដោយសុវត្ថិភាព,
ហើយ គ្មានការចោទប្រកាន់ ណាមួយ លើករណី សាកសួរ ស្តីពី សំណុំរឿង ញុះ
ញង់ ប្រព្រឹត្តបទឧក្រិដ្ឋ
ឬប្រព្រឹត្ត អំពើបង្ក ឱ្យមាន ភាពវឹកវរ ដល់សន្តិសុខ សង្គមឡើយ។
ក្រៅពីលោក សម រង្ស៊ី និងលោក កឹម សុខា,
ប្រធាន សមាគមន៍ គ្រូបង្រៀន ឯករាជ្យ លោក រ៉ុង ឈុន
ដែលត្រូវ តុលាការ សាលាដំបូង កោះហៅសួរនោះ
ក៏បានចេញ ដោយសុវត្ថិភាព ផងដែរ។
ដោយឡែក អ្នកគាំទ្រ គណបក្ស សង្គ្រោះជាតិវិញ
បានឈរពេញផ្លូវ ខាងមុខ សាលាដំបូង រាជធានីភ្នំពេញ តាំងពីព្រឹក
ព្រលឹម
រហូត ដល់ប្រធាន គណបក្ស ទាំងពីរ ចេញពីតុលាការ ដោយសុវត្ថិភាព។
នៅទីបំផុតទៅ ប្រធាន គណបក្សសង្គ្រោះជាតិ លោក សម រង្ស៊ី
និងលោក កឹម សុខា
បានចេញ ពីតុលាការ សាលាដំបូង រាជធានីភ្នំពេញ ដោយសុវត្ថិភាពហើយ នៅរសៀល
ថ្ងៃអង្គារ ទី១៤ មករា។ នៅម៉ោងប្រមាណជិត២រសៀល
ប្រធានគណបក្សទាំងពីរអមដោយមន្ត្រីជាន់ខ្ពស់គណបក្ស
បានដើរចេញពីតុលាកាបន្ទាប់ពីប្រមុខបក្សប្រឆាំងទាំងពីរ ចូលទៅកាន់
តុលាការជាបន្តបន្ទាប់គ្នាតាំងពីម៉ោង៩ព្រឹក
ដើម្បីឆ្លើយបំភ្លឺចំពោះសំណុំរឿងញុះញង់ឱ្យប្រព្រឹត្តបទឧក្រិដ្ឋ
ឬប្រព្រឹត្តអំពើបង្កឱ្យមានភាពវឹកវរដល់សន្តិសុខសង្គម។
ដោយឈរនៅលើរថយន្តខាងមុខសាលាដំបូងរាជធានីភ្នំពេញ លោក សម រង្ស៊ី និងលោក កឹម សុខា បានឡើងថ្លែងទៅកាន់អ្នកគាំទ្របន្តបន្ទាប់គ្នា ក្រោមសម្លេងទះដៃទ្រហឹងអឺងកង។ ដោយផ្តើមកាន់ក្បាលម៉េក្រូដំបូងគេ លោក កឹម សុខា បានថ្លែងអំពាវនាវឱ្យបន្តការតស៊ូដោយយុត្តិធម៌ដើម្បីស្វែងរក ភាពយុត្តិធម៌ជូនពលរដ្ឋខ្មែរ។ ចំណែកឯប្រធានគណបក្សសង្គ្រោះជាតិ លោក សម រង្ស៊ី វិញបានថ្លែងថា វត្តមានក្នុងតុលាការគឺជាការជំរុញឱ្យលាតត្រដាង ការពិត និងយុត្តិធម៌សម្រាប់ពលរដ្ឋខ្មែរទាំងមូល។ លោក សម រង្ស៊ី បញ្ជាក់ថា ការពិតគឺជាមូលដ្ឋាននៃយុត្តិធម៌។
ប៉ុន្តែមិនមានព័ត៌មានលំអិតណាមួយត្រូវបានបញ្ជាក់ថា តើតុលាការបាន សាកសួរពីអ្វីដល់ប្រធានគណបក្សសង្គ្រោះជាតិទាំងពីរនោះទេ ក្នុងរយៈពេល ជិត៤ម៉ោងនេះ។ ដោយឡែក លោក រ៉ុង ឈុន ប្រធានសមាគមន៍គ្រូបង្រៀនកម្ពុជាឯករាជ្យ ដែលជាអ្នកត្រូវសាកសួរក្នុងសំណុំរឿង ញុះញង់ឱ្យប្រព្រឹត្តបទឧក្រិដ្ឋនេះ បានបញ្ជាក់ប្រាប់អ្នកសារព័ត៌មានក្រោយការចេញពីតុលាការដែរថា សម្រាប់ករណីលោក តុលាការគ្រាន់តែសាកសួរហេតុអ្វីបានជាលោកមានវត្តមាននៅទីតាំង ធ្វើបាតុកម្មមួយចំនួន ដូចជានៅទីលានប្រជាធិបតេយ្យ ទីតាំងបាតុកម្មនៅតំបន់សេដ្ឋកិច្ចពិសេស ក្នុងខេត្តស្វាយរៀង នៅមុខក្រសួងការងារ រួមទាំងតំបន់មួយចំនួនផ្សេងក្នុងកំឡុងពេលផ្ទុះបាតុកម្ម កាលពីដើម ខែមករានេះ។
ជាការឆ្លើយតបលោក រ៉ុង ឈុន បានអះអាងថា សារតែតួនាទីជាសហជីពរបស់ខ្លួន។ ក្នុងការសាកសួរនេះ លោក រ៉ុងឈុន បញ្ជាក់ថាមានវត្តមានព្រះរាជអាជ្ញារង ហៀង សុភក្ត្រ និងព្រះរាជអាជ្ញារងលី សុផានា រួមទាំងក្រឡាបញ្ជីឡេង ណាង។
សូមបញ្ជាក់ឱ្យដឹងដែរថា តាំងពីម៉ោងប្រមាណជា៧ព្រឹកថ្ងៃអង្គារនេះ ពលរដ្ឋជាច្រើនបានប្រមូលផ្តុំនៅខាងមុខសាលាដំបូងរាជធានីភ្នំពេញ។ រហូតដល់ម៉ោង ៩ ស្របពេលដែលលោក កឹម សុខា ធ្វើដំណើរមកដល់ ចរាចណ៍នៅលើផ្លូវព្រះមុនីរ៉េត ត្រូវបានបិទ ទាំងស្រុង។ ពោលគឺតាំងពីរង្វង់មូលអាងទឹក រហូតដល់ធនាគារឯកទេសអានកូ គឺពេញទៅដោយអ្នកគាំទ្ររបស់គណបក្សសង្គ្រោះជាតិ ដែលឈរ និងអង្គុយបិទផ្លូវ។
ក្រុមអ្នកគាំទ្រទាំងនោះ មកពីគ្រប់ទិសទី។ អ្នកគាំទ្រដែលជាអន្លើៗបានស្រែកថា លោក សម រង្ស៊ី និងលោក កឹម សុខាគឺគ្មានកំហុសអ្វីនោះទេ ហើយអ្នកខ្លះយកមកជាមួយ នូវពោត និងនំប៉័ងគឺជាចំនីសម្រាប់អាហារថ្ងៃត្រង់របស់ពួកគេ។ មិនខុសពីអ្នកដ៏ទៃទៀតទេ លោក អឿន លុស បានអះអាងថា វត្តមានរបស់ពួកគាត់គឺជាការផ្តល់កំលាំងចិត្តដល់ ប្រមុខបក្សប្រឆាំងទាំងពីរ លោក សម រង្ស៊ី និងលោក កឹម សុខា។
ក្រៅពីអ្នកគាំទ្រគណបក្សសង្គ្រោះជាតិ ក៏មានដែរវត្តមាន របស់ប្រធានសហជីពកម្មករមួយចំនួន ដូចជា លោក អាត់ ធន់ លោកជា មុនី និងអ្នកវិភាគឯករាជ្យលោក កែម ឡីជាដើម។ យ៉ាងណាក៏ដោយ បើតាមលោក នី ចរិយា មន្ត្រីជាន់ខ្ពស់អាដហុក ដែលបានចូលរួមសង្កេតព្រឹត្តិការណ៍ជួបជុំនេះ បានអះអាងថា មានអ្នកចូលរួមប្រមាណពី៤ ទៅ៥ពាន់នាក់។
ការប្រមូលផ្តុំ បិទផ្លូវនៅមុខសាលាដំបូងរាជធានីភ្នំពេញនេះ គេមិនឃើញមានមន្ត្រីអាជ្ញាធរស្លៀកពាក់ឯកសណ្ឋានដាក់ដើម្បីសម្រាប់ ការបង្ក្រាបនោះទេ គឺមានតែមន្ត្រីប៉ូលីសចរាចរណ៍ប៉ុណ្ណោះ។ ប៉ុន្តែនៅក្នុងពហុកីឡាដ្ឋានជាតិអូឡាំពិកវិញ មានវត្តមានកងកម្លាំងប៉េអឹម ស្លៀកពាក់ឯកសណ្ឋាន និងប្រដាប់ដោយដំបងនិងខែល និងកម្លាំងសណ្តាប់ធ្នាប់ជាច្រើនរយនាក់។
យ៉ាងណាក៏ដោយ លោក ស៊ូ រីយា ប្រសាទ ស៊ូបែឌី អ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្សនៅ កម្ពុជា មិនមានវត្តមាននៅក្នុងសាលាដំបូងរាជធានីភ្នំពេញនោះទេ។
ទោះបីជាបែបណាក៏ដោយ នៅម៉ោងប្រមាណជិត២រសៀល លោកសម រង្ស៊ី និងលោក កឹម សុខា បានឡើងជិះរថយន្តជាមួយគ្នា និងកាន់ដៃគ្នាដឹកនាំក្បួនទៅកាន់ទីស្នាក់ការគណបក្សសង្គ្រោះជាតិ នៅសង្កាត់ចាក់អង្រែលើ តាមពីក្រោយដោយអ្នកគាំទ្រ៕
ដោយឈរនៅលើរថយន្តខាងមុខសាលាដំបូងរាជធានីភ្នំពេញ លោក សម រង្ស៊ី និងលោក កឹម សុខា បានឡើងថ្លែងទៅកាន់អ្នកគាំទ្របន្តបន្ទាប់គ្នា ក្រោមសម្លេងទះដៃទ្រហឹងអឺងកង។ ដោយផ្តើមកាន់ក្បាលម៉េក្រូដំបូងគេ លោក កឹម សុខា បានថ្លែងអំពាវនាវឱ្យបន្តការតស៊ូដោយយុត្តិធម៌ដើម្បីស្វែងរក ភាពយុត្តិធម៌ជូនពលរដ្ឋខ្មែរ។ ចំណែកឯប្រធានគណបក្សសង្គ្រោះជាតិ លោក សម រង្ស៊ី វិញបានថ្លែងថា វត្តមានក្នុងតុលាការគឺជាការជំរុញឱ្យលាតត្រដាង ការពិត និងយុត្តិធម៌សម្រាប់ពលរដ្ឋខ្មែរទាំងមូល។ លោក សម រង្ស៊ី បញ្ជាក់ថា ការពិតគឺជាមូលដ្ឋាននៃយុត្តិធម៌។
ប៉ុន្តែមិនមានព័ត៌មានលំអិតណាមួយត្រូវបានបញ្ជាក់ថា តើតុលាការបាន សាកសួរពីអ្វីដល់ប្រធានគណបក្សសង្គ្រោះជាតិទាំងពីរនោះទេ ក្នុងរយៈពេល ជិត៤ម៉ោងនេះ។ ដោយឡែក លោក រ៉ុង ឈុន ប្រធានសមាគមន៍គ្រូបង្រៀនកម្ពុជាឯករាជ្យ ដែលជាអ្នកត្រូវសាកសួរក្នុងសំណុំរឿង ញុះញង់ឱ្យប្រព្រឹត្តបទឧក្រិដ្ឋនេះ បានបញ្ជាក់ប្រាប់អ្នកសារព័ត៌មានក្រោយការចេញពីតុលាការដែរថា សម្រាប់ករណីលោក តុលាការគ្រាន់តែសាកសួរហេតុអ្វីបានជាលោកមានវត្តមាននៅទីតាំង ធ្វើបាតុកម្មមួយចំនួន ដូចជានៅទីលានប្រជាធិបតេយ្យ ទីតាំងបាតុកម្មនៅតំបន់សេដ្ឋកិច្ចពិសេស ក្នុងខេត្តស្វាយរៀង នៅមុខក្រសួងការងារ រួមទាំងតំបន់មួយចំនួនផ្សេងក្នុងកំឡុងពេលផ្ទុះបាតុកម្ម កាលពីដើម ខែមករានេះ។
ជាការឆ្លើយតបលោក រ៉ុង ឈុន បានអះអាងថា សារតែតួនាទីជាសហជីពរបស់ខ្លួន។ ក្នុងការសាកសួរនេះ លោក រ៉ុងឈុន បញ្ជាក់ថាមានវត្តមានព្រះរាជអាជ្ញារង ហៀង សុភក្ត្រ និងព្រះរាជអាជ្ញារងលី សុផានា រួមទាំងក្រឡាបញ្ជីឡេង ណាង។
សូមបញ្ជាក់ឱ្យដឹងដែរថា តាំងពីម៉ោងប្រមាណជា៧ព្រឹកថ្ងៃអង្គារនេះ ពលរដ្ឋជាច្រើនបានប្រមូលផ្តុំនៅខាងមុខសាលាដំបូងរាជធានីភ្នំពេញ។ រហូតដល់ម៉ោង ៩ ស្របពេលដែលលោក កឹម សុខា ធ្វើដំណើរមកដល់ ចរាចណ៍នៅលើផ្លូវព្រះមុនីរ៉េត ត្រូវបានបិទ ទាំងស្រុង។ ពោលគឺតាំងពីរង្វង់មូលអាងទឹក រហូតដល់ធនាគារឯកទេសអានកូ គឺពេញទៅដោយអ្នកគាំទ្ររបស់គណបក្សសង្គ្រោះជាតិ ដែលឈរ និងអង្គុយបិទផ្លូវ។
ក្រុមអ្នកគាំទ្រទាំងនោះ មកពីគ្រប់ទិសទី។ អ្នកគាំទ្រដែលជាអន្លើៗបានស្រែកថា លោក សម រង្ស៊ី និងលោក កឹម សុខាគឺគ្មានកំហុសអ្វីនោះទេ ហើយអ្នកខ្លះយកមកជាមួយ នូវពោត និងនំប៉័ងគឺជាចំនីសម្រាប់អាហារថ្ងៃត្រង់របស់ពួកគេ។ មិនខុសពីអ្នកដ៏ទៃទៀតទេ លោក អឿន លុស បានអះអាងថា វត្តមានរបស់ពួកគាត់គឺជាការផ្តល់កំលាំងចិត្តដល់ ប្រមុខបក្សប្រឆាំងទាំងពីរ លោក សម រង្ស៊ី និងលោក កឹម សុខា។
ក្រៅពីអ្នកគាំទ្រគណបក្សសង្គ្រោះជាតិ ក៏មានដែរវត្តមាន របស់ប្រធានសហជីពកម្មករមួយចំនួន ដូចជា លោក អាត់ ធន់ លោកជា មុនី និងអ្នកវិភាគឯករាជ្យលោក កែម ឡីជាដើម។ យ៉ាងណាក៏ដោយ បើតាមលោក នី ចរិយា មន្ត្រីជាន់ខ្ពស់អាដហុក ដែលបានចូលរួមសង្កេតព្រឹត្តិការណ៍ជួបជុំនេះ បានអះអាងថា មានអ្នកចូលរួមប្រមាណពី៤ ទៅ៥ពាន់នាក់។
ការប្រមូលផ្តុំ បិទផ្លូវនៅមុខសាលាដំបូងរាជធានីភ្នំពេញនេះ គេមិនឃើញមានមន្ត្រីអាជ្ញាធរស្លៀកពាក់ឯកសណ្ឋានដាក់ដើម្បីសម្រាប់ ការបង្ក្រាបនោះទេ គឺមានតែមន្ត្រីប៉ូលីសចរាចរណ៍ប៉ុណ្ណោះ។ ប៉ុន្តែនៅក្នុងពហុកីឡាដ្ឋានជាតិអូឡាំពិកវិញ មានវត្តមានកងកម្លាំងប៉េអឹម ស្លៀកពាក់ឯកសណ្ឋាន និងប្រដាប់ដោយដំបងនិងខែល និងកម្លាំងសណ្តាប់ធ្នាប់ជាច្រើនរយនាក់។
យ៉ាងណាក៏ដោយ លោក ស៊ូ រីយា ប្រសាទ ស៊ូបែឌី អ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្សនៅ កម្ពុជា មិនមានវត្តមាននៅក្នុងសាលាដំបូងរាជធានីភ្នំពេញនោះទេ។
ទោះបីជាបែបណាក៏ដោយ នៅម៉ោងប្រមាណជិត២រសៀល លោកសម រង្ស៊ី និងលោក កឹម សុខា បានឡើងជិះរថយន្តជាមួយគ្នា និងកាន់ដៃគ្នាដឹកនាំក្បួនទៅកាន់ទីស្នាក់ការគណបក្សសង្គ្រោះជាតិ នៅសង្កាត់ចាក់អង្រែលើ តាមពីក្រោយដោយអ្នកគាំទ្រ៕
No comments:
Post a Comment