ព្រះសង្ឃ ប៊ុត ប៊ុនតិញ និងមន្ត្រី សិទ្ធិមនុស្ស ៣នាក់ ត្រូវបាន ចាប់ខ្លួន នៅព្រះវិហារ
ព្រះសង្ឃ ប៊ុត ប៊ុនតិញ (ស្ដាំ) គង់ឈរចរចាជាមួយមន្ត្រីសង្ឃនៅខាងមុខសាលសន្និសីទចតុមុខ កាលពីថ្ងៃទី១៧ ខែធ្នូ ឆ្នាំ២០១៣។
Photo: RFA
អនុប្រធានមន្ត្រីកម្មវិធីផ្នែកសិទ្ធិការងារនៃមជ្ឈមណ្ឌលអប់រំច្បាប់សម្រាប់សហគមន៍ លោក ហ៊ុយ ពេជ្រសុវណ្ណ បញ្ជាក់ថា ព្រះសង្ឃព្រះនាម ប៊ុត ប៊ុនតិញ និងមន្ត្រីអង្គការមិនមែនរដ្ឋាភិបាល ៣នាក់នោះ ត្រូវបានចាប់ខ្លួននៅខេត្តព្រះហារ កាលពីថ្ងៃទី២ មករា ដោយមិនដឹងពីមូលហេតុ។ ព្រះសង្ឃព្រះនាម ប៊ុត ប៊ុនតិញ ប្រធានបណ្ដាញសង្គមព្រះសង្ឃឯករាជ្យដើម្បីយុត្តិធម៌ ធ្លាប់ចូលរួមដង្ហែក្បួនមហាបាតុកម្ម ដើម្បីសន្តិភាព និងយុត្តិធម៌សង្គម កន្លងមកតែងចុះជួយតវ៉ាប្រជាពលរដ្ឋនានា ដែលរងគ្រោះដោយសារការរំលោភដីធ្លី និងការបណ្ដេញចេញពីលំនៅឋាន។
ទាក់ទងការចាប់ខ្លួននេះ ស្នងការប៉ូលិសខេត្តព្រះវិហារ លោក ម៉ៅ ពៅ ឆ្លើយថា លោកមិនបានដឹងពីព័ត៌មាននេះទេ ព្រោះលោកបានឡើងមកភ្នំពេញ។
សូមរង់ចាំស្ដាប់ និងអានព័ត៌មាននេះពិស្ដារ...
No comments:
Post a Comment