លោកសាស្ត្រាចារ្យ ស៊ូរិយ៉ា ប្រាសាទ ស៊ូបេឌី អ្នករាយការណ៍ពិសេសអង្គការសហប្រជាជាតិស្តីពីបញ្ហាសិទ្ធិមនុស្សនៅកម្ពុជា
RFI | 12 Jan. 2014
គ្មាន ការបញ្ជាក់ច្បាស់ ថា, លោក ស៊ូបេឌី បង្ហាញខ្លួន នៅតុលាការ នៅថ្ងៃអង្គារ
មិនមាន ការបញ្ជាក់ច្បាស់ អំពី វត្តមាន របស់ លោក ស៊ូរិយ៉ា
ប្រាសាទ ស៊ូបេឌី នៅសាលាដំបូង រាជធានីភ្នំពេញ នៅជាមួយ លោក សម រង្ស៊ី
និងលោក កឹម សុខា នៅឡើយ រហូតដល់ថ្ងៃ អាទិត្យនេះ
ដែលជាថ្ងៃផ្តើម ទស្សនកិច្ច របស់ អ្នករាយការណ៍ ពិសេស នៅកម្ពុជា។
ក្រោយពីគណបក្ស សង្គ្រោះជាតិ ប្រកាសថា
លោក ស៊ូបេឌី នឹងចូលរួម សង្កេតការណ៍ ក្នុងករណីមេគណបក្ស
ប្រឆាំង
ការិយាល័យ ឧត្តមស្នងការ សិទ្ធិមនុស្ស របស់ អង្គការសហប្រជាជាតិ
នៅកម្ពុជា បានបញ្ជាក់ ថា,
ព័ត៌មាន ស្តីអំពី វត្តមាន របស់ អ្នករាយការណ៍ នៅសាលាដំបូង
រាជធានី ភ្នំពេញនោះ
មិនមាន នៅក្នុងកម្មវិធី ទស្សនកិច្ច របស់ លោកនោះឡើយ។
តើ អ្នករាយការណ៍ ពិសេស របស់ អគ្គលេខាធិការ អង្គការ សហប្រជាជាតិ
ទទួលបន្ទុក សិទ្ធិមនុស្ស នៅកម្ពុជា, លោក ស៊ូរិយ៉ា ប្រាសាទ ស៊ូបេឌី,
នឹងបង្ហាញខ្លួន នៅសាលាដំបូង រាជធានី ភ្នំពេញដែរ ឬទេ?
នៅតែ មិនមានការបញ្ជាក់ ច្បាស់លាស់ នៅឡើយ ចំពោះ សំនួរនេះ
ខណៈ លោក ស៊ូរិយ៉ា
ស៊ូបេឌី ផ្តើមទស្សនកិច្ច ៥ថ្ងៃ នៅថ្ងៃអាទិត្យនេះហើយ។
ព័ត៌មានផ្លូវការចុងក្រោយទាក់ទងនឹងលោកស៊ូបេឌីក្នុងសំណុំរឿង ក្តីក្តាំរបស់លោកសម រង្ស៊ី និងលោកកឹម សុខានោះ គឺជាសេចក្តីបញ្ជាក់របស់ការិយាល័យឧត្តមស្នងការសិទ្ធិមនុស្ស អង្គការសហប្រជាជាតិ។ ការិយាល័យសិទ្ធិមនុស្សអង្គការសហប្រជាជាតិបានប្រកាសនៅក្នុងគេហទំព័រ របស់ខ្លួនជាភាសាអង់គ្លេសថា វត្តមានរបស់លោកសាស្ត្រាចារ្យស៊ូបេឌីនៅសាលាដំបូងរាជធានីភ្នំពេញ នៅព្រឹកថ្ងៃអង្គារទី១៤មករានោះ មិនមាននៅក្នុងកម្មវិធីទស្សនកិច្ចរបស់លោក ពីថ្ងៃទី១២ដល់ថ្ងៃទី១៧មករា នោះទេ។ មិនមានមន្ត្រីការិយាល័យសិទ្ធិមនុស្សនៃអង្គការសហប្រជាជាតិណាម្នាក់ អាចប្រាប់អោយដឹងមុន ឬនិយាយអំពីកម្មវិធីទស្សនកិច្ចរបស់អ្នករាយការណ៍ពិសេសឡើយ។
ក៏ប៉ុន្តែ សេចក្តីបញ្ជាក់របស់ការិយាល័យសិទ្ធិមនុស្សនៃ អង្គការសហប្រជាជាតិត្រូវបានធ្វើឡើង បន្ទាប់ពីមានសារព័ត៌មានមួយចំនួន និយាយអំពីវត្តមានរបស់លោកស៊ូបេឌីនៅសាលាដំបូងរាជធានីភ្នំពេញ នៅ ព្រឹកថ្ងៃទី១៤មករា។ តាមពិតទៅ សារព័ត៌មានទាំងនោះ បានស្រង់យកសេចក្តីជូនដំណឹងរបស់គណបក្សសង្គ្រោះជាតិដែលបានចេញផ្សាយ នៅថ្ងៃទី៩មករា ដែលប្រកាសថា លោកស៊ូបេឌីនឹងចូលរួមសង្កេតការណ៍លើករណីដែលលោកសម រង្ស៊ី និងលោកកឹម សុខា ប្រធាន និងអនុប្រធានគណបក្សសង្គ្រោះជាតិត្រូវបានព្រះរាជអាជ្ញារងសាលាដំបូង កោះហៅ នៅព្រឹកថ្ងៃអង្គារទី១៤មករា។ ជាការកោះអញ្ជើញអោយចូលបំភ្លឺ ក្នុងបទចោទញុះញង់អោយប្រព្រឹត្ត បទឧក្រិដ្ឋ ឬប្រព្រឹត្តអំពើបង្កអោយមានភាពវឹកវរធ្ងន់ធ្ងរដល់សន្តិសុខសង្គម។
ទាក់ទងនឹងទស្សនកិច្ចរបស់អ្នករាយការណ៍ពិសេសនេះ អ្នកនាំពាក្យក្រសួងការបរទេសកម្ពុជាលោកកុយ គួង បានអត្ថាធិប្បាយថា នេះគឺជាដំណើរទស្សនកិច្ចជាធម្មតា និងជាប្រចាំរបស់លោកស៊ូបេឌីដែលត្រូវធ្វើឡើង២ដង ក្នុងមួយឆ្នាំ។ ចំពោះមន្ត្រីរដ្ឋាភិបាលរូបនេះ វានៅតែជាដំណើរទស្សនកិច្ចធម្មតា បើទោះជាទស្សនកិច្ចនេះកំពុងប្រព្រឹត្តឡើង ក្នុងពេលដែលទំនាស់នយោបាយ នៃគណបក្សជាប់ឆ្នោតទាំងនៅកម្ពុជា នៅមិនទាន់ដោះស្រាយបាន ហើយចុងក្រោយនេះ ការប្រើហិង្សាពីសំណាក់អាជ្ញាធរទៅលើបាតុករកម្មករ បានបង្កអោយ អោយមានមនុស្សស្លាប់ និងរបួសជាច្រើននាក់ក៏ដោយ៕
ព័ត៌មានផ្លូវការចុងក្រោយទាក់ទងនឹងលោកស៊ូបេឌីក្នុងសំណុំរឿង ក្តីក្តាំរបស់លោកសម រង្ស៊ី និងលោកកឹម សុខានោះ គឺជាសេចក្តីបញ្ជាក់របស់ការិយាល័យឧត្តមស្នងការសិទ្ធិមនុស្ស អង្គការសហប្រជាជាតិ។ ការិយាល័យសិទ្ធិមនុស្សអង្គការសហប្រជាជាតិបានប្រកាសនៅក្នុងគេហទំព័រ របស់ខ្លួនជាភាសាអង់គ្លេសថា វត្តមានរបស់លោកសាស្ត្រាចារ្យស៊ូបេឌីនៅសាលាដំបូងរាជធានីភ្នំពេញ នៅព្រឹកថ្ងៃអង្គារទី១៤មករានោះ មិនមាននៅក្នុងកម្មវិធីទស្សនកិច្ចរបស់លោក ពីថ្ងៃទី១២ដល់ថ្ងៃទី១៧មករា នោះទេ។ មិនមានមន្ត្រីការិយាល័យសិទ្ធិមនុស្សនៃអង្គការសហប្រជាជាតិណាម្នាក់ អាចប្រាប់អោយដឹងមុន ឬនិយាយអំពីកម្មវិធីទស្សនកិច្ចរបស់អ្នករាយការណ៍ពិសេសឡើយ។
ក៏ប៉ុន្តែ សេចក្តីបញ្ជាក់របស់ការិយាល័យសិទ្ធិមនុស្សនៃ អង្គការសហប្រជាជាតិត្រូវបានធ្វើឡើង បន្ទាប់ពីមានសារព័ត៌មានមួយចំនួន និយាយអំពីវត្តមានរបស់លោកស៊ូបេឌីនៅសាលាដំបូងរាជធានីភ្នំពេញ នៅ ព្រឹកថ្ងៃទី១៤មករា។ តាមពិតទៅ សារព័ត៌មានទាំងនោះ បានស្រង់យកសេចក្តីជូនដំណឹងរបស់គណបក្សសង្គ្រោះជាតិដែលបានចេញផ្សាយ នៅថ្ងៃទី៩មករា ដែលប្រកាសថា លោកស៊ូបេឌីនឹងចូលរួមសង្កេតការណ៍លើករណីដែលលោកសម រង្ស៊ី និងលោកកឹម សុខា ប្រធាន និងអនុប្រធានគណបក្សសង្គ្រោះជាតិត្រូវបានព្រះរាជអាជ្ញារងសាលាដំបូង កោះហៅ នៅព្រឹកថ្ងៃអង្គារទី១៤មករា។ ជាការកោះអញ្ជើញអោយចូលបំភ្លឺ ក្នុងបទចោទញុះញង់អោយប្រព្រឹត្ត បទឧក្រិដ្ឋ ឬប្រព្រឹត្តអំពើបង្កអោយមានភាពវឹកវរធ្ងន់ធ្ងរដល់សន្តិសុខសង្គម។
ទាក់ទងនឹងទស្សនកិច្ចរបស់អ្នករាយការណ៍ពិសេសនេះ អ្នកនាំពាក្យក្រសួងការបរទេសកម្ពុជាលោកកុយ គួង បានអត្ថាធិប្បាយថា នេះគឺជាដំណើរទស្សនកិច្ចជាធម្មតា និងជាប្រចាំរបស់លោកស៊ូបេឌីដែលត្រូវធ្វើឡើង២ដង ក្នុងមួយឆ្នាំ។ ចំពោះមន្ត្រីរដ្ឋាភិបាលរូបនេះ វានៅតែជាដំណើរទស្សនកិច្ចធម្មតា បើទោះជាទស្សនកិច្ចនេះកំពុងប្រព្រឹត្តឡើង ក្នុងពេលដែលទំនាស់នយោបាយ នៃគណបក្សជាប់ឆ្នោតទាំងនៅកម្ពុជា នៅមិនទាន់ដោះស្រាយបាន ហើយចុងក្រោយនេះ ការប្រើហិង្សាពីសំណាក់អាជ្ញាធរទៅលើបាតុករកម្មករ បានបង្កអោយ អោយមានមនុស្សស្លាប់ និងរបួសជាច្រើននាក់ក៏ដោយ៕
No comments:
Post a Comment