អ្នកបុរីកីឡា ៥គ្រួសារ ត្រូវបាន បង្ខំ ឲ្យរើឥវ៉ាន់ចេញពីផ្ទះ ដែលគេទុកចោល
៣-មករា-២០១៤៖ ជម្រករបស់អ្នកបុរីកីឡា នៅក្បែរកន្លែងដែលពួកគាត់ត្រូវបានបណ្ដេញចេញពីលំនៅឋាន នារាជធានីភ្នំពេញ។
RFA/Tep Soravy
អ្នកបុរីកីឡា សង្កាត់វាលវង់ ខណ្ឌ៧មករា អ្នកស្រី ស ស៊ន ថ្លែងនៅថ្ងៃទី៨ មករា ថា អាជ្ញាធរខណ្ឌ និងប៉េអិម បានហៅពួកគាត់ទាំង ៥គ្រួសារ ឲ្យទៅសាលាខណ្ឌនិយាយគ្នាចំពោះករណីដែលពលរដ្ឋបានសម្រេចទៅរស់នៅផ្ទះរបស់អ្នកទទួលបានគោលនយោបាយឡើងអគារថ្មី ហើយមិនបានជូនដំណឹងទៅអាជ្ញាធរជាមុន។ អ្នកស្រីបន្តថា ពួកគាត់មិនអាចរង់ចាំការដោះស្រាយដ៏យូររបស់លោកអភិបាលរាជធានីនោះទេ ដោយសារស្ថានភាពរស់នៅរបស់ពលរដ្ឋបច្ចុប្បន្នមានការលំបាក។
អភិបាលខណ្ឌ៧មករា លោក សោម សុវណ្ណ ជាប់រវល់មិនធ្វើអត្ថាធិប្បាយបានទេជុំវិញបញ្ហានេះ។
អ្នកបុរីកីឡា ជាង ១៥០គ្រួសារទៀត នៅមិនទាន់ទទួលបានការដោះស្រាយផ្ទះសម្បែងនៅឡើយទេ បន្ទាប់ពីអាជ្ញាធរក្រុង និងក្រុមហ៊ុន ផាន អ៊ីម៉ិច បានឈូសកម្ទេចផ្ទះពួកគាត់តាំងពីថ្ងៃទី៣ ខែមករា ឆ្នាំ២០១២។ អ្នកភូមិបានបន្តស្វែងរកអន្តរាគមន៍ឲ្យក្រុមហ៊ុននេះគោរពកិច្ចសន្យាសង់អគារថែម ២អគារទៀត ឲ្យបាន ១០អគារ ព្រោះបច្ចុប្បន្នក្រុមហ៊ុននេះសង់បានតែ ៨អគារ ទើបពួកគាត់មួយចំនួនមិនបានទទួលគោលនយោបាយឡើងអគារថ្មី៕
No comments:
Post a Comment