សមាគម គ្រឹះស្ថាន អប់រំ ប្រកាសមិនចូលរួម កូដកម្មគ្រូបង្រៀន ទាមទារដំឡើងប្រាក់ខែ
ដោយ៖ ពេជ្រ សុធារី / វិទ្យុ វីអូឌី | ថ្ងៃអង្គារ៍ ទី7 ខែមករា ឆ្នាំ2014
នៅក្នុងសេចក្តីថ្លែងការណ៍របស់សមាគមគ្រឹះស្ថានអប់រំ បណ្តុះបណ្តាលបច្ចេកទេស និងវិជ្ជាជីវៈនៃកម្ពុជា បានឲ្យដឹងថា ក្រោយពេលបោះឆ្នោតសកលកាលពីថ្ងៃទី២៨ ខែកក្កដា ឆ្នាំ២០១៣ រហូតមកដល់ពេលនេះ មានក្រុមអ្នកនយោបាយ និងគណបក្សនយោបាយខ្លះ បានបង្កនូវភាពអនាធិបតេយ្យក្នុងសង្គម ដែលករណីនេះ សមាគម នឹងមិនចូលរួមក្នុងការបំផុសបំផុលឲ្យមន្ត្រីរាជការ គ្រូបង្រៀនធ្វើកូដកម្មទាមទារដំឡើងប្រាក់ខែ ដែលដឹកនាំដោយលោករ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យ ចាប់ពីថ្ងៃទី០៦ខែមករានេះទេ។
សមាគមគ្រឹះស្ថានអប់រំ បណ្តុះបណ្តាលបច្ចេកទេស និងវិជ្ជាជីវៈនៃកម្ពុជា បានសម្តែងនូវការគាំទ្រគោលនយោបាយនៃការដំឡើងប្រាក់ខែរបស់រាជរដ្ឋាភិបាល និងគោលនយោបាយផ្សេងទៀត ដែលនាំមកនូវការអភិវឌ្ឍជាតិដោយស្ថិរភាព និងនិរន្តរភាព៕
No comments:
Post a Comment