ដោយ ជុន ច័ន្ទបុត្រ / វិទ្យុអាស៊ីសេរី | ២៣ មករា ២០១៤
ប្រធានគណបក្សសង្គ្រោះជាតិ លោក សម រង្ស៊ី (កណ្តាល) និងក្រុមបាតុករ ឈរនៅខាងមុខស្ថានទូតបារាំង រង់ចាំមន្ត្រីទូត ចេញមកទទួលញត្តិ កាលពីព្រឹកថ្ងៃទី ២៤ តុលា ឆ្នាំ២០១៣
ប្រធាន បក្សសង្គ្រោះជាតិ ចេញទៅ កៀរគរ ការគាំទ្រ ពីសហគមន៍អន្តរជាតិ ជាថ្មី
លោក សម រង្ស៊ី ប្រធានគណបក្សថ្លែងបែបនេះនៅក្នុងនាទីវេទិកាអ្នកស្ដាប់វិទ្យុអាស៊ីសេរី កាលពីយប់ថ្ងៃពុធ ទី២២ មករា គឺមួយថ្ងៃមុនពេលលោកចាកចេញពីកម្ពុជា ទៅទ្វីបអឺរ៉ុប ដើម្បីស្វែងការគាំទ្របន្ថែមពីសហគមន៍អន្តរជាតិ ដែលលោកអះអាងថា កំពុងតែដាក់សម្ពាធទៅលើរដ្ឋាភិបាលលោក ហ៊ុន សែន ហើយនោះ។
លោក សម រង្ស៊ី ចេញដំណើរទៅទ្វីបអឺរ៉ុបនៅព្រឹកថ្ងៃព្រហស្បតិ៍ ទី២៣ ខែមករា នេះ។
ទាំងលោក សម រង្ស៊ី និងលោក កឹម សុខា សុទ្ធតែបានអះអាងថា ពួកលោកមិនកំសាកក្នុងបេសកកម្មតវ៉ារបស់ពួកគាត់ទេ តែពួកលោកក៏មិនធ្វើឲ្យភ្លើង ដែលលោកអះអាងថា មិនមែនក្រុមលោកអ្នកបង្កាត់នោះឲ្យឆេះរាលដាលកាន់តែធំនោះដែរ។
លោក កឹម សុខា៖ «យើងអត់យកសាំងយកទៅចាក់លើភ្លើងទេ គឺយើងយកទឹកយកទៅពន្លត់ភ្លើង។ នេះគោលការណ៍របស់គណបក្សសង្គ្រោះជាតិ មិនមែនយើងកំសាក មិនមែនញ៉ាក មិនមែនយើងខ្លាច។ បើយើងញ៉ាក យើងកំសាក យើងដេកនៅផ្ទះហើយ មិនមែនចេញមុខដប់ម្ភៃសាមសិបឆ្នាំ រងគ្រោះ ទុក្ខវេទនាម្ល៉ឹងៗទេ ដូច្នេះយើងនៅក្នុងសភាពតស៊ូ គឺតស៊ូដើម្បីរស់ មិនមែនតស៊ូដើម្បីស្លាប់ទេ...»៕
No comments:
Post a Comment