ថ្នាក់ដឹកនាំ គណបក្សសង្គ្រោះជាតិ កំពុង ទំនាក់ទំនង ប្រទេសជាមិត្ត ដើម្បីស្តារស្ថានការណ៍ នយោបាយ នៅកម្ពុជា
ដោយ៖ ពេជ្រ សុធារី / វិទ្យុ វីអូឌី | ថ្ងៃសៅរ៍ ទី4 ខែមករា ឆ្នាំ2014
ថ្នាក់ដឹកនាំគណបក្សសង្គ្រោះជាតិ ធ្វើសន្និសីទសារព័ត៌មាន នាពេលកន្លងមក (រូបថត តាំង វីដា)
ថ្នាក់ដឹកនាំគណបក្សសង្គ្រោះជាតិ ប្រកាសថា លោកកំពុងទំនាក់ទំនងបណ្តាប្រទេសជាមិត្ត ដែលគាំទ្រគោលការណ៍ប្រជាធិបតេយ្យ និងគោរពសិទ្ធិមនុស្ស ដើម្បីស្តារស្ថានការណ៍នយោបាយនៅកម្ពុជា ឲ្យវិលទៅរកភាពប្រក្រតីឡើងវិញ។
នៅក្នុងសេចក្តីអំពាវនាវរបស់ថ្នាក់ដឹកនាំគណបក្សសង្គ្រោះជាតិ ដែលចុះហត្ថលេខាដោយលោកសម រង្ស៊ី និងលោក កឹម សុខា ប្រធាននិងអនុប្រធានគណបក្សនេះ បានឲ្យដឹងថា បើទោះជាស្ថិតក្នុងស្ថានភាពបែបណាក៏ដោយ គណបក្សសង្គ្រោះជាតិ នៅតែរក្សាជំហរទាមទាររកយុត្តិធម៌ជូនម្ចាស់ឆ្នោតដដែល ហើយបន្ចុប្បន្ននេះ រូបលោកទាំងពីរបាននឹងកំពុងគិតគូររិះរកយុទ្ធវិធី ដោយធ្វើការទំនាក់ទំនងជាមួយបណ្តាប្រទេសជាមិត្ត ដែលគាំទ្រគោលការណ៍ប្រជាធិបតេយ្យ និងគោរពសិទ្ធិមនុស្ស ដើម្បីស្តារស្ថានការណ៍នយោបាយនៅប្រទេសកម្ពុជា ឲ្យវិលមករកភាពប្រក្រតីឡើងវិញ និងសម្រេចគោលដៅ ដែលប្រជាពលរដ្ឋចង់បាន។
ថ្នាក់ដឹកនាំគណបក្សសង្គ្រោះជាតិ ក៏បានឲ្យដឹងដែរថា នៅម៉ោង៩ព្រឹកថ្ងៃទី០៥ខែមករា ស្អែកនេះ គណបក្សនឹងរៀបចំពិធីបង្សុកូលឧទ្ទិសកុសលជូនវិញ្ញាណក្ខន្ធកម្មករដែលបានបាត់បង់ជីវិត ក្នុងការបង្ក្រាបនៅផ្លូវវេងស្រេង នៅទីស្នាក់ការកណ្តាលគណបក្សសង្គ្រោះជាតិ សង្កាត់ចាក់អង្រែលើ រាជធានីភ្នំពេញ៕
MR RAINSY We don t need a buddist ceremony for people who got kill by busted criminal hun sen What we want is YOU must lead the demonstration to topple This busted.YOU must go before people like hero von pov.
ReplyDelete