លោក ហោ ណាំហុង ឧបនាយករដ្ឋមន្ត្រី រដ្ឋមន្ត្រីការបរទេស
ប្រមុខការទូត កម្ពុជា បានប្រដូច គម្រោងប្តឹង ទៅតុលាការ ព្រហ្មទណ្ឌ អន្តរជាតិ (ICC) របស់ បក្សសង្គ្រោះជាតិ ទៅនឹងប៉ោងៗ ត្រូវខ្យល់ [Mr. Namhong, you should know from your Khmer Rouge lawsuits some 30 years later that it's an issue of time!]
ប្រមុខការទូតកម្ពុជា បានប្រដូចគម្រោងរៀបចំពាក្យបណ្តឹងរបស់គណបក្សសង្គ្រោះជាតិ ដែលនឹងគ្រោងប្តឹងទៅតុលាការព្រហ្មទណ្ឌអន្តរជាតិ (ICC) ថា ជាប៉ោងៗ ដែលកំពុងត្រូវខ្យល់។លោកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួងការបរទេស បានបញ្ជាក់ថា «ធម្មតា ប៉ោងៗ ពេលមានខ្យល់ វា ហោះទៅ។ តែ អស់ខ្យល់ វា នឹងធ្លាក់មកវិញ, ហើយ មិនដឹងធ្លាក់ ទៅកន្លែងកង្វក់ ស្មោគគ្រោកណា ក៏វា អាចធ្លាក់ចុះដែរ។»
ជាមួយគ្នានោះ លោក ហោ ណាំហុង ក៏បានថ្លែងទៅកាន់ក្រុមអ្នកកាសែត នៅក្រសួងការបរទេស នាព្រឹកថ្ងៃទី៨ ខែមករា អំពីបាតុកម្មរបស់គណបក្សសង្គ្រោះជាតិ។
លោក ហោ ណាំហុង បានថ្លែងថា រដ្ឋាភិបាល បានធ្វើការអត់ធ្មត់យ៉ាងខ្លាំង ក្នុងពេលកន្លងមក លើបាតុកម្មរបស់គណបក្សសង្គ្រោះជាតិ។ ជាបាតុកម្មរំលោភច្បាប់ និងរំលោភការសន្យារបស់ខ្លួន ជាមួយសាលារាជធានីភ្នំពេញ។
លោក ហោ ណាំហុង បានបញ្ជាក់ថា “ផ្លែឈើ តែវាទុំ វាជ្រុះហើយ។ មតិទូទៅទូទាំងប្រទេស សព្វថ្ងៃ គេមានការអបអរសាទរណាស់ ចំពោះការសម្រេចរបស់រាជរដ្ឋាភិបាល ដើម្បីផ្អាកការធ្វើបាតុកម្មហិង្សានេះ។ គេនិយាយថា អហិង្សា ប៉ុន្តែចុងក្រោយនេះ វាចេញទៅជាបាតុកម្មហិង្សា”។
ការធ្វើអត្ថាធិប្បាយរបស់ប្រមុខការទូតកម្ពុជាខាងលើនេះ បានធ្វើឡើងភ្លាមៗ បន្ទាប់ពីមេដឹកគណបក្សសង្គ្រោះជាតិ លោក សម រង្ស៊ី និងលោក កឹម សុខា បានប្រកាសពីការរៀបចំ ក្រុមអ្នកច្បាប់អន្តរជាតិ ដើម្បីសិក្សាស្រាវជ្រាវ លើព្រឹត្តិការណ៍ប៉ះទង្គិច រវាងក្រុមកម្មករ និងកងកម្លាំងសម្ថកិច្វ នៅមុខសួនឧស្សាហកម្ម កាណាឌីយ៉ា នៅផ្លូវវេងស្រេង កាលពីថ្ងៃទី៣ ខែមករា ឆ្នាំ២០១៤ ដែលនាំឱ្យកម្មករ យ៉ាងហោចណាស់ ៥នាក់ បានស្លាប់ និងជាង ២០នាក់ រងរបួស ដោយសារតែគ្រាប់កាំភ្លើង៕
No comments:
Post a Comment