ចំនួន​ អ្នក​ជិះ​រថយន្តក្រុង​ សាធារណៈ​ កើន​ឡើង​ ជាង​៨០០​នាក់​ ក្នុង​រយៈពេល​ ៤​ថ្ងៃ​ដំបូង​​

ប្រជាពលរដ្ឋរងចាំនៅចំណតរង់ចាំ ដើម្បីជិះរថយន្តក្រុង (រូបថត៖ សុភាព)

ចំនួនអ្នកជិះរថយន្តក្រុង ចាប់ពីថ្ងៃទី០៥ខែកុម្ភៈ

ចំនួនអ្នកជិះរថយន្តក្រុង កើនឡើងជាបន្តបន្ទាប់(រយៈពេល៤ថ្ងៃ អ្នកជិះរថយន្ត មានចំនួន6406នាក់)

ថ្ងៃទី៤(ថ្ងៃទី៨កុម្ភៈ)

1,965

1,029

ថ្ងៃទី១

1,676

ថ្ងៃទី២

1,736

ថ្ងៃទី៣

1,965

ថ្ងៃទី៤(ថ្ងៃទី៨កុម្ភៈ)

​ចំនួន​ អ្នក​ជិះ​រថយន្តក្រុង​ សាធារណៈ​ កើន​ឡើង​ ជាង​៨០០​នាក់​ ក្នុង​រយៈពេល​ ៤​ថ្ងៃ​ដំបូង​​

ដោយ៖​ ជន ស្រី​ណុ​ច​ / វីអូឌី | ថ្ងៃចន្ទ ទី10 ខែកុម្ភៈ ឆ្នាំ2014

មន្ត្រី​សាលា​រាជធានី​ភ្នំពេញ ​ឲ្យដឹង​នៅ​ថ្ងៃច​ន្ទ​នេះ​ថា ចំនួន​អ្នក​ជិះ​រថយន្តក្រុង​សាធារណៈ មាន​ការកើនឡើង​ជាង​៨០០​នាក់ ​ក្នុង​អំឡុង ពេល​៤​ថ្ងៃ​ប៉ុណ្ណោះ ដែល​នេះ​ជា​សញ្ញា​មួយ​បញ្ជាក់ថា ដំណើការ​រថយន្តក្រុង​កំពុងតែ​ឈានទៅរក​ភាពជោគជ័យ។​

​អ្នកនាំពាក្យ​សាលា​រាជធានី​ភ្នំពេញ លោក ឡុង ឌី​ម៉ង់​ ប្រាប់​VOD នៅ​ព្រឹក​ថ្ងៃ​ចន្ទ នេះ​ថា ការដាក់ឲ្យ​ដំណើកា​ររថយន្តក្រុង​សាធារណៈ នឹង​ប្រកបដោយ​ជោគជ័យ ព្រោះ​ប្រជាពលរដ្ឋ​មាន​ការពេញចិត្ត​យ៉ាងខ្លាំង ខណៈ​ចំនួន​អ្នកជិះ​ពីមួយថ្ងៃ​ទៅ​មួយ​ថ្ងៃ ​មាន​ការកើនឡើង ពោល​គឺ​រយៈពេល​៤​ថ្ងៃនេះ មាន​ចំនួន​សរុប​៦៤០៦​នាក់។ លោក​បន្តថា បើ​គិត​ចាប់ពី​ថ្ងៃ​ទី​៥ ចំនួន​អ្នក​ជិះ​មាន ១០២៩​នាក់ ថ្ងៃទី​៦ មាន​១៦៧៦ ថ្ងៃទី​៧ មាន​១៧៣៦ ថ្ងៃទី​៨ មាន​១៩៦៥ នាក់ បើ​គិត​ជា​ទឹកប្រាក់ ជាង​២៤០០​ដុល្លារ (​ពីរពាន់​បួន​រយ​ដុល្លារ​អាមេរិក​) ។​

ក្នុង​ពិធី​ដាក់​សម្ពោធ​ឲ្យប្រើ​ប្រាស់ រថយន្តក្រុង កាលពី​ថ្ងៃ​ទី​០៥ ខែ​កុម្ភៈ អភិបាល​រាជធានី​ភ្នំពេញ លោក ប៉ា សុជាតិ​វង្ស អំពាវនាវ​ឲ្យ​មន្ត្រីរាជការ ក៏ដូចជា​ប្រជាពលរដ្ឋ​នៅ​រាជធានី​ភ្នំពេញ​ទាំងអស់ ព្យាយាម​កាត់បន្ថយ​ការធ្វើដំណើរ​ដោយ​ឯកជន ហើយ​បែរ​មក​ជឿ​ទុកចិត្ត​ លើ​ការធ្វើដំណើរ​តាមរយៈ​រថយន្តក្រុង​សាធារណៈ​វិញ​។ លោក​បន្តថា ការ​ដាក់​សេវា​ដឹកជញ្ជូន​ជា​សាធារណៈ​នេះ គឺ​ដើម្បី​រក្សា​សណ្តាប់ ធ្នាប់ និង​បញ្ចៀស​គ្រោះថ្នាក់​ចរាចរណ៍​។​

​សេវាកម្ម​រថយន្តក្រុង​សាធារណៈ​សាកល្បង នៅ​លើ​មហាវិថី​ព្រះមុនីវង្ស រយៈពេល​មួយ​ខែ ដោយ​ចាប់ផ្តើម​ពី​ថ្ងៃ​ទី​៥ ខែ​កុម្ភៈ​នេះ ដល់​ថ្ងៃ​ទី​៤ ខែ​មីនា ឆ្នាំ​២០១៤​។ កាលពីឆ្នាំ​២០០១ កម្ពុជា បាន​ដាក់ឲ្យ​ប្រើប្រាស់​សេវា​នេះ​ម្តង​រួចមកហើយ តែ​បរាជ័យ​ទៅវិញ ដោយសារ​ការ​មិន​ចាប់អារម្មណ៍ ពី​អ្នកធ្វើដំណើរ និង​កង្វះខាត​ជំនួយ​៕