គ្រួសារ នៅរតនគិរី អំពាវនាវ ឲ្យជួយសង្គ្រោះ កូនស្រី ដែលត្រូវ គេជួញដូរ ទៅប្រទេសចិន
ដោយ រដ្ឋា វិសាល / អាស៊ីសេរី | ១៨ កុម្ភៈ ២០១៤
មន្ត្រីឃ្លាំមើលសិទ្ធិមនុស្ស នៅថ្ងៃអង្គារ ទី១៨ ខែកុម្ភៈ អំពាវនាវ សុំឲ្យស្ថាប័នពាក់ព័ន្ធ រាជរដ្ឋាភិបាល សង្គ្រោះនារីខ្មែរ មួយរូប ដែលត្រូវបាន ក្រុមគ្រួសារ អះអាង ថា ត្រូវគេជួញដូរទៅប្រទេសចិន។
យោងពាក្យប្ដឹងរបស់ស្ត្រីឈ្មោះ ស៊ីម ឈុនអេង អាយុ ៣៥ឆ្នាំ រស់នៅភូមិលឺឃន ឃុំកិចុង ស្រុកបរកែវ ខេត្តរតនគិរី ឲ្យដឹងថា កូនស្រីគាត់ឈ្មោះ ឈុន ណាវី អាយុ ២៤ឆ្នាំ បានបាត់ខ្លួនពីផ្ទះកាលពីខែតុលា ឆ្នាំ២០១៣ រហូតមកទល់នឹងខែមករា ឆ្នាំ២០១៤ ទើបនាងទូរស័ព្ទ (+៨៦១ ៤៧៩ ៧៨៣ ២១៦៥) មកម្តាយបញ្ជាក់ថា នាងត្រូវបានមេខ្យល់ពីរនាក់ បោកប្រាស់ទៅលក់ឲ្យបុរសជនជាតិចិន តម្លៃ ១០ម៉ឺនលុយចិន។ បច្ចុប្បន្ន នាងរស់នៅប្រទេសចិន ប៉ុន្តែមិនស្គាល់អាសយដ្ឋាន និងត្រូវបុរសចិន វាយធ្វើបាបបង្ខំរួមភេទ ខណៈនាងមានជំងឺទៀតផង។
ជនពាក់ព័ន្ធចោទប្រកាន់ក្នុងរឿងជួញដូរនារីឈ្មោះ ឈុន ណាវី មានឈ្មោះ អែល ជាមេការដាំកៅស៊ូនៅភូមិឡែ ឃុំកិចុង និងស្ត្រីឈ្មោះ ល័ក្ខ ហៅ មុំ រស់នៅប្រទេសចិន៕
No comments:
Post a Comment