លោក ជា មុនី ប្រធានសហជីពសេរីកម្មករកម្ពុជា។
© ស៊ីវ ចាន់ណា
ក្នុងវេទិកា [unconstitutional] រាជរដ្ឋាភិបាល និងវិស័យ ឯកជន លើក ទី១៧
នាព្រឹកថ្ងៃ ទី៤ មីនានេះ, តំណាង ថៅកែរោងចក្រ កាត់ដេរ
បានជំរុញ ឲ្យរដ្ឋាភិបាល រឹតបន្តឹង សេរីភាព ក្នុងការបង្កើត សហជីព
តាមរោងចក្រ សហគ្រាស តាមរយៈ ការបង្កើតច្បាប់ សហជីព និងតុលាការ ការងារ
ឲ្យបានឆាប់។ តំណាង ថៅកែរោងចក្រ ក៏បានប្រកាស ថា, សហជីពកម្មករ
និងសមាគម ចំនួន ៦រូប កំពុងជាប់បណ្តឹង ចំនួន២៨ នៅតុលាការ
អំឡុងពេល ដឹកនាំកម្មករ ធ្វើបាតុកម្ម កន្លងមក។
តំណាង ក្រុមហ៊ុន ថៅកែរោងចក្រ កាត់ដេរ បានប្រកាស ថា, សព្វថ្ងៃនេះ
មានបណ្តឹងចំនួន ២៨ បណ្តឹង
កំពុងស្ថិត នៅតុលាការ សាលាដំបូង រាជធានី ភ្នំពេញ
ប្រឆាំង នឹងមេដឹកនាំ សហជីព កម្មករ ដែលមាន លោក អាត់ ធន់, លោកជា មុនី,
លោក ប៉ាវ ស៊ីណា, លោកស្រី ម៉ម ញឹម និងលោកស្រី យ៉ាងសុភ័ណ្ឌ, រួមទាំង លោក
រ៉ុងឈុន, ប្រធាន សមាគម គ្រូបង្រៀន ឯករាជ្យ។ មេដឹកនាំ សហជីពកម្មករ
និងសមាគមទាំង ៦រូប ត្រូវ បានតំណាង ថៅកែរោងចក្រ អះអាង ថា,
ជាអ្នក ញុះញ៉ុង និងដឹកនាំ កម្មកររោងចក្រ កាត់ដេរ ធ្វើបាតុកម្ម
កាលពីថ្ងៃ ទី២៤ ខែធ្នូ ឆ្នាំ២០១៣ ដល់ថ្ងៃទី៥ ខែមករា ឆ្នាំ២០១៤។
ជាបាតុកម្ម ដែលលោក ណាង សុធី តំណាងក្រុមការងារផ្នែកទំនាក់ទំនងវិជ្ជាជីវៈ អះអាងថា ធ្វើឲ្យខូចខាតទ្រព្យសម្បត្តិរោងចក្រកាត់ដេរ ៧៥ លានដុល្លារអាមេរិក ដោយគ្មានអ្នកទទួលខុសត្រូវ។ ក្នុងវេទិការាជរដ្ឋាភិបាល និងវិស័យឯកជន លើកទី១៧ និងចំពោះមុខលោកនាយករដ្ឋមន្ត្រី ហ៊ុន សែន នៅព្រឹកថ្ងៃទី៤ ខែមីនា ឆ្នាំ២០១៤ លោក ណាង សុធី បានស្នើយ៉ាងទទូចដល់រដ្ឋាភិបាល ឲ្យរឹតបន្តឹងលើសេរីភាពក្នុងការបង្កើតសហជីពកម្មករ នៅតាមរោងចក្រសហគ្រាស ព្រមទាំងជំរុញឲ្យតុលាការសាលាដំបូងរាជធានីភ្នំពេញ បើកការស៊ើបអង្កេតលើបណ្តឹង ប្រឆាំងមេដឹកនាំសហជីពទាំង ៥ និងសមាគមមួយ ពាក់ព័ន្ធនឹងបាតុកម្មកន្លងមក។
តំណាងវិស័យឯកជន ដែលធ្វើការខាងរោងចក្រកាត់ដេរ ក៏បានជំរុញដល់រដ្ឋាភិបាល របស់លោកនាយករដ្ឋមន្ត្រី ហ៊ុន សែន ឲ្យបង្កើតច្បាប់សហជីព និងតុលាការការងារ ឲ្យបានឆាប់ៗ ក្នុងបំណងគ្រប់គ្រងដល់សហជីពកម្មករតាមរោងចក្រ ដែលលោកអះអាងថា សព្វថ្ងៃ មានសហជីពច្រើនរហូតដល់ជិត ៣០០០ សហជីព នៅក្នុងរោងចក្រកាត់ដេរប្រមាណ ៦០។
លោក ណាង សុធី ក៏បានស្នើដល់រដ្ឋាភិបាល គួរពិចារណាថា បន្តធ្វើជាសមាជិកនៃប្រទេសហត្ថលេខី លើអនុសញ្ញាអន្តរជាតិ លេខ ៨៧ ស្តីពី សេរីភាព នៃសមាគម និងការការពារលើការបង្កើតសមាគមសហជីព ដែលកម្ពុជាបានផ្តល់សច្ចាប័ន កាលពីឆ្នាំ១៩៩៩ ទៀត ឬទេ?។ លោក ណាង សុធី ក៏បានលើកឡើងថា សហជីព ១ ភាគ បានឆ្លៀតឱកាសធ្វើអាជីវកម្ម និង ១ចំណែកទៀត បង្កការញុះញង់ឲ្យកម្មករ ធ្វើកូដកម្មបាតុកម្ម ចាប់បង្ខំថៅកែ ឲ្យបង់លុយ ដើម្បីជៀសវាងជំទាស់ និងដាក់ខែ យកលុយពីរោងចក្រសហគ្រាស ជាដើម។
ចំពោះមុខបញ្ហាទាំងនេះ លោកនាយករដ្ឋមន្ត្រី ហ៊ុន សែន បានឆ្លើយតបវិញភ្លាមៗថា ការស្នើឲ្យបង្កើតតុលាការការងារ គឺស្ថិតក្នុងសេចក្តីព្រាងច្បាប់ ស្តីពី តុលាការ។ ច្បាប់នោះ នឹងចេញប្រើ នៅឆមាសទី១ ក្នុងឆ្នាំ២០១៤ នេះ។
ចំណែកសហជីពកម្មករ បានស្វាគមន៍លើពាក្យបណ្តឹង នៅតុលាការ។ លោក ជា មុនី ប្រធានសហជីពសេរីកម្មករ បានលើកឡើងថា ថៅកែរោងចក្រ បានជ្រើសយកការប្តឹងផ្តល់ តាមផ្លូវតុលាការ ប្រសើរជាងការបាញ់សម្លាប់មេដឹកនាំសហជីព ក្នុងពេលកន្លងមក។ ចំពោះការបង្កើតសហជីពច្រើនក្នុងរោងចក្រ ត្រូវបានលោក ជា មុនី អះអាងថា មកពីរោងចក្រភាគច្រើន មិនគោរពច្បាប់ការងារ ហើយសហជីពភាគច្រើនទៀតសោត ត្រូវបានរដ្ឋាភិបាល និងថៅកែរោងចក្រ បង្កើតឡើង ដើម្បីប្រឆាំងនឹងសហជីព ដែលការពារផលប្រយោជន៍របស់កម្មករ៕
ជាបាតុកម្ម ដែលលោក ណាង សុធី តំណាងក្រុមការងារផ្នែកទំនាក់ទំនងវិជ្ជាជីវៈ អះអាងថា ធ្វើឲ្យខូចខាតទ្រព្យសម្បត្តិរោងចក្រកាត់ដេរ ៧៥ លានដុល្លារអាមេរិក ដោយគ្មានអ្នកទទួលខុសត្រូវ។ ក្នុងវេទិការាជរដ្ឋាភិបាល និងវិស័យឯកជន លើកទី១៧ និងចំពោះមុខលោកនាយករដ្ឋមន្ត្រី ហ៊ុន សែន នៅព្រឹកថ្ងៃទី៤ ខែមីនា ឆ្នាំ២០១៤ លោក ណាង សុធី បានស្នើយ៉ាងទទូចដល់រដ្ឋាភិបាល ឲ្យរឹតបន្តឹងលើសេរីភាពក្នុងការបង្កើតសហជីពកម្មករ នៅតាមរោងចក្រសហគ្រាស ព្រមទាំងជំរុញឲ្យតុលាការសាលាដំបូងរាជធានីភ្នំពេញ បើកការស៊ើបអង្កេតលើបណ្តឹង ប្រឆាំងមេដឹកនាំសហជីពទាំង ៥ និងសមាគមមួយ ពាក់ព័ន្ធនឹងបាតុកម្មកន្លងមក។
តំណាងវិស័យឯកជន ដែលធ្វើការខាងរោងចក្រកាត់ដេរ ក៏បានជំរុញដល់រដ្ឋាភិបាល របស់លោកនាយករដ្ឋមន្ត្រី ហ៊ុន សែន ឲ្យបង្កើតច្បាប់សហជីព និងតុលាការការងារ ឲ្យបានឆាប់ៗ ក្នុងបំណងគ្រប់គ្រងដល់សហជីពកម្មករតាមរោងចក្រ ដែលលោកអះអាងថា សព្វថ្ងៃ មានសហជីពច្រើនរហូតដល់ជិត ៣០០០ សហជីព នៅក្នុងរោងចក្រកាត់ដេរប្រមាណ ៦០។
លោក ណាង សុធី ក៏បានស្នើដល់រដ្ឋាភិបាល គួរពិចារណាថា បន្តធ្វើជាសមាជិកនៃប្រទេសហត្ថលេខី លើអនុសញ្ញាអន្តរជាតិ លេខ ៨៧ ស្តីពី សេរីភាព នៃសមាគម និងការការពារលើការបង្កើតសមាគមសហជីព ដែលកម្ពុជាបានផ្តល់សច្ចាប័ន កាលពីឆ្នាំ១៩៩៩ ទៀត ឬទេ?។ លោក ណាង សុធី ក៏បានលើកឡើងថា សហជីព ១ ភាគ បានឆ្លៀតឱកាសធ្វើអាជីវកម្ម និង ១ចំណែកទៀត បង្កការញុះញង់ឲ្យកម្មករ ធ្វើកូដកម្មបាតុកម្ម ចាប់បង្ខំថៅកែ ឲ្យបង់លុយ ដើម្បីជៀសវាងជំទាស់ និងដាក់ខែ យកលុយពីរោងចក្រសហគ្រាស ជាដើម។
ចំពោះមុខបញ្ហាទាំងនេះ លោកនាយករដ្ឋមន្ត្រី ហ៊ុន សែន បានឆ្លើយតបវិញភ្លាមៗថា ការស្នើឲ្យបង្កើតតុលាការការងារ គឺស្ថិតក្នុងសេចក្តីព្រាងច្បាប់ ស្តីពី តុលាការ។ ច្បាប់នោះ នឹងចេញប្រើ នៅឆមាសទី១ ក្នុងឆ្នាំ២០១៤ នេះ។
ចំណែកសហជីពកម្មករ បានស្វាគមន៍លើពាក្យបណ្តឹង នៅតុលាការ។ លោក ជា មុនី ប្រធានសហជីពសេរីកម្មករ បានលើកឡើងថា ថៅកែរោងចក្រ បានជ្រើសយកការប្តឹងផ្តល់ តាមផ្លូវតុលាការ ប្រសើរជាងការបាញ់សម្លាប់មេដឹកនាំសហជីព ក្នុងពេលកន្លងមក។ ចំពោះការបង្កើតសហជីពច្រើនក្នុងរោងចក្រ ត្រូវបានលោក ជា មុនី អះអាងថា មកពីរោងចក្រភាគច្រើន មិនគោរពច្បាប់ការងារ ហើយសហជីពភាគច្រើនទៀតសោត ត្រូវបានរដ្ឋាភិបាល និងថៅកែរោងចក្រ បង្កើតឡើង ដើម្បីប្រឆាំងនឹងសហជីព ដែលការពារផលប្រយោជន៍របស់កម្មករ៕
No comments:
Post a Comment