ផែនទីជាភាសាអង់គ្លេសបង្ហាញផ្លូវហោះហើររបស់យន្តហោះពីក្រុងគូឡាឡាំពួរប្រទេសម៉ាឡេស៊ីទៅកាន់ទីក្រុងប៉េកាំងប្រទេសចិន។
William Ide, Rebecca Valli
ប្រែសម្រួលដោយ ជឹងប៉ូជីន / វីអូអេ | ១០ មីនា ២០១៤
ប៉េកាំង — អស់រយៈពេលជាងមួយថ្ងៃកន្លះហើយចាប់តាំងពីជើងហោះហើររបស់ក្រុមហ៊ុនអាកាសចរណ៍ម៉ាឡេស៊ីលេខ MH 370 បានបាត់នៅពេលដែលបើកទៅកាន់ទីក្រុងប៉េកាំង ហើយជោគវាសនាអ្នកដំណើរជាង២០០នាក់នៅលើយន្តហោះនោះនៅមិនទាន់ដឹងនៅឡើយ។ ការស្វែងរកនិងការជួយសង្គ្រោះយ៉ាងធំមួយ កំពុងធ្វើឡើងនៅក្នុងផ្ទៃទឹកនៃឆ្នេរសមុទ្រម៉ាឡេស៊ីនិងវៀតណាមដែលនៅទីនោះយន្តហោះនោះត្រូវគេសន្មតិថាបានធ្លាក់។ ប៉ុន្មានម៉ោងក្រោយមក មានសំណួរច្រើនជាងចម្លើយអំពីអ្វីដែលបានកើតមានឡើង។
ពួកអាជ្ញាធរម៉ាឡេស៊ីប្រាប់ឲ្យដឹងថា ប្រតិបត្តិការស្វែងរកអស់សោហ៊ុយច្រើននិងដ៏ធំមួយនៃយន្តហោះមួយគ្រឿង កំពុងធ្វើឡើងដោយមានការគាំទ្រពីប្រទេស៤ រួមមានចិននិងសហរដ្ឋអាមេរិកផង។ ពួកអាជ្ញាធរនិយាយថា កប៉ាល់ចំនួន៤០គ្រឿងនិងយន្តហោះ២២គ្រឿងកំពុងជួយក្នុងការស្វែងរកនេះ។
ការផ្តោតយកចិត្តទុកដាក់ភាគច្រើនរហូតមកទល់ពេលនេះមាននៅផ្ទៃទឹកខាងមុខឆ្នេរសមុទ្រភាគនិរតីនៃប្រទេសវៀតណាម ដែលនៅទីនោះ ប្រេងអណ្តែតលើទឹកសមុទ្រដ៏ធំមួយ បានត្រូវគេប្រទះឃើញ ក៏ប៉ុន្តែឥឡូវនេះ ពួកអាជ្ញាធរម៉ាឡេស៊ីនិយាយថា កិច្ចខំប្រឹងប្រែងរុករកបានពង្រីកនៅលើដីនិងផ្ទៃទឹកខាងមុខឆ្នេរមុទ្រខាងលិចម៉ាឡេស៊ីនៅជិតទីក្រុងប៉េណាំង Penang។
លោក Rodzali Daud អគ្គមេបញ្ជាការកងទ័ពអាកាសម៉ាឡេស៊ី បាននិយាយថា៖ «អ្វីដែលយើងបានធ្វើពិតប្រាកដ គឺកំពុងស្វែងរកការថតនៅប្រព័ន្ធរ៉ាដារដែលយើងមានហើយ យើងបានដឹងថា យន្តហោះនោះអាចហោះត្រឡប់មកវិញ»។ ពួកអ្នកជំនាញការខាងសុវត្ថិភាពអាកាសចរណ៍និយាយថា មានលទ្ធភាពថាយន្តហោះនោះ អាចហោះត្រឡប់មកវិញក្នុងល្បឿនមធ្យមដែលនាំឲ្យមានហេតុការណ៍អាក្រក់កើតមានឡើងហើយថា យន្តហោះនោះ អាចព្យាយាមធ្វើការចុះចតក្នុងគ្រាអាសន្ន។
នៅឯសន្និសីទសារព័ត៌មានកាលពីថ្ងៃអាទិត្យពេលថ្ងៃត្រង់ ក្រុមហ៊ុនអាកាសចរណ៍ម៉ាឡេស៊ីបានប្រាប់ក្រុមគ្រួសារដែលរំពឹងថា នឹងមានរឿងអាក្រក់បំផុតខណៈដែលកំពុងសង្កត់ពីការខិតខំប្រឹងប្រែងស្វែងរកនិងជួយសង្គ្រោះបន្តធ្វើឡើង។ ក្រុមហ៊ុនអាកាសចរណ៍កំពុងធ្វើការរៀបចំចាត់ចែងដើម្បីយកសមាជិកក្រុមគ្រួសារទៅកាន់ប្រទេសម៉ាឡេស៊ីនៅព្រឹកព្រហាមថ្ងៃច័ន្ទនេះ។
ក្រុមហ៊ុនអាកាសចរណ៍ម៉ាឡេស៊ី ប្រាប់ឲ្យដឹងថា អ្នកឯកទេសខាងគ្រោះមហន្តរាយម្នាក់មកពីសហរដ្ឋអាមេរិកនឹងជួយក្រុមហ៊ុនអាកាសចរណ៍នេះ។ ក្រុមហ៊ុនក៏នឹងបង្កើតមជ្ឈមណ្ឌលត្រួតត្រានៅទីក្រុង Kota Bharu នៃប្រទេសម៉ាឡេស៊ីនិងទីក្រុងហូជីម៉ិញនៃប្រទេសវៀតណាម។
ការបញ្ចេញឲ្យដឹងថា អ្នកដំណើរ២នាក់នៅលើយន្តហោះនោះបានប្រើប្រាស់លិខិតឆ្លងដែលគេលួច ហើយសំណួរអំពីអត្តសញ្ញាណរបស់មនុស្ស២នាក់ផ្សេងទៀតបានត្រូវបង្កើនការព្រួយកង្វល់ថា ការបាត់របស់ជើងយន្តហោះនោះជាសកម្មភាពភេរវកម្ម។
ពួកអាជ្ញាធរក្នុងប្រទេសអ៊ីតាលីនិងអូទ្រីស បានបញ្ជាក់ថា អ្នកដំណើរ២នាក់ដែលត្រូវបានគេ គិតថាស្ថិតនៅលើជើងហោះហើរនោះ មិនបានស្ថិតនៅលើយន្តហោះនោះទេ ក៏ប៉ុន្តែអ្នកទាំង២នោះបានត្រូវគេលួចលិខិតឆ្លងដែនកាលពី២ឆ្នាំមុន។
លោក Hishammuddin Hussein រដ្ឋមន្រ្តីក្រសួងដឹកជញ្ជូនម៉ាឡេស៊ី ដែលជារដ្ឋមន្រ្តីក្រសួងការពារប្រទេសដែរនោះ និយាយថា លោក បាននិយាយជាមួយទីភ្នាក់ងារស៊ើបការណ៍សម្ងាត់អន្តរជាតិអំពីឈ្មោះមនុស្សទាំង៤នាក់នេះ។
«ខ្ញុំបានទាក់ទងជាមួយទីភ្នាក់ងារស៊ើបការណ៍សម្ងាត់អន្តរជាតិហើយនៅពេលជាមួយគ្នានោះ ភ្នាក់ងារស៊ើបការណ៍សម្ងាត់របស់យើងផ្ទាល់ បានធ្វើសកម្មភាពហើយជាការពិត កងឯកភាពប្រឆាំងភេរវកម្ម CTI មកពីប្រទេសពាក់ព័ន្ធទាំងអស់ ត្រូវបានផ្តល់ព័ត៌មាន។ នេះជាអ្វីដែលខ្ញុំបានធ្វើចាប់តាំងពីម្ស៉ិលមិញមក»។
លោក Hussein មានប្រសាសន៍បន្តទៀតថា ភេរវកម្មមិនមែនជាការផ្តោតតែមួយនៅត្រង់ចំណុចនេះទេហើយ លោកនិយាយបន្ថែមទៀតថា ពួកអាជ្ញាធរមិនបដិសេធពីលទ្ធភាពណាមួយទេ។
យន្តហោះបានហោះទៅកាន់ទីក្រុងប៉េកាំងនៅពេលដែលមានការតានតឹងខាងសន្តិសុខយ៉ាងខ្លាំងក្នុងរដ្ឋធានី។ កាលពីសប្តាហ៍មុន ពួកមេដឹកនាំចិនបានចាប់ផ្តើមជំនួបប្រចាំឆ្នាំខាងនយោបាយក្នុងទីក្រុងប៉េកាំង។
ពួកអ្នកជំនាញការខាងសុវត្ថិភាពអាកាសចរណ៍និយាយថា វាខុសពីប្រក្រតីសម្រាប់យន្តហោះដែលធ្លាក់ ក្រោយពីបានហោះក្នុងល្បឿនធម្មតានោះ។ លោក Daniel Tsang ជាអ្នកបង្កើតនិងប្រធានការវិភាគរបស់ក្រុមហ៊ុន Aspire Aviation។
«ឧបទ្ទវហេតុឬគ្រោះថ្នាក់ភាគច្រើនកើតឡើងក្នុងពេលយន្តហោះឡើងឬចុះ ដែលវាជាផ្នែកមួយដ៏គ្រោះថ្នាក់បំផុតក្នុងអំឡុងពេលនៃការហោះហើរនោះ។ ពីព្រោះក្នុងពេលឡើងនិងចុះ មានកត្តាជាច្រើន ហើយអស់លោកអ្នកអាចមានការចុះចតហួសផ្លូវ»។
លោក Tsang និយាយបន្តទៀតថា ការរុករកយន្តហោះធ្លាក់នៅសមុទ្រជាការលំបាកបំផុត។ ទោះជាយ៉ាងណាក៏ដោយ នៅពេលដែលបំណែកយន្តហោះត្រូវបានរកឃើញ របៀបដែលកម្ទេចបាក់បែកនោះរប៉ាត់រប៉ាយនឹងផ្តល់សញ្ញាថា តើមានអ្វីដែលអាចមានឡើងក្នុងអំឡុងពេលហោះហើរនោះ។
ជើងយន្តហោះអាកាសចរណ៍ម៉ាឡេស៊ីពីទីក្រុង Kuala Lumpur ទៅកាន់ទីក្រុងប៉េកាំងជាយន្តហោះ Boing ម៉ាក 777-200 ដែលពួកអ្នកជំនាញការខាងសុវត្ថិភាពយន្តហោះនិយាយថា ស្ទើរតែមានប្រវត្តិខាងសុវត្ថិភាពល្អឥតខ្ចោះ។ គ្មានសញ្ញាពីអាកាសធាតុអាក្រក់ក្នុងការហោះហើរនោះទេ។ ពួកអាជ្ញាធរក្នុងប្រទេសម៉ាឡេស៊ីនិយាយថា ពួកគេបានបាត់ការទាក់ទងជាមួយយន្តហោះនោះបន្ទាប់ពីការចាកចេញរបស់យន្តហោះនោះពីទីក្រុង Kuala Lumpur ប្រមាណមួយម៉ោង៕
No comments:
Post a Comment