បក្សជាប់ឆ្នោតទាំង២ព្រមព្រៀងគ្នាលើប្រធានបទ១៤ចំណុច
វណ្ណ វាចារ / វិទ្យុអាស៊ីសេរី / 17,03,2014
តំណាងគណបក្សប្រជាជនកម្ពុជា លោក ប៊ិន ឈិន (ឆ្វេង) និងតំណាងគណបក្សសង្គ្រោះជាតិ លោក សុន ឆ័យ (ស្ដាំ) ធ្វើសន្និសីទកាសែតក្រោយជំនួបនាវិមានព្រឹទ្ធសភា កាលពីព្រឹកថ្ងៃទី១៧ មីនា ឆ្នាំ២០១៤។
RFA/Van Vichar
គណៈកម្មការចម្រុះមកពីគណបក្ស២ ដែលមានអាសនៈក្នុងរដ្ឋសភា ឯកភាពគ្នាលើប្រធានបទចំនួន ១៤ ជុំវិញកំណែទម្រង់ការបោះឆ្នោត។ បក្សទាំងពីរនឹងពិភាក្សាពីបែបបទនៃការរៀបចំសិក្ខាសាលា វេទិកាសាធារណៈនៅសប្ដាហ៍ខាងមុខ។ ហើយសិក្ខាសាលា និងវេទិកាសាធារណៈនេះ មានបំណងប្រមូលមតិយោបល់ពីគ្រប់មជ្ឈដ្ឋាន ដើម្បីពិភាក្សាលំអិតលើប្រធានបទដែលបានព្រមព្រៀងគ្នានៅព្រឹកថ្ងៃទី១៧ ខែមីនា។
តំណាងគណៈកម្មការចម្រុះមកពីគណបក្សប្រជាជនកម្ពុជា លោក ប៊ិន ឈិន មានប្រសាសន៍ថា កិច្ចប្រជុំទាំងបីលើកកន្លងទៅ មិនបាននិយាយលម្អិតពីចំណុចនីមួយៗក្នុងប្រធានបទដែលបានព្រមព្រៀងគ្នាទាំង ១៤ នោះទេ។ លោកបន្តថា ខ្លឹមសារលម្អិតលើចំណុចទាំងអស់ នឹងត្រូវគណៈកម្មការកែទម្រង់ការបោះឆ្នោតនៃបក្សទាំងពីរយកមកពិភាក្សា និងចងក្រងជាគោលនយោបាយក្របខ័ណ្ឌច្បាប់ បន្ទាប់ពីធ្វើសិក្ខាសាលាប្រមូលមតិយោបល់ពីភាគីពាក់ព័ន្ធរួចរាល់នោះ។ លោកបញ្ជាក់ថា នៅដំណាក់កាលចុងក្រោយ គឺថ្នាក់ដឹកនាំកំពូលនៃគណបក្សទាំងពីរឯណោះវិញទេ ដែលជាអ្នកសម្រេចលើការកែទម្រង់ទាំងអស់នេះ។
«សំឡេង»
ចំណែកឯតំណាងគណៈកម្មការចម្រុះរបស់គណបក្សសង្គ្រោះជាតិ លោក សុន ឆ័យ មានប្រសាសន៍ថា ឆ្លងតាមកិច្ចចរចាគ្នាកន្លងទៅនេះ គណបក្សប្រជាជនកម្ពុជា បានព្រមព្រៀងតាមសំណើរបស់គណបក្សសង្គ្រោះជាតិ ដើម្បីធ្វើយ៉ាងណាឲ្យពលរដ្ឋមានជំនឿចិត្តលើប្រព័ន្ធបោះឆ្នោតនៅថ្ងៃមុខ។ លោកបន្តថា ថ្វីត្បិតតែក្រុមការងារកំណែទម្រង់ការបោះឆ្នោតព្រមព្រៀងគ្នាក្តី ប៉ុន្តែគណបក្សសង្គ្រោះជាតិនៅតែប្រកាន់ជំហរស្វែងរកយុត្តិធម៌ជូនម្ចាស់ឆ្នោតដដែល។
ចំណែកឯតំណាងគណៈកម្មការចម្រុះរបស់គណបក្សសង្គ្រោះជាតិ លោក សុន ឆ័យ មានប្រសាសន៍ថា ឆ្លងតាមកិច្ចចរចាគ្នាកន្លងទៅនេះ គណបក្សប្រជាជនកម្ពុជា បានព្រមព្រៀងតាមសំណើរបស់គណបក្សសង្គ្រោះជាតិ ដើម្បីធ្វើយ៉ាងណាឲ្យពលរដ្ឋមានជំនឿចិត្តលើប្រព័ន្ធបោះឆ្នោតនៅថ្ងៃមុខ។ លោកបន្តថា ថ្វីត្បិតតែក្រុមការងារកំណែទម្រង់ការបោះឆ្នោតព្រមព្រៀងគ្នាក្តី ប៉ុន្តែគណបក្សសង្គ្រោះជាតិនៅតែប្រកាន់ជំហរស្វែងរកយុត្តិធម៌ជូនម្ចាស់ឆ្នោតដដែល។
«សំឡេង»
ក្រុមការងារចម្រុះកំណែទម្រង់ការបោះឆ្នោតនៃគណបក្សទាំងពីរ នឹងបើកពិភាក្សាគ្នាបន្តទៀតនៅថ្ងៃច័ន្ទ ទី២៤ ខែមីនា ដើមសប្ដាហ៍ក្រោយ។ ដោយជជែកលម្អិតពីនីតិវិធីក្នុងការរៀបចំសិក្ខាសាលាថ្នាក់ជាតិ និងវេទិកាសាធារណៈនៅតាមមូលដ្ឋាន។ អ្នកនយោបាយនៃបក្សទាំងពីររំពឹងថា នឹងកំណត់ពីពេលវេលា ទីកន្លែង អ្នកចូលរួមក្នុងសិក្ខាសាលាជាដើម៕
No comments:
Post a Comment