លោកហ៊ុន សែន ក៏បានរំលឹកអំពីប្រវត្តិសង្គ្រាមស៊ីវិលនៅកម្ពុជាដែលបានរុញច្រានឲ្យប្រទេសនេះធ្លាក់ក្នុងរបបខ្មែរក្រហមនិងបណ្តាលឲ្យមនុស្សស្លាប់ជិតពីរលាននាក់។
លោក ហ៊ុន សែន ព្រមាន កុំឱ្យ បក្សប្រឆាំង បង្កហិង្សា
គង់ សុឋានរិទ្ធ / វីអូអេ | ២៨ មីនា ២០១៤
ការព្រមាននេះធ្វើឡើងខណៈដែលគណបក្សសង្គ្រោះជាតិរបស់លោកសម រង្ស៊ី និងលោកកឹម សុខា គ្រោងនឹងធ្វើសមាជមហាជនមួយនៅរសៀលថ្ងៃអាទិត្យទី៣០ខែមីនានេះដែលនឹងមានប្រជាពលរដ្ឋចំនួន៥.០០០ពាន់នាក់ចូលរួមនៅទីលានប្រជាធិបតេយ្យក្រុងភ្នំពេញ។
សមាជនេះមានគោលដៅបញ្ជាក់បង្ហាញលទ្ធផលនៃកិច្ចចរចារវាងគណបក្សសង្គ្រោះជាតិនិងគណបក្សប្រជាជនកម្ពុជារបស់លោកនាយករដ្ឋមន្ត្រីហ៊ុន សែន ព្រមទាំងបញ្ជាក់ជំហររបស់គណបក្សជំទាស់និងស្នើសុំមតិយោបល់របស់មហាជន។
ថ្លែងក្នុងពិធីសម្ពោធដាក់ឲ្យប្រើប្រាស់ទំបន់វារីអគ្គិសនីស្ទឹងអាតៃនៅខេត្ដពោធិ៍សាត់ លោកហ៊ុន សែន ព្រមានថា លោកបើកឱកាសឲ្យមានការបញ្ចេញមតិប៉ុន្តែមិនអនុញ្ញាតឲ្យមានការបង្កសង្គ្រាមស៊ីវិលនោះទេ។
«បញ្ចេញមតិអ្វីបញ្ចេញទៅតែកុំនាំគ្នាបង្កើតសង្គ្រាមព្រោះសង្គ្រាមនេះបើកើតហើយមិនងាយរំលត់ទេ»។
លោកហ៊ុន សែន ក៏បានរំលឹកអំពីប្រវត្តិសង្គ្រាមស៊ីវិលនៅកម្ពុជាដែលបានរុញច្រានឲ្យប្រទេសនេះធ្លាក់ក្នុងរបបខ្មែរក្រហមនិងបណ្តាលឲ្យមនុស្សស្លាប់ជិតពីរលាននាក់។
លោកប្រមុខរដ្ឋាភិបាលខ្មែរបានព្រមានបន្ថែមថាការបង្កអំពើហិង្សាណាមួយនឹងទទួលរងការបង្រ្កាប។
«ចង់បញ្ជាក់ថាច្បាប់មានកំណត់របស់វា។មិនមែនបានសេចក្តីថាទៅហួសពីច្បាប់បានទេ។បើទៅហួសចូលដល់ហឹង្សាហើយគឺអស់ខន្តីហើយ គឺច្បាប់ត្រូវធ្វើសកម្មភាពហើយ»។
កងកម្លាំងប្រដាប់អាវុធរបស់រដ្ឋាភិបាលធ្លាប់បានបង្ក្រាបក្រុមបាតុករជាបន្តបន្ទាប់ក្រោយពីការបោះឆ្នោតខែកក្កដាឆ្នាំ២០១៣។មានមនុស្សយ៉ាងតិចចំនួនប្រាំពីរនាក់បានស្លាប់និងរាប់សិបនាក់ផ្សេងទៀតរងរបួស។
លោកស្រីមួ សុខហួរ តំណាងរាស្ដ្រប្រចាំមណ្ឌលខេត្តបាត់ដំបងរបស់គណបក្សសង្គ្រោះជាតិបានសម្តែងការសោកស្តាយចំពោះការព្រមានទុកជាមុនរបស់លោកនាយករដ្ឋមន្ត្រីហ៊ុន សែន។
លោកស្រីយល់ថានេះគឺជាការគំរាមកំហែងរបស់លោកប្រមុខរដ្ឋាភិបាល៖
«ជារៀងរាល់ពេលលោកហ៊ុន សែន តែងតែចូលដល់ភាសាដែលយើងយល់ឃើញថាជាភាសាគំរាមកំហែងទៅលើអ្វីដែលជាសិទ្ធិរបស់ប្រជាពលរដ្ឋនៅក្នុងការបញ្ចេញមតិ មិនបាច់លោកហ៊ុន សែន មកប្រដៅប្រជាពលរដ្ឋទេ។ សូមឲ្យលោកហ៊ុន សែន ទុកភាសាហ្នឹងសម្រាប់ក្រុមគាត់ សម្រាប់គ្រប់គ្រងជនខិលខូចដទៃទៀតចុះ។បើសិនមិនអញ្ចឹងទេសុំឲ្យលោកហ៊ុន សែន អញ្ជើញមកទីលានប្រជាធិបតេយ្យជួបជាមួយប្រជាពលរដ្ឋទៅ»។
សមាជនេះនឹងត្រូវធ្វើឡើងចំថ្ងៃរំលឹកខួបលើកទី១៧ឆ្នាំនៃការវាយប្រហារដោយគ្រាប់បែកលើហ្វូងបាតុករកម្មកររោងចក្រកាត់ដែរ។ ការវាយប្រហារដែលធ្វើឲ្យមនុស្សចំនួន១៦នាក់ស្លាប់និងជាង១០០នាក់រងរបួស។ ហើយរហូតមកទល់ពេលនេះជនរងគ្រោះនៅតែពុំទាន់បានទទួលយុត្តិធម៌នៅឡើយ៕
We, Cambodians had listened Mr. Dek Chauk Hun Sen several occasions and found that he had intension to make a civil war if the opposition would crackdown on him. He used to warn the opposition party that has no arms nor bullet to stand against him or created a violent attack at him. In fact, he who has his armed forces, bullets and ammunitions of all kind and accuses the one who has nothing to fight against him except war of word? He is a snake in the grass and ready to bite when we approach him. We thought that over the years he might change his Khmer Rouge attitudes but out of luck, this guy is still a remnant of Khmer Rouge.
ReplyDelete