លោក យឹម សុវណ្ណ បេក្ខជនជាប់ឆ្នោតតំណាងរាស្ត្រ គណបក្សសង្គ្រោះជាតិ (រូបថត៖ តាំង វីដា)
មន្ត្រី CNRP៖ គណបក្ស នឹងកំណត់អាទិភាព នៃប្រធានបទ ពិភាក្សា ក្នុងកិច្ចប្រជុំ លើកក្រោយ គឺ កំណែទម្រង់ គ.ជ.ប.
ដោយ៖ ស៊ុន ណារិន / វីអូឌី | ថ្ងៃចន្ទ ទី17 ខែមិនា ឆ្នាំ2014
មន្ត្រី គណបក្ស សង្គ្រោះជាតិ ឲ្យដឹងថា គណបក្ស នឹងកំណត់អាទិភាព នៃប្រធានបទ ពិភាក្សាសម្រាប់ កិច្ចចរចា នៅសប្តាហ៍ក្រោយ ដែលជាចំណុចអាទិភាព គឺ កំណែទម្រង់ គណៈកម្មាធិការជាតិ រៀបចំ ការបោះឆ្នោត (គជប)។
ការលើកឡើងនេះ បន្ទាប់ពីគណបក្សប្រជាជនកម្ពុជា (CPP) និងគណបក្សសង្គ្រោះជាតិ (CNRP) បានឯកភាព លើចំណុចចំនួន១៤ នៅព្រឹកថ្ងៃចន្ទនេះ។
ក្នុងបទសម្ភាសន៍ជាមួយVOD អ្នកនាំពាក្យគណបក្សសង្គ្រោះជាតិ លោក យឹម សុវណ្ណ មានប្រសាសន៍ថា ចំណុចចំនួន៧ ត្រូវបានលើកឡើងដោយគណបក្សប្រជាជនកម្ពុជា និង៧ទៀតមកពីគណបក្សសង្គ្រោះជាតិ។ លោកបញ្ជាក់ថា អាទិភាពនៃប្រធានបទ គឺកំណែទម្រង់ស្ថាប័នរៀបចំការបោះឆ្នោត ដោយធានាឯករាជ្យភាព និងអព្យាក្រឹតភាព ព្រមទាំងការដោះស្រាយវិវាទបោះឆ្នោត ដោយមិនពាក់ព័ន្ធនឹងគជប។លោកបន្តថា កំណែទម្រង់គជប ត្រូវតែមាន បើទោះជាក្នុងរូបភាពណាក៏ដោយ។
ភាគីទាំងពីរ បានឯកភាពគ្នាក្នុងការជួបចរចាបន្តទៀតនៅថ្ងៃទី២៤ខែមីនា ក្រោយពីការឯកភាពលើចំណុចមួយចំនួន។
គណៈកម្មការកែទម្រង់ការបោះឆ្នោតរបស់គណបក្សប្រជាជនកម្ពុជានិងគណបក្សសង្គ្រោះជាតិបាន ឯកភាពគ្នាលើកំណែទម្រង់អង្គរៀបចំការបោះឆ្នោត(គជប) និងយល់ព្រមសិក្សាទៅលើចំណុច១៣ផ្សេងទៀត។ ចំណុចទាំងនោះ រួមមានការរៀបចំការចុះឈ្មោះអ្នកបោះឆ្នោត និងបញ្ជីឈ្មោះអ្នកបោះឆ្នោត រៀបចំបង្កើតច្បាប់ស្តីពីហិរញ្ញវត្ថុរបស់គណបក្សនយោបាយ អព្យាក្រឹតភាព និងសុចរិតភាពនៃសង្គមស៊ីវិល ប្រព័ន្ធផ្សព្វផ្សាយ និងមធ្យោបាយផ្សព្វផ្សាយរបស់គណបក្សនយោបាយ យន្តការនៃការដោះស្រាយវិវាទ ការសង្កេត ការណ៍បោះឆ្នោត អព្យាក្រឹតភាពនៃមន្ត្រីរាជការ និងកម្លាំងកម្លាំងប្រដាប់អាវុធ កាលបរិច្ឆេតនៃការបោះឆ្នោត បទបញ្ជា និងនីតិវិធីនៃការបោះឆ្នោត កែសម្រួល និងពង្រឹងទោសបញ្ញត្តិនៅក្នុងច្បាប់បោះឆ្នោត ការឃោសនាបោះឆ្នោត ការបោះ ឆ្នោតមេភូមិ និងការស្ទង់មតិ។
គណបក្សសង្គ្រោះជាតិ ទាមទាឲ្យគជបជាស្ថាប័នធម្មនុញ្ញដែលជ្រើសតាំង ដោយរដ្ឋសភាតាមសំឡេងពីរភាគបីទេ៕
My suggestion: please try to use high tech computer to keep track like voter registra and registration location where voter normally goes. Any result must have copy and photo copy made by camera phone.
ReplyDelete