លោក ហ៊ុន សែន៖ វិទ្យុបរទេស មួយ (អាស៊ីសេរី) បំភ្លៃ សម្តីខ្ញុំ រឿងការកាត់បន្ថយ គម្លាត ទ្រព្យសម្បត្តិ និងខួរក្បាល
ដោយ៖ ស៊ុន ណារិន / វីអូឌី | ថ្ងៃចន្ទ ទី7 ខែមេសា ឆ្នាំ2014
លោកនាយករដ្ឋមន្ត្រី ហ៊ុន សែន នៅថ្ងៃចន្ទនេះ ថ្លែងថា វិទ្យុបរទេសមួយ(អាស៊ីសេរី) បានបំភ្លៃសម្តីរបស់លោក ទាក់ទងនឹងការលើកឡើងពីការកាត់បន្ថយគម្លាតទ្រព្យសម្បត្តិ និងគម្លាតខួរក្បាល។
កាលពីថ្ងៃទី២២ ខែមីនា ឆ្នាំ២០១៤ អ្នកព័ត៌មានវិទ្យុអាស៊ីសេរី លោក វណ្ណ វិចារ បានសរសេរអត្ថបទព័ត៌មានមួយ លើកឡើងពីប្រសាសន៍របស់នាយករដ្ឋមន្ត្រីកម្ពុជា លោក ហ៊ុន សែន ដែលមានចំណងជើងថា «លោក ហ៊ុន សែន ថា កម្ពុជាមិនអាចកាត់បន្ថយគម្លាតរវាងអ្នកមាន និងអ្នកក្រ» បន្ទាប់ពី លោក ហ៊ុន សែន បានថ្លែងក្នុងពិធីបូកសរុបសន្និបាតក្រសួងអប់រំ យុវជន និងកីឡា ឆ្នាំ២០១៤ កាលពីថ្ងៃទី២១ ខែមីនា ទាក់ទងនឹងពីភាពលំបាករបស់រាជរដ្ឋាភិបាលក្នុងការកាត់បន្ថយគម្លាតរ វាងអ្នកក្រ និងអ្នកមាន។
ការថ្លែងរបស់លោកនាយករដ្ឋមន្ត្រី ធ្វើឡើងបន្ទាប់ពីអ្នកនាំពាក្យទីស្តីការគណៈរដ្ឋមន្ត្រី លោក ផៃ ស៊ីផាន បានផ្ញើលិខិតជូននាយកវិទ្យុអាស៊ីសេរី លើកឡើងថា អត្ថបទចំណងជើង“លោក ហ៊ុន សែន ថាកម្ពុជាមិនអាចកាត់បន្ថយគម្លាតរវាងអ្នកមាននិងអ្នកក្រ” បានវាយប្រហារ ប្រមាថ និងមួលបង្កាច់ បំបះបំបោរ ប្រឆាំងនឹងរាជរដ្ឋាភិបាល។
ទាក់ទងនឹងលិខិតរបស់លោក ផៃ ស៊ីផាន ថ្នាក់ដឹកនាំវិទ្យុអាស៊ីសេរី ធ្លាប់ឆ្លើយតបថា លោក ផៃ ស៊ីផាន គួរតែផ្ញើលិខិតប្រកបដោយការទទួលខុសត្រូវ នៅពេលចង់ឲ្យមានការកែតម្រូវលើអត្ថបទអ្វីមួយ ដែលរដ្ឋាភិបាលគិតថា មានលក្ខណៈខុសឆ្គង។ លោកJohn Estrella អនុប្រធានខាងទំនាក់ទំនងរបស់វិទ្យុអាស៊ីសេរី មានប្រសាសន៍ថា លិខិតមិនបានបញ្ជាក់ច្បាស់នូវអ្វីដែលជាចំណុចខុស និងមិនបានផ្តល់ភ័ស្តុតាងទៅលើភាពមិនត្រឹមត្រូវរបស់អត្ថបទ៕
អត្ថបទទាក់ទង
- មន្ត្រីរដ្ឋាភិបាល ព្រមានចាត់វិធានការផ្លូវច្បាប់លើសារព័ត៌មាន ដែលផ្សាយវាយប្រហាររដ្ឋាភិបាល
- ថ្នាក់ដឹកនាំវិទ្យុអាស៊ីសេរី ប្រាប់លោក ផៃ ស៊ីផាន សរសេរលិខិតតាមរបៀបទទួលខុសត្រូវ
- មន្ត្រីរដ្ឋាភិបាល ស្នើវិទ្យុអាស៊ីសេរី បំភ្លឺចំពោះអត្ថបទមួយ ដែលខ្លួនចាត់ទុកថាជាការវាយប្រហារ និងប្រមាថដល់នាយករដ្ឋមន្ត្រី
No comments:
Post a Comment