តំណាងគណបក្សប្រជាជនកម្ពុជា និងគណបក្សសង្គ្រោះជាតិ ដែលបានជួបប្រជុំ នៅព្រឹកថ្ងៃចន្ទ ទី១០មិនា ២០១៤។
RFI/Siv Channa
តំណាង គណបក្ស ទាំងពីរ ទំនងជាមិនទាន់ បានជួបគ្នា នៅឡើយ
រហូត មកដល់ ថ្ងៃអង្គារនេះ នៅមិនទាន់ មានព័ត៌មាន ស្តីពី ការជួបចរចាគ្នា រវាង គណបក្ស ទាំងពីរ នៅឡើយទេ បើ ទោះបី ជាមេដឹកនាំ កំពូល គណបក្ស ទាំងពីរ បានបង្ហើប ឲ្យដឹង អំពី លទ្ធផល ជាវិជ្ជមាន ដែលអាចចេញ ក្នុងពេលឆាប់ៗ ក៏ដោយ។ យ៉ាងណាក៏ដោយ មន្ត្រី គណបក្ស កាន់អំណាច នៅតែមានសុទិដ្ឋិនិយម ថា គណបក្សទាំងពីរ អាចដោះស្រាយបញ្ហាបាន ប្រសិនបើ មានសុឆន្ទៈ ពិតប្រាកដ។
មន្ត្រីជាន់ខ្ពស់ គណបក្ស ប្រជាជនកម្ពុជា លោក ជាម យៀប បានប្រាប់វិទ្យុបារាំង អន្តរជាតិ នៅថ្ងៃអង្គារនេះ ថា, លោក មិនទាន់ ទទួលបានដំណឹង ណាមួយ ថា មានការជួបគ្នា រវាង គណបក្ស ទាំងពីរ នៅឡើយទេ។ ប៉ុន្តែ អាចមាន ការជួបគ្នា តាមទូរស័ព្ទ រវាង លោក សម រង្ស៊ី និងលោក ឧបនាយករដ្ឋមន្ត្រី ស ខេង ដែលលោក មិនដឹង។
ប៉ុន្តែ ប្រភពពីគណបក្សសង្គ្រោះជាតិវិញអះអាងថា គ្មានការជួបទាក់ទងគ្នារវាងលោក សម រង្ស៊ី និងលោក ស ខេង នៅឡើយកាលពីថ្ងៃចន្ទ។ ដោយឡែក នៅថ្ងៃអង្គារនេះ មេដឹកនាំបក្សប្រឆាំងបានចុះបំពេញបេសកកម្មជួបអ្នកគាំទ្រតាមបណ្តាខេត្តដោយផ្តើមពីខេត្តកំពត។ ព័ត៌មាននេះហាក់ដូចជាបញ្ច្រាសទិសគ្នារវាងព័ត៌មានដែលបានផ្តល់ដោយមេដឹកនាំគណបក្សទាំងពីរកាលពីថ្ងៃចន្ទ។
ក្នុងពិធីពីរផ្សេងគ្នា កាលពីថ្ងៃចន្ទ មេដឹកនាំគណបក្សទាំងពីរសុទ្ធតែបានប្រកាសប្រាប់មហាជនអំពីការចរចាជាសម្ងាត់ជាមួយគ្នាដើម្បីស្វះស្វែងរកដំណោះស្រាយនយោបាយ។ លោកសម រង្ស៊ីបញ្ជាក់ថា ក្រុមការងារគណបក្សទាំងពីរអាចចេញសេចក្តីថ្លែងការណ៍រួមគ្នាមួយក្នុងពេលឆាប់ៗនេះ ឬអាចចូលគាល់ព្រះមហាក្សត្ររួមគ្នាផង។
ចំណែកលោកនាយករដ្ឋមន្ត្រី ហ៊ុន សែន ក៏បានផ្តល់ព័ត៌មានស្រដៀងគ្នានេះដែរដោយ បញ្ជាក់ថា គណបក្សទាំងពីរនឹងបន្តជួបគ្នានៅព្រឹកថ្ងៃចន្ទម្សិលមិញដើម្បីពិភាក្សាបញ្ចប់បញ្ហាដែលនៅសេសសល់ ហើយលទ្ធផលនៃកិច្ចចរចានេះអាចនឹងដឹងនៅពេលឆាប់ៗនេះ។ លោកនាយករដ្ឋមន្ត្រីថែមទាំងព្រលយថា ជួនកាលរឿងនយោបាយអាចដោះស្រាយចេញយ៉ាងឆាប់ពោលគឺអាចមុនចូលឆ្នាំខ្មែរក៏ថាបាន។
ទោះបីជាមិនទាន់មានព័ត៌មានដូចដែលមេដឹកនាំគណបក្សទាំងពីរប្រកាសក៏ដោយ ក៏លោក ជាម យៀប មានសុទិដ្ឋិនិយមថា គណបក្សទាំងពីរអាចដោះស្រាយបញ្ហាជាមួយគ្នាបានប្រសិនបើមានសុឆន្ទៈចង់ដោះស្រាយពិតប្រាកដ។
គួរបញ្ជាក់ថា វិបត្តិនយោបាយក្រោយការបោះឆ្នោតបានអូសបន្លាយជិត៩ខែមកហើយ។ តំណាងរាស្ត្រជាប់ឆ្នោតគណបក្សសង្គ្រោះជាតិ៥៥នាក់បានធ្វើពហិការមិនចូលប្រជុំសភារហូតមក។ បន្ទាប់ពីកិច្ចចរចាថ្នាក់បច្ចេកទេសបានជាប់គាំង មានការរំពឹងថា អាចនឹងមានជំនួបកំពូលរវាងមេដឹកនាំគណបក្សទាំងពីរ។
លោកនាយករដ្ឋមន្ត្រី ហ៊ុន សែន ប្រកាសថា លោកបើកចំហរង់ចាំទទួលទូរស័ព្ទពីលោក សម រង្ស៊ី ដើម្បីជជែកគ្នាដោះស្រាយបញ្ហានយោបាយ។ ប៉ុន្តែ រហូតមកដល់ថ្ងៃនេះនៅមិនទាន់មានជំនួបបែបនេះនៅឡើយ៕
ប៉ុន្តែ ប្រភពពីគណបក្សសង្គ្រោះជាតិវិញអះអាងថា គ្មានការជួបទាក់ទងគ្នារវាងលោក សម រង្ស៊ី និងលោក ស ខេង នៅឡើយកាលពីថ្ងៃចន្ទ។ ដោយឡែក នៅថ្ងៃអង្គារនេះ មេដឹកនាំបក្សប្រឆាំងបានចុះបំពេញបេសកកម្មជួបអ្នកគាំទ្រតាមបណ្តាខេត្តដោយផ្តើមពីខេត្តកំពត។ ព័ត៌មាននេះហាក់ដូចជាបញ្ច្រាសទិសគ្នារវាងព័ត៌មានដែលបានផ្តល់ដោយមេដឹកនាំគណបក្សទាំងពីរកាលពីថ្ងៃចន្ទ។
ក្នុងពិធីពីរផ្សេងគ្នា កាលពីថ្ងៃចន្ទ មេដឹកនាំគណបក្សទាំងពីរសុទ្ធតែបានប្រកាសប្រាប់មហាជនអំពីការចរចាជាសម្ងាត់ជាមួយគ្នាដើម្បីស្វះស្វែងរកដំណោះស្រាយនយោបាយ។ លោកសម រង្ស៊ីបញ្ជាក់ថា ក្រុមការងារគណបក្សទាំងពីរអាចចេញសេចក្តីថ្លែងការណ៍រួមគ្នាមួយក្នុងពេលឆាប់ៗនេះ ឬអាចចូលគាល់ព្រះមហាក្សត្ររួមគ្នាផង។
ចំណែកលោកនាយករដ្ឋមន្ត្រី ហ៊ុន សែន ក៏បានផ្តល់ព័ត៌មានស្រដៀងគ្នានេះដែរដោយ បញ្ជាក់ថា គណបក្សទាំងពីរនឹងបន្តជួបគ្នានៅព្រឹកថ្ងៃចន្ទម្សិលមិញដើម្បីពិភាក្សាបញ្ចប់បញ្ហាដែលនៅសេសសល់ ហើយលទ្ធផលនៃកិច្ចចរចានេះអាចនឹងដឹងនៅពេលឆាប់ៗនេះ។ លោកនាយករដ្ឋមន្ត្រីថែមទាំងព្រលយថា ជួនកាលរឿងនយោបាយអាចដោះស្រាយចេញយ៉ាងឆាប់ពោលគឺអាចមុនចូលឆ្នាំខ្មែរក៏ថាបាន។
ទោះបីជាមិនទាន់មានព័ត៌មានដូចដែលមេដឹកនាំគណបក្សទាំងពីរប្រកាសក៏ដោយ ក៏លោក ជាម យៀប មានសុទិដ្ឋិនិយមថា គណបក្សទាំងពីរអាចដោះស្រាយបញ្ហាជាមួយគ្នាបានប្រសិនបើមានសុឆន្ទៈចង់ដោះស្រាយពិតប្រាកដ។
គួរបញ្ជាក់ថា វិបត្តិនយោបាយក្រោយការបោះឆ្នោតបានអូសបន្លាយជិត៩ខែមកហើយ។ តំណាងរាស្ត្រជាប់ឆ្នោតគណបក្សសង្គ្រោះជាតិ៥៥នាក់បានធ្វើពហិការមិនចូលប្រជុំសភារហូតមក។ បន្ទាប់ពីកិច្ចចរចាថ្នាក់បច្ចេកទេសបានជាប់គាំង មានការរំពឹងថា អាចនឹងមានជំនួបកំពូលរវាងមេដឹកនាំគណបក្សទាំងពីរ។
លោកនាយករដ្ឋមន្ត្រី ហ៊ុន សែន ប្រកាសថា លោកបើកចំហរង់ចាំទទួលទូរស័ព្ទពីលោក សម រង្ស៊ី ដើម្បីជជែកគ្នាដោះស្រាយបញ្ហានយោបាយ។ ប៉ុន្តែ រហូតមកដល់ថ្ងៃនេះនៅមិនទាន់មានជំនួបបែបនេះនៅឡើយ៕
No comments:
Post a Comment