លោកស្រី មូរ សុខហួរ ត្រូវសន្តិសុខខណ្ឌ បណ្តេញចេញពីទីលានប្រជាធិបតេយ្យ ព្រឹកនេះ (រូបថត៖ សុទ្ធ គឹមសឿន)
លោកស្រី មូរ សុខហួរ បង្ហាញពីច្បាប់ស្ដីពីសិទ្ធិជួបជុំដោយសន្តិធិវី (រូបថត៖ សុទ្ធ គឹមសឿន)
លោកស្រី មូរ សុខហួរ ត្រូវសន្តិសុខ សាលារាជធានី ចាប់អូស ចេញពី ទីលានប្រជាធិបតេយ្យ
ដោយ៖ សុទ្ធ គឹមសឿន / វីអុឌី | ថ្ងៃព្រហស្បតិ៍ ទី3 ខែមេសា ឆ្នាំ2014
បេក្ខជន ជាប់ឆ្នោតតំណាងរាស្ត្រគណបក្សសង្គ្រោះជាតិ លោកស្រី មូរ សុខហួរ នៅព្រឹកថ្ងៃព្រហស្បតិ៍នេះ បានដឹកនាំអ្នកគាំទ្រលោកស្រីចូលទៅដល់ទីលានប្រជាធិបតេយ្យ ដោយអង្គុយផ្ទាល់លើដី អានច្បាប់ស្ដីពីការជួបជុំដោយសន្តិវិធី តែត្រូវបានកម្លាំងសមត្ថកិច្ចចាប់សែងចេញពីទីលាននេះ។
នៅម៉ោងជាង៨ព្រឹកនេះ មន្ត្រីជាន់ខ្ពស់គណបក្សសង្គ្រោះជាតិ ដែលជាស្ត្រីមួយរូបគឺលោកស្រី មូរ សុខហួរ បានអនុវត្តតាមការប្ដេជ្ញារបស់ខ្លួន ធ្វើដំណើរទៅកាន់ទីលានប្រជាធិបតេយ្យជាថ្មីម្ដងទៀត ដើម្បីអនុវត្តសិទ្ធិសម្ដែងមតិរបស់ខ្លួនជាពលរដ្ឋម្នាក់។ លោកស្រីបានអង្គុយផ្ទាល់លើដី ក្នុងបរិវេណទីលានប្រជាធិបតេយ្យ ដោយមានអ្នកគាំទ្រមិនដល់ដប់នាក់ឡើយ។ ខណៈដែលលោកស្រី កំពុងអានច្បាប់ស្ដីពីសិទ្ធិជួបជុំដោយសន្តិធិវី ក្នុងគោលបំណងអប់រំដល់កម្លាំងសមត្ថកិច្ច ដែលបានដាក់ពង្រាយនៅទីនោះ បែរជាត្រូវសន្តិសុខសាលារាជធានី ចាប់សែងចេញពីទីនោះ នៅម៉ោងជាង៩ព្រឹកនេះ។
យ៉ាងណាក៏ដោយ លោកស្រីអះអាងថា នឹងបន្តប្រកាន់ជំហរមកកាន់ទីនេះទៀត បន្ទាប់ពីបញ្ចប់បេសកកម្មនៅខេត្តបាត់ដំបងរួចរាល់។
កាលពីម្សិលមិញ លោកស្រី មូរ សុខហួរ បានប្ដេជ្ញាថានឹងទៅកាន់ទីលានប្រជាធិបតេយ្យជារៀងរាល់ថ្ងៃ ដើម្បីរំលឹកគុណដល់អ្នកគាំទ្រ ដែលបានចូលរួមបាតុកម្មអហិង្សាជាមួយគណបក្សសង្គ្រោះជាតិ ក្នុងការទាមទារឲ្យមានការកែទម្រង់ប្រព័ន្ធបោះឆ្នោត និងបោះឆ្នោតឡើងវិញ នាពេលកន្លងមក៕
No comments:
Post a Comment