រដ្ឋសភា [NatAss] នឹងប្រជុំ លើកទី២៣៤ នីតិកាល ទី១២៣៤៥ នៅថ្ងៃ ទី២៦ មិថុនា
RFA | ២៥ មិថុនា ២០១៤
កិច្ចប្រជុំ សភា អនុម័ត សេចក្តី ព្រាងច្បាប់ ចំនួន៣ ពាក់ព័ន្ធ នឹងប្រព័ន្ធ តុលាការ កាលពីថ្ងៃ ទី២២ ខែឧសភា ឆ្នាំ២០១៤។ RFA/Yeang Socheametta
រ
សេចក្តីជូនដំណឹងរបស់អគ្គលេខាធិការដ្ឋានរដ្ឋសភា ចុះថ្ងៃទី២៤ ខែមិថុនា បង្ហាញថា របៀបវារៈចំនួន៤ ដែលរដ្ឋសភាត្រៀមពិភាក្សា និងអនុម័តមាន ពិភាក្សា និងអនុម័តសេចក្តីព្រាងច្បាប់ ស្ដីពីការអនុម័តយល់ព្រមលើកិច្ចព្រមព្រៀង ស្ដីពីការជួយគ្នាទៅវិញទៅមកផ្នែកយុត្តិធម៌ ក្នុងវិស័យរដ្ឋប្បវេណីរវាងកម្ពុជា និងវៀតណាម។ ពិភាក្សា និងអនុម័តសេចក្តីព្រាងច្បាប់ ស្ដីពីការអនុម័តយល់ព្រមលើសន្ធិសញ្ញា ស្ដីពីបត្យាប័នរវាងកម្ពុជា និងវៀតណាម។ ពិភាក្សា និងអនុម័តសេចក្តីព្រាងច្បាប់ ស្ដីពីការអនុម័តយល់ព្រមលើផែនការយុទ្ធសាស្ត្រអភិវឌ្ឍន៍ជាតិ ២០១៤-២០១៨ និងពិភាក្សា និងអនុម័តសេចក្តីព្រាងច្បាប់ ស្ដីពីការធានារ៉ាប់រង។ កិច្ចប្រជុំសភានេះ ដឹកនាំដោយ លោក ហេង សំរិន ប្រធានរដ្ឋសភា។
សម្រាប់មន្ត្រីគណបក្សប្រឆាំង គឺគណបក្សសង្គ្រោះជាតិ មិនចាប់អារម្មណ៍កិច្ចប្រជុំ ឬអនុម័តច្បាប់ផ្សេងៗ ផ្ដើមដោយសមាជិកសភាគណបក្សប្រជាជនកម្ពុជា ពេលនេះទេ។ មន្ត្រីបក្សប្រឆាំង ចាត់ទុកថា ច្បាប់ទាំងឡាយដែលបានអនុម័តដោយរដ្ឋសភាឯកបក្សកន្លងមក មិនបម្រើដល់ប្រយោជន៍ប្រជាពលរដ្ឋ និងសង្គមជាតិទេ៕
No comments:
Post a Comment