ពលករខ្មែរ ចាកចេញ ទៅថៃវិញ, មិនជ្រើសរើស យកភាពស្របច្បាប់ តាមរយៈ ក្រុមហ៊ុនទេ
ពលករខ្មែរ ដែលថៃ បញ្ជូនមក កម្ពុជាវិញ។
@Facebook
ទីភ្នាក់ងារបញ្ជូនពលករទៅក្រៅប្រទេសប្រាប់ថានៅមិនទាន់
ឃើញមានពលករទៅទាក់ទងពីបែបបទទៅធ្វើការនៅប្រទេសថៃស្រប
ច្បាប់តាមរយៈក្រុមហ៊ុននៅឡើយ
បន្ទាប់ពីមានការប្រកាសបន្ធូរបន្ថយការធ្វើលិខិតឆ្លងដែន
និងបំពេញបែបបទផ្សេងៗពីរដ្ឋាភិបាល។
មន្ត្រីឃ្លាំមើលសិទ្ធិមនុស្សកត់សម្គាល់ថា
ពលករមានជម្រើសរបស់ពួកគេដើម្បីហេតុផលសេដ្ឋកិច្ច
បើទោះជាត្រូវប្រឈមនឹងបញ្ហាក៏ដោយ។
ពលករ ជាច្រើន បានវិលត្រលប់ ទៅកាន់ប្រទេស ថៃវិញ តាមច្រកទ្វារ អន្តរជាតិ ប៉ោយប៉ែត ដើម្បី ធ្វើការងារ នៅតាម វិស័យ ផ្សេងៗ ដែលពួកគេ បានធ្វើ កន្លងមក ដោយមិនបាន ចាប់អារម្មណ៍ ចំពោះ ការបំពេញ បែបបទ ឆ្លងដែន ទៅតាម ផ្លូវច្បាប់ឡើយ។
មន្ត្រី ស៊ើបអង្កេត សមាគម ការពារ សិទ្ធិមនុស្ស អាដហុក លោក ស៊ុំ ចាន់គា ថ្លែងថា, ពលករខ្មែរ បានវិលត្រលប់ ចូលទៅក្នុង ទឹកដីថៃវិញ ជាធម្មតា បន្ទាប់ ពីពួកគេ បានមកដល់ ប្រទេសកម្ពុជា មួយរយៈ។
ក្រសួង ការងារ កម្ពុជា កាលពីពេល ថ្មីៗនេះ បានប្រកាស ពីការផ្តល់ ឲ្យពលករ នូវភាពអនុគ្រោះ ក្នុង ការធ្វើលិខិត ឆ្លងដែន ដោយមិនគិតប្រាក់ ដល់ពលករ និងអំពាវនាវ ឲ្យពួកគេ ស្វែងរកការ ចាកចេញ ទៅធ្វើការ នៅប្រទេសថៃ តាមរយៈក្រុមហ៊ុន ស្របច្បាប់ ដោយគ្រាន់តែ បង់ថវិការ សរុប តែ ៤៩ដុល្លារ ប៉ុណ្ណោះ។
តែ មន្ត្រី អង្គការ សិទ្ធិមនុស្ស លោក ស៊ុំ ចាន់គា បញ្ជាក់ថា, ពលករ ភាគច្រើន មិនបាន យកចិត្តទុកដាក់ ដល់សេវា រដ្ឋាភិបាល នេះទេ។ ពួកគេ នៅតែ ចូលទៅ ធ្វើការ នៅក្នុងប្រទេសថៃ ដោយគ្រាន់តែ ប្រើប្រាស់ ប័ណ្ណការងារ ដែលចេញ ដោយអាជ្ញាធរ ថៃ, ហើយ ត្រូវ បានទំនាក់ទំនង និង
ទទួល ដោយនិយោជក ថៃ តាមវិស័យ ផ្សេងៗ ដឹកជញ្ជូន ពួកគេ ទៅកាន់កន្លែង ធ្វើការ ដូចមុន។
ក៏ប៉ុន្តែ នេះ គឺជាសិទ្ធិ របស់ ពលករ ក្នុងការជ្រើសរើស មធ្យោបាយ ដែលពួកគេ យល់ថា, រកបាន ប្រាក់ប៉ុន្មាន គឺ សល់ទាំងអស់ ដោយមិនចាំបាច់ ឆ្លងកាត់ក្រុមហ៊ុន ដែលនាំ ឲ្យមាន ភាពស្មុគ្រស្មាញ នោះឡើយ។
លោក ទូច សារុន មន្ត្រី គ្រប់គ្រង មជ្ឈមណ្ឌល នៃក្រុមហ៊ុន នាំពលករ ទៅប្រទេសថៃ Cambodia Labor Supply បានបង្ហើប ឲ្យដឹងថា, ចាប់តាំង ពីមាន ការប្រកាស របស់ ក្រសួងការងារ កាលពីសប្តាហ៍មុន ទាក់ទង ទៅនឹង ការបង់ថ្លៃ ៤៩ដុល្លារ សម្រាប់ ពលករម្នាក់ ទៅធ្វើការ ស្របច្បាប់ នៅប្រទេសថៃ តាមរយៈក្រុមហ៊ុន, លោក មិនឃើញ មានពលករ ខ្មែរ ទៅទាក់ទង ឬចុះឈ្មោះ នៅឡើយ។
លោក សារុន បន្ថែមថា, ពលករ បានចូល ទៅថៃ តាមរយៈ ប័ណ្ណការងារ បណ្តោះអាសន្ន របស់ថៃ ច្រើនជាង ដែលមា រយៈពេល ពីរខែ។
សូម បញ្ជាក់ថា, ពលករខ្មែរ ខុសច្បាប់ ជាង ២សែន ៥ម៉ឺននាក់ ត្រូវ បានរដ្ឋាភិបាល យោធាថៃ បញ្ជូន ត្រលប់ មកប្រទេស កំណើតវិញ យ៉ាងគំហ៊ុក គ្រាន់តែ រយៈពេល ជាងពីរសប្តាហ៍ ប៉ុណ្ណោះ ក្រោមច្បាប់ អាជ្ញាសឹកថៃ៕
No comments:
Post a Comment