លោក សម រង្ស៊ី៖ វិបត្តិនយោបាយ នៅកម្ពុជា បានបញ្ចប់ហើយ (មានសម្លេង)
រាជធានី ភ្នំពេញ៖ មេដឹកនាំ គណបក្ស សង្រ្គោះជាតិ លោក សម រង្ស៊ី បានថ្លែងថា វិបត្តិនយោបាយ នៅប្រទេសកម្ពុជា បានបញ្ចប់ហើយ ឈានដល់ សមាជិត សភាទាំង ១២៣ រូប អង្គុយធ្វើ រួមគ្នា ក្រោមដំបូល រដ្ឋសភាជាតិ រវាង គណបក្ស ដែលមានអាសនៈ នៅក្នុង រដ្ឋសភា គឺ គណបក្ស សង្គ្រោះជាតិ និងគណបក្ស ប្រជាជនកម្ពុជា។
លោក សម រង្ស៊ី បានបន្តថា, យើង នឹងខិតខំ ដោយបង្ហាញសុឆន្ទៈ បង្ហាញភាពស្មោះត្រង់ ហើយ បង្ហាញនូវការទុកចិត្តគ្នាទៅវិញទៅមក ដើម្បីបង្កើតនូវវប្បធម៌ថ្មីមួយ គឺវប្បធម៌សន្ទនា។ យើងបញ្ចប់វប្បធម៌ច្បាំងគ្នា ច្បាំងគ្នាជាពាក្យសំដីក៏ដោយ យកឈ្នះ យកចាញ់រៀងៗខ្លួន។ មិនអីចឹងទៀតទេ។ វប្បធម៌សន្ទនា គឺទាំងអស់គ្នាស្វែងរកគំនិតល្អ គំនិតជាវិជ្ជមាន ដើម្បីការពារប្រទេស ជាតិ ការពារទាំងទឹកដី ដើម្បី លើកតម្លើង យុត្តិធម៌សង្គម ក្នុងប្រទេសជាតិយើង។
លោក សម រង្ស៊ី ថែ្លងបែបនេះ គឺ បានធ្វើឡើង នៅក្នុងសម័យ ប្រជុំពេញអង្គ រដ្ឋសភា នាព្រឹកថ្ងៃ ទី០៨ ខែសីហា ឆ្នាំ២០១៤។ សម រង្ស៊ី លើកឡើង ថា អស្ថិរភាពនិងហិង្សា លើផ្នែកនយោបាយនៅ កម្ពុជា ត្រូវ បានបិទបញ្ចប់ ទាំងស្រុងហើយ។ លោក សម រង្ស៊ី ក៏ស្នើឲ្យមានការរួបរួម និងបញ្ចប់នូវវប្បធម៌ «ទឹកឡើងត្រីស៊ី ស្រមោច ទឹកហោចស្រមោចស៊ីត្រី»។លោកសមរង្ស៊ី ក៏បានគូស បញ្ជាក់ថា វប្បធម៌លាបពណ៌គ្នា ក៏យើងត្រូវបញ្ចប់ដែរ៕
សូម លោក អ្នកនាង ស្តាប់ពិស្តារ ការលើកឡើង របស់ មេដឹកនាំ គណបក្ស សង្រ្គោះជាតិ លោក សម រង្ស៊ី ថ្លែងនៅក្នុង កិច្ចប្រជុំ រដ្ឋសភា នាព្រឹកថ្ងៃ ទី០៨ ខែសីហា ឆ្នាំ២០១៤ ។
Podcast: Play in new window
| Download (1.8MB)
No comments:
Post a Comment