ស្ត្រី បឹងកក់ម្នាក់ សន្លប់ និងបញ្ជូនទៅ សង្គ្រោះបន្ទាន់ ដោយប៉ះទង្គិច ជាមួយប៉ូលិស
RFA | ២៩ សីហា ២០១៤
អ្នកស្រី ខែក ច័ន្ទរស្មី សកម្មជន ដីធ្លី បឹងកក់
បញ្ជូន ទៅសង្គ្រោះ បន្ទាន់ នៅមន្ទីរពេទ្យ កាល់ម៉ែត (Calmette)
ដោយសន្លប់ បាត់ស្មារតី ធ្ងន់ធ្ងរ
បន្ទាប់ ពីប៉ះទង្គិច ក្បាល នឹងជញ្ជាំងឡាន
ពេលកម្លាំង អាជ្ញាធរ បានចាប់បង្ខំ បញ្ជូនចេញ ពីវត្តចាស់
សង្កាត់ ជ្រោយចង្វារ កាលពីថ្ងៃ ទី២៩ ខែ សីហា ឆ្នាំ ២០១៤។ Photo Provided
ស្ត្រី បឹងកក់ម្នាក់ គឺ អ្នកស្រី ខែក ច័ន្ទរស្មី ត្រូវ បញ្ជូនទៅ សង្គ្រោះបន្ទាន់ នៅមន្ទីរពេទ្យ កាល់ម៉ែត (Calmette) ដោយអាការៈ សន្លប់ បាត់ស្មារតី ធ្ងន់ធ្ងរ បន្ទាប់ ពីប៉ះទង្គិច ក្បាល នឹងជញ្ជាំងឡាន នៅពេលកម្លាំង អាជ្ញាធរ បានចាប់បង្ខំ បញ្ជូនចេញ ពីវត្តពុទ្ធិយារាម (ឬហៅ វត្តចាស់) ក្នុងសង្កាត់ ជ្រោយចង្វារ កាលពីម៉ោង ៨ព្រឹក ថ្ងៃទី២៩ ខែ សីហា។
នៅមុនពេល បញ្ជូនទៅ មន្ទីរពេទ្យ កាល់ម៉ែត អាជ្ញាធរ និងអ្នកបឹងកក់ មួយចំនួន បានបញ្ជូន ខែក ច័ន្ទរស្មី ទៅសង្គ្រោះ គ្លីនិក ក្នុងសង្កាត់ ជ្រោយចង្វារ, ប៉ុន្តែ ពុំអាច សង្គ្រោះបាន។
មកដល់ពេលនេះ ស្ត្រី បឹងកក់រូបនោះ ឋិតក្នុងស្ថានភាព អាចសង្គ្រោះបាន, ប៉ុន្តែ នៅមិនទាន់ ដឹងខ្លួន ត្រឹមត្រូវ នៅឡើយ។
អាជ្ញាធរចាប់ស្ត្រីតំណាងអ្នកបឹងកក់ចំនួន៤នាក់កាលពីព្រឹកថ្ងៃ ២៩ ខែ សីហា ក្នុងពេលរារាំងប្រជាពលរដ្ឋ ដែលមានជម្លោះដីធ្លីមកពីខេត្តបាត់ដំបង មិនអោយចេញពីវត្តពោធិ៍ក្ខារាម ឬហៅវត្តចាស់ ក្នុងសង្កាត់ ជ្រោយចង្វា ដែលប៉ុនប៉ងនាំគ្នាទៅដាក់ញត្តិរកអន្តរាគមន៍នៅតាមស្ថាប័នមួយចំនួន ក្នុងរាជធានីភ្នំពេញ។
តំណាងអ្នកបឹងកក់ទាំង៤នាក់នោះមានអ្នកស្រី ទេព វន្នី គង់ ចន្ថា សុង ស្រីលាភ និងខែក ច័ន្ទរស្មី។ ពួកគេត្រូវអាជ្ញាធរចាប់ដាក់ឡាន ទៅទុកនៅក្នុងបុរីរុងរឿងក្នុងសង្កាត់ជ្រោយចង្វាដែរ។ ហើយមកទល់ពេលនេះពួកគាត់ទាំង៤នាក់ ត្រូវប៉ូលិសដោះលែងហើយ។
ប្រជាពលរដ្ឋប្រមាណ ១០០នាក់ កំពុងស្នាក់នៅ ក្នុងពុទ្ធិយារាម ហៅវត្តចាស់ បន្ទាប់ពីពួកគាត់បានធ្វើដំណើរមកពីខេត្ត បាត់ដំបង ប៉ៃលិន និងបន្ទាយមានជ័យកាលពីដើមសប្តាហ៍នេះ ដើម្បីស្វែងរកអន្តរាគមន៍ពីស្ថាប័នពាក់ព័ន្ធអោយជួយដោះស្រាយបញ្ហាដីធ្លីរបស់ពួកគាត់។
No comments:
Post a Comment