Global Witness សាទរចំពោះក្រុមហ៊ុនវៀតណាមរឿងការដោះស្រាយដីធ្លីជនជាតិដើមភាគតិច
អ្នកភូមិកម្ពុជាបានរងប៉ះពាល់ដោយការបាត់បង់ដីធ្លីនៅព្រៃឡង់ នៅភាគខាងជើងនៃប្រទេស បន់ស្រន់នៅទីសក្ការៈបូជាមួយកន្លែងនៅកណ្តាលក្រុងភ្នំពេញ ថ្ងៃទី១៨ សីហា ២០១១។ បន្តិចក្រោយមក ភាគច្រើននៃអ្នកភូមិត្រូវបានអាជ្ញាធរចាប់ឃាត់ខ្លួនបន្ទាប់ សុខ ខេមរា វីអូអេ ២២ សីហា ២០១៤
វ៉ាស៊ីនតោន—
អ្នកស្រី មេហ្គេន ម៉ាគ្លីសនេស ( Megan MacInnes) អ្នកតស៊ូមតិនៃអង្គការ Global Witness បានបញ្ជាក់ថា៖
អង្គការការពារបរិស្ថានអន្តរជាតិ Global Witness បានស្វាគមន៍ចំពោះការផ្លាស់ប្តូរជំហររបស់ក្រុមហ៊ុនចំការកៅស៊ូរដ្ឋវៀតណាម ទាក់ទងនឹងសកម្មភាពពាណិជ្ជកម្មរបស់ក្រុមហ៊ុននេះក្នុង ប្រទេសជិតខាងខ្លួនគឺកម្ពុជានិងឡាវ។ អង្គការនេះបានហៅការកែទម្រង់របស់ក្រុមហ៊ុននេះ ថា ជាជំហ៊ានរីកចម្រើនទៅមុខ។បើតាមសេចក្តីថ្លែងការណ៍របស់អង្គការ Global Witness ដែលមានមូលដ្ឋានក្នុងទីក្រុងឡុង ប្រទេសអង់គ្លេស បានឲ្យដឹងថា ក្រុមហ៊ុនវៀតណាមបានឆ្លើយតបនឹងសំណើរបស់ខ្លួន ហើយបានបើកទ្វារដល់ពលរដ្ឋក្នុងតំបន់រងគ្រោះនៃប្រទេសទាំងពីរ អាចដាក់ពាក្យប្តឹងនិងសួរនាំពីផលប៉ះពាល់របស់គេបាន គឺខុសពីមុន ដែលគ្មានប្រព័ន្ធរបៀបនេះទេ។
«យើងស្វាគមន៍យ៉ាងខ្លាំងចំពោះទង្វើរបស់ក្រុមហ៊ុនចំការកៅស៊ូរដ្ឋវៀតណាម VRG ដើម្បីធ្វើ ឲ្យប្រសើរឡើងផ្នែកទំនាក់ទំនងជាមួយសហគមន៍នានាដែលរងគ្រោះដោយការដាំដុះរបស់ ក្រុមហ៊ុននៅក្នុងប្រទេសកម្ពុជានិងឡាវ»។
លោកស្រីបានអះអាងថា ប្រសិនបើប្រព័ន្ធនេះធ្វើបានត្រឹមត្រូវ នោះលោកស្រីជឿថា នឹងអាច ធ្វើឲ្យមានយុត្តិធម៌សម្រាប់សហគមន៍ ហើយពួកគេអាចទទួលបានមកវិញនូវដីធ្លីដែលក្រុម ហ៊ុនបានវាទទីយកនោះ។
នៅដើមឆ្នាំនេះ សហគមន៍ជនជាតិដើមភាគតិចក្នុងប្រទេសកម្ពុជាចំនួន១៧បានដាក់ពាក្យទៅកាន់ធនាគារពិភពលោកប្តឹងក្រុមហ៊ុនវៀតណាមពីការរំលោភបំពានដីធ្លីរបស់ពួកគេ ធ្វើឲ្យប៉ះពាល់ដល់ជីវភាព សាសនាជាដើម ក្រោយពីក្រុមហ៊ុនវៀតណាមបានទទួលអាជ្ញាបណ្ណ លើដីសម្បទានសេដ្ឋកិច្ចពីរដ្ឋាភិបាលកម្ពុជាដើម្បីវិនិយោគ៕
No comments:
Post a Comment