Reading LUKE-ACTS together as one continuous story (as it is!)
Gospel according to Luke
ACTS of the Apostles
បុព្វកថា
សូម ជំរាបមក ឯកឧត្ដម
ថេវភីល, សូម
ជ្រាប។ មនុស្សជាច្រើន ខិតខំ យកចិត្តទុកដាក់,
កត់ត្រាទុក នូវហេតុការណ៍ ទាំងអំបាលម៉ាន ដែលកើតមាន
ក្នុងចំណោម យើងខ្ញុំ។ អស់អ្នក ដែលបានឃើញ ផ្ទាល់នឹងភ្នែក
តាំងពីដំបូង រៀងមក, ហើយ ទទួលមុខងារ បំរើព្រះបន្ទូល បានរៀបរាប់
ហេតុការណ៍ ទាំងនោះ បន្តមកយើងខ្ញុំ។ ខ្ញុំ បានពិនិត្យ
ហេតុការណ៍ ទាំងនោះ, តាំងពីដើម រៀងមក យ៉ាងហ្មត់ចត់,
ហើយ ខ្ញុំ ក៏យល់ឃើញ ថា, គួរតែ កត់ត្រាទុក
តាមលំដាប់ លំដោយ ផ្ញើមក ជូនលោក។ ខ្ញុំ ធ្វើដូច្នេះ
ក្នុងគោលបំណង ចង់ឲ្យលោក ជ្រាបថា, សេចក្ដី ប្រៀនប្រដៅ
ទាំងប៉ុន្មាន ដែលលោក បានទទួល ពិត ជាត្រឹមត្រូវ មែន។
ទេវតា
ជូនដំណឹង អំពី កំណើត របស់ យ៉ូហាន-បាទីស្ដ
ថ្ងៃមួយ សាការី បំពេញមុខងារ ជាបូជាចារ្យ តាមវេនក្រុម របស់លោក។ គេ បាន ជ្រើសរើស លោក ដោយចាប់ឆ្នោត តាមទំនៀមទម្លាប់ របស់ ក្រុមបូជាចារ្យ ឲ្យលោក ចូលទៅ ដុតគ្រឿង ក្រអូប នៅក្នុង ទីសក្ការៈ របស់ ព្រះអម្ចាស់។ ពេលលោក ដុតគ្រឿង ក្រអូប, ប្រជាជន ច្រើនកុះករ នៅខាងក្រៅ កំពុងអធិស្ឋាន។
រំពេចនោះ សាការី ឃើញទេវតា របស់ ព្រះអម្ចាស់ មួយរូប ឈរ នៅខាងស្ដាំ អាសនៈ សម្រាប់ ដុតគ្រឿង ក្រអូប។ ឃើញដូច្នោះ លោក រន្ធត់ចិត្ត, ហើយ ភ័យខ្លាច ទៀតផង។ ទេវតា ក៏មានប្រសាសន៍ ទៅកាន់លោក ថា៖ «កុំ ខ្លាចអី, លោក សាការី អើយ។ ព្រះអម្ចាស់ យល់ព្រម តាមពាក្យ ទូលអង្វរ របស់ លោកហើយ។ នាង អេលីសាបិត ជាភរិយា របស់លោក នឹងបង្កើត កូនប្រុសមួយ, ហើយ លោក ត្រូវ ដាក់ឈ្មោះ កូននោះ ថា “យ៉ូហាន”។ កូននោះ នឹងធ្វើ ឲ្យលោក មានចិត្ត សប្បាយ រីករាយ, ហើយ មនុស្ស ជាច្រើន អបអរសាទរ នឹងកំណើត កុមារ នោះដែរ។ កូន របស់លោក នឹងមានឋានៈ ដ៏ប្រសើរឧត្ដម នៅចំពោះ ព្រះភក្ត្រ ព្រះអម្ចាស់, មិនសេពសុរា ឬគ្រឿងស្រវឹង ណាមួយ សោះឡើយ។ កូននោះ នឹងបាន ពោរពេញ ទៅដោយ ព្រះវិញ្ញាណ ដ៏វិសុទ្ធ តាំងពីក្នុង ផ្ទៃម្ដាយមក។ កូននោះ នឹងនាំ ជនជាតិ អ៊ីស្រាអែល ជាច្រើន មករក ព្រះអម្ចាស់ ជាព្រះ របស់គេ វិញ។ កូននោះ នឹងមក មុនព្រះអង្គ, ហើយ មានវិញ្ញាណ ប្រកប ដោយឫទ្ធានុភាព ដូចលោក អេលីយ៉ា បានទទួល ដើម្បី បង្វែរចិត្តឪពុក ទៅរកកូន, ព្រមទាំង បំបែរចិត្ត មនុស្ស រឹងទទឹង ឲ្យត្រឡប់មក ជាមនុស្ស សុចរិត, និងរៀបចំ ប្រជារាស្ត្រមួយ ជាស្រេច ទុក សម្រាប់ ទទួល ព្រះអម្ចាស់។»
សាការី
សួរទៅទេវតា ថា៖ «តើ ធ្វើម្ដេច ឲ្យខ្ញុំ ដឹងថា, ការនោះ ពិតជាកើត ឡើងមែន, ព្រោះ រូបខ្ញុំនេះ
ចាស់ហើយ? រីឯ
ប្រពន្ធខ្ញុំសោត ក៏មាន អាយុច្រើន ទៀតផង។»
ទេវតា តបវិញ ថា៖
«ខ្ញុំ
ឈ្មោះ កាព្រីយ៉ែល ជាអ្នកបំរើ ព្រះជាម្ចាស់។ ព្រះអង្គ
បានចាត់ខ្ញុំ ឲ្យនាំ ដំណឹងល្អនេះ មកប្រាប់លោក។ ប៉ុន្តែ ដោយលោក ពុំ ព្រមជឿ ពាក្យខ្ញុំ, លោក
នឹងទៅ ជាមនុស្ស គ និយាយពុំកើត, រហូត ដល់ថ្ងៃ
ដែលហេតុការណ៍ ទាំងនោះ បានសំរេច តាមពេល កំណត់។»
ក្នុងពេល ជាមួយគ្នានោះ
ប្រជាជន ទន្ទឹងរង់ចាំ សាការី, ហើយ ងឿងឆ្ងល់ណាស់, ព្រោះ លោក
ចូលទៅក្នុង ទីសក្ការៈ យូរដូច្នេះ។ កាលលោក ចេញមកវិញ,
លោក ពុំ អាចនិយាយ ទៅគេ បានឡើយ។ ប្រជាជន ទាំងនោះ យល់ថា, ប្រាកដ ជាលោក បានឃើញ ការអស្ចារ្យ អ្វីមួយ នៅក្នុង ទីសក្ការៈ ជាមិនខាន។
សាការី ធ្វើតែ កាយវិការ ឲ្យគេយល់ ព្រោះ លោក នៅ គ
និយាយមិនកើត។
លុះ សាការី បានបំពេញ ការងារ តាមវេន ចប់សព្វ គ្រប់ហើយ, លោក ក៏វិលត្រឡប់ ទៅផ្ទះវិញ។ ក្រោយមក អេលីសាបិត ជាភរិយា របស់លោក ក៏ចាប់មាន ផ្ទៃពោះ។ នាង លាក់ខ្លួន អស់រយៈពេល ប្រាំខែ។ នាង នឹកគិត ថា៖ «ឥឡូវនេះ ព្រះអម្ចាស់ បានប្រោសប្រណី ដល់រូបខ្ញុំ។ ព្រះអង្គ សព្វព្រះហឫទ័យ ឲ្យខ្ញុំ លែងខ្មាស មនុស្សលោក ទៀតហើយ។»
លុះ សាការី បានបំពេញ ការងារ តាមវេន ចប់សព្វ គ្រប់ហើយ, លោក ក៏វិលត្រឡប់ ទៅផ្ទះវិញ។ ក្រោយមក អេលីសាបិត ជាភរិយា របស់លោក ក៏ចាប់មាន ផ្ទៃពោះ។ នាង លាក់ខ្លួន អស់រយៈពេល ប្រាំខែ។ នាង នឹកគិត ថា៖ «ឥឡូវនេះ ព្រះអម្ចាស់ បានប្រោសប្រណី ដល់រូបខ្ញុំ។ ព្រះអង្គ សព្វព្រះហឫទ័យ ឲ្យខ្ញុំ លែងខ្មាស មនុស្សលោក ទៀតហើយ។»
ទេវតា
ជូនដំណឹង អំពី កំណើត ព្រះយេស៊ូ
ប្រាំមួយខែ ក្រោយមក, ព្រះជាម្ចាស់
បានចាត់ ទេវតា កាព្រីយ៉ែល ឲ្យទៅភូមិ ណាសារ៉ែត ក្នុងស្រុក កាលីឡេ ដើម្បី ជួបនឹងស្ត្រី
ក្រមុំ ព្រហ្មចារី ម្នាក់, ជាគូដណ្ដឹង របស់ កំលោះ ម្នាក់
ឈ្មោះ យ៉ូសែប ដែលត្រូវ ជាញាតិវង្ស ព្រះបាទដាវីឌ។ ស្ត្រី ក្រមុំនោះ ឈ្មោះ ម៉ារី។ ទេវតា
ចូលទៅ ក្នុងផ្ទះ ម៉ារី, ហើយ ពោលទៅ កាន់នាង
ថា៖ «ចូរ មានអំណរ សប្បាយឡើង! ព្រះអម្ចាស់ គាប់ព្រះហឫទ័យ នឹងនាងហើយ! ព្រះអង្គ
គង់ ជាមួយនាង។»
ពេលឮ ពាក្យនេះ ម៉ារី
រន្ធត់យ៉ាងខ្លាំង។ នាង រិះគិត ក្នុងចិត្ត ថា, តើ ពាក្យជំរាបសួរនេះ មានន័យ ដូចម្ដេច? ទេវតា ពោលទៅ កាន់នាង ថា៖ «កុំ ខ្លាចអី, ម៉ារី អើយ! ដ្បិត ព្រះជាម្ចាស់
គាប់ព្រះហឫទ័យ នឹងនាងហើយ។ នាង នឹងមានគភ៌ សម្រាលបាន បុត្រមួយ ដែលនាង ត្រូវ ថ្វាយព្រះនាម ថា
“យេស៊ូ”។ បុត្រនោះ នឹងមានឋានៈ ដ៏ប្រសើរឧត្ដម,
ហើយ គេ នឹងថ្វាយ ព្រះនាម ថា “ព្រះបុត្រា
នៃព្រះ ដ៏ខ្ពង់ខ្ពស់ បំផុត។” ព្រះជាម្ចាស់
នឹងតាំង បុត្រនោះ ឲ្យគ្រងរាជ្យ លើបល្ល័ង្ក របស់ ព្រះបាទដាវីឌ ជាព្រះអយ្យកោ
របស់ ព្រះអង្គ។ ទ្រង់ នឹងគ្រងរាជ្យ
លើប្រជារាស្ត្រ អ៊ីស្រាអែល អស់កល្ប ជានិច្ច, ហើយ រាជ្យ
របស់ ព្រះអង្គ នឹងនៅ ស្ថិតស្ថេរ ឥតមាន ទីបញ្ចប់ឡើយ។»
ម៉ារី សួរទៅទេវតា
ថា៖ «តើ
ធ្វើដូចម្ដេច នឹងឲ្យការនេះ កើតឡើងបាន, បើ នាងខ្ញុំ
មិនរួមរស់ ជាមួយ បុរសណាផង ដូច្នេះ?»
ទេវតា ឆ្លើយទៅនាងវិញ
ថា៖ «ព្រះវិញ្ញាណ
ដ៏វិសុទ្ធ នឹងយាងមក សណ្ឋិតលើនាង, គឺ ឫទ្ធានុភាព របស់ព្រះ
ដ៏ខ្ពង់ខ្ពស់ បំផុត នឹងគ្របបាំងនាង។ ហេតុនេះ,
គេ នឹងថ្វាយព្រះនាម ដល់បុត្រ ដ៏វិសុទ្ធ ដែលត្រូវ ប្រសូត មកនោះ
ថា, “ព្រះបុត្រា របស់ ព្រះជាម្ចាស់។” ម្យ៉ាងទៀត នាង អេលីសាបិត ជាញាតិ របស់នាង មានផ្ទៃពោះ
ប្រាំមួយខែ ហើយ, ថ្វីដ្បិត តែ គាត់ មានវ័យចាស់,
ថែមទាំង ជាស្ត្រីអារ ទៀតផង ក៏ដោយ, ព្រោះ
គ្មាន ការអ្វី ដែលព្រះជាម្ចាស់ ធ្វើមិនកើត នោះឡើយ។»
ម៉ារី ពោលទៅ ទេវតា ថា៖ «នាងខ្ញុំ ជាអ្នកបំរើ របស់ ព្រះអម្ចាស់។ សូម ឲ្យបានសំរេច តាមពាក្យ របស់លោក ចុះ។» បន្ទាប់មក ទេវតា ចាកចេញ ពីនាងទៅ។
ម៉ារី
ទៅសួរសុខទុក្ខ អេលីសាបិត
នៅគ្រានោះ, ម៉ារី
ប្រញាប់ ប្រញាល់ ធ្វើដំណើរ ទៅកាន់ភូមិមួយ នៅតំបន់ភ្នំ ក្នុងស្រុក យូដា។
នាង បានចូលទៅ ក្នុងផ្ទះ សាការី, ហើយ
ជំរាបសួរ អេលីសាបិត។ ពេលអេលីសាបិត ឮម៉ារី
ជំរាបសួរ, ទារក នៅក្នុងផ្ទៃនាង បំរះឡើង, ហើយ គាត់ ក៏បានពោរពេញ ដោយព្រះវិញ្ញាណ ដ៏វិសុទ្ធ, រួច បន្លឺសំឡេងឡើង ថា៖ «ព្រះជាម្ចាស់
បានប្រទានពរ ដល់នាង លើសស្ត្រីនានា, ហើយ ព្រះអង្គ
ក៏ប្រទានពរ ដល់បុត្រនាង ដែរ។
តើ រូបខ្ញុំនេះ មានឋានៈអ្វី បានជាមាតា ព្រះអម្ចាស់
របស់ខ្ញុំ មកសួរ សុខទុក្ខខ្ញុំ ដូច្នេះ? កាលខ្ញុំ
បានឮ ពាក្យជំរាបសួរ របស់នាង, ស្រាប់តែ កូន នៅក្នុងផ្ទៃខ្ញុំ
បំរះឡើង ដោយអំណរ សប្បាយ។ នាង ពិតជាមាន សុភមង្គលមែន, ព្រោះ នាង
បានជឿ ព្រះបន្ទូល ដែលព្រះអម្ចាស់ ប្រាប់នាង មុខជាបានសំរេច មិនខាន។»
ទំនុកតម្កើង
របស់ ម៉ារី
ពេលនោះ ម៉ារី ថ្លែងឡើង
ថា៖
«ព្រលឹងខ្ញុំ
សូម លើកតម្កើង ព្រះអម្ចាស់។
ខ្ញុំ មានចិត្តអំណរ
យ៉ាងខ្លាំង,
ព្រោះ
ព្រះជាម្ចាស់ ជាព្រះ សង្គ្រោះ របស់ខ្ញុំ,
ព្រះអង្គ
ទតមើលមកខ្ញុំ
ដែលជា អ្នកបំរើ
ដ៏ទន់ទាប របស់ ព្រះអង្គ។
អំណើះ តទៅ
មនុស្ស គ្រប់ជំនាន់ នឹងពោល ថា,
ខ្ញុំ ជាអ្នក
មានសុភមង្គល ពិតមែន។
ព្រះ ដ៏មាន ឫទ្ធានុភាព
បានសំដែង
ការប្រសើរ អស្ចារ្យ
ចំពោះ រូបខ្ញុំ។
ព្រះនាម របស់ ព្រះអង្គ
ពិតជាវិសុទ្ធ មែន!
ទ្រង់
មានព្រះហឫទ័យ មេត្តាករុណា
ដល់អស់អ្នក
ដែលកោតខ្លាច ព្រះអង្គ
នៅគ្រប់ជំនាន់
តរៀងទៅ។
ទ្រង់ បានសំដែង
ឫទ្ធិបារមី
កំចាត់មនុស្ស
ដែលមានចិត្ត ឆ្មើងឆ្មៃ។
ទ្រង់
បានទម្លាក់ អ្នក កាន់អំណាច ចុះ ពីតំណែង,
ហើយ ទ្រង់
លើកតម្កើង មនុស្ស ទន់ទាប ឡើង។
ទ្រង់
បានប្រទាន សម្បត្តិ យ៉ាងបរិបូណ៌
ដល់អស់អ្នក
ដែលស្រេកឃ្លាន,
ហើយ បណ្ដេញពួក អ្នកមាន
ឲ្យត្រឡប់ ទៅវិញ
ដោយដៃទទេ។
ព្រះអង្គ
បានជួយ ប្រជារាស្ត្រ អ៊ីស្រាអែល
ជាអ្នកបំរើ
របស់ ព្រះអង្គ,
ហើយ តែងតែ សំដែង
ព្រះហឫទ័យ មេត្តាករុណា
ដល់លោក អប្រាហាំ
និងពូជពង្ស របស់លោក
ជានិច្ច តរៀងទៅ,
ដូចទ្រង់
បានសន្យា ជាមួយ បុព្វបុរស របស់យើង,
ឥតភ្លេច សោះឡើយ។»
ម៉ារី
បានស្នាក់នៅ ជាមួយ អេលីសាបិត អស់រយៈពេល ប្រមាណ បីខែ, ទើបនាង
ត្រឡប់ ទៅផ្ទះវិញ។
កំណើត
យ៉ូហាន-បាទីស្ដ
លុះ អេលីសាបិត
គ្រប់ខែហើយ, គាត់ សម្រាលបាន កូនប្រុស មួយ។ អ្នកជិតខាង និងញាតិសន្ដាន
នាំគ្នា អបអរ សាទរ ជាមួយគាត់, ព្រោះ គេ បានឮ ដំណឹង
ថា, ព្រះអម្ចាស់ សំដែង ព្រះហឫទ័យ មេត្តាករុណា
ចំពោះគាត់ យ៉ាងច្រើន អនេក។
ប្រាំបីថ្ងៃ ក្រោយមក, គេ
ធ្វើពិធី កាត់ស្បែក ឲ្យទារកនោះ, ហើយ ចង់ដាក់ឈ្មោះ ថា
«សាការី» ដូចឪពុកដែរ, តែ ម្ដាយ ប្រាប់ថា, «ទេ!
ត្រូវ ដាក់ឈ្មោះ ថា “យ៉ូហាន” វិញ។»
ពួកគេ តបថា៖ «ក្នុង ញាតិសន្ដាន របស់អ្នក, គ្មាន នរណា មានឈ្មោះ ហ្នឹងទេ។»
គេ ធ្វើសញ្ញា សួរទៅ សាការី ថា, ចង់ដាក់ឈ្មោះ អ្វី ឲ្យកូន។ សាការី សូម ឲ្យគេ យកក្ដារឆ្នួន មួយមក, ហើយ សរសេរថា, «កូននេះ ឈ្មោះ យ៉ូហាន។» ពួកគេ ងឿងឆ្ងល់ គ្រប់គ្នា។ រំពេចនោះ ស្រាប់តែ លោក និយាយបាន ដូចដើមវិញ។ រួច លោក បន្លឺសំឡេង សរសើរ ព្រះជាម្ចាស់។ អ្នកជិតខាង កោតស្ញប់ស្ញែង គ្រប់ៗគ្នា, ហើយ ព្រឹត្តិការណ៍នេះ ឮសុសសាយ ពេញតំបន់ភ្នំ ក្នុងស្រុក យូដា។ អស់អ្នក ដែលបានឮ ក៏ចងចាំ រឿងនេះ ទុកក្នុងចិត្ត, ហើយ ដណ្ដឹងសួរ ខ្លួនឯង ថា៖ «តើ ថ្ងៃក្រោយ កូននេះ នឹងទៅ ជាយ៉ាងណា?» ដ្បិត ព្រះបារមី របស់ ព្រះអម្ចាស់ តាមជួយ ថែរក្សាកូននេះ។
ទំនុកតម្កើង
របស់ សាការី
ពេលនោះ សាការី
ជាឪពុក របស់ទារក បាន
ពោរពេញ
ដោយព្រះវិញ្ញាណ ដ៏វិសុទ្ធ, ហើយ ថ្លែងពាក្យ
ក្នុងព្រះនាម ព្រះអង្គ
ថា៖
«សូម
លើកតម្កើង ព្រះអម្ចាស់
ជាព្រះ
នៃជនជាតិ អ៊ីស្រាអែល,
ដ្បិត ទ្រង់
សព្វព្រះហឫទ័យ យាងមក
រំដោះ
ប្រជារាស្ត្រ របស់ ព្រះអង្គ។
ទ្រង់
បានប្រទាន ព្រះសង្គ្រោះ
ដ៏មានឫទ្ធិ មួយព្រះអង្គ
ពីក្នុងចំណោម
ព្រះញាតិវង្ស
របស់ ព្រះបាទដាវីឌ,
ជាអ្នក បំរើព្រះអង្គ,
មក ឲ្យយើង។
ព្រះជាម្ចាស់
ប្រទាន ព្រះសង្គ្រោះនេះ មកយើង
ស្រប នឹងព្រះបន្ទូល
សន្យា ថ្លែង តាមរយៈ
ព្យាការី របស់ ព្រះអង្គ
នៅជំនាន់ដើម,
គឺ ព្រះអង្គ សង្គ្រោះយើង
ឲ្យរួច
ពីកណ្ដាប់ដៃ របស់ ខ្មាំងសត្រូវ
និងរួច ពីអំណាច របស់
អស់អ្នក ដែលស្អប់យើង។
ព្រះអង្គ
សំដែងព្រះហឫទ័យ
មេត្តាករុណា
ដល់បុព្វបុរស របស់យើង,
ហើយ គោរព តាមសម្ពន្ធ
មេត្រី ដ៏វិសុទ្ធ យ៉ាងស្មោះស្ម័គ្រ,
គឺ ព្រះអង្គ
បានសន្យា យ៉ាងម៉ឺងម៉ាត់
ដល់លោក អប្រាហាំ
ជាបុព្វបុរស របស់យើង ថា,
ទ្រង់ នឹងរំដោះយើង
ឲ្យរួច ពីកណ្ដាប់ដៃ
របស់ ខ្មាំងសត្រូវ
ដើម្បី យើង អាចគោរព បំរើ ព្រះអង្គបាន ដោយឥត ភ័យខ្លាច, ព្រមទាំង
ឲ្យយើង រស់នៅ
បានបរិសុទ្ធ និងសុចរិត
ជាទីគាប់ ព្រះហឫទ័យ ព្រះជាម្ចាស់
ជារៀងរាល់ថ្ងៃ
រហូត អស់មួយជីវិត។
ចំណែក ឯកូនវិញ, កូន
នឹងទៅ ជាព្យាការី
របស់ ព្រះ ដ៏ខ្ពង់ខ្ពស់
បំផុត,
ព្រោះ កូន
នឹងដើរមុខ ព្រះអម្ចាស់
ដើម្បី រៀបចំផ្លូវ
ថ្វាយព្រះអង្គ។
កូន នឹងធ្វើ ឲ្យប្រជារាស្ត្រ
របស់ ព្រះអង្គ ដឹងថា,
ព្រះអង្គ
សង្គ្រោះគេ ដោយលើកលែង ទោស
ឲ្យគេ រួចពីបាប។
ព្រះ របស់យើង
មានព្រះហឫទ័យ
មេត្តាករុណា
ដ៏លើសលប់។
ព្រះអង្គ
ប្រទានថ្ងៃរះ ពីស្ថានលើមក ដើម្បី រំដោះយើង
និងដើម្បី បំភ្លឺអស់អ្នក
ដែលស្ថិត នៅក្នុង ទីងងឹត
ក្រោមអំណាច
នៃសេចក្ដីស្លាប់,
ព្រមទាំង តម្រង់ផ្លូវយើង
ឆ្ពោះទៅរក សេចក្ដី សុខសាន្ត។»
កុមារ យ៉ូហាន
មានវ័យ ចំរើនឡើង ជាលំដាប់, ទាំង ខាងរូបកាយ, ទាំង ខាងវិញ្ញាណ។
គាត់ រស់នៅ តែ ក្នុងវាល រហោស្ថាន, រហូត
ដល់ថ្ងៃ ដែលគាត់ បង្ហាញខ្លួន ឲ្យប្រជារាស្ត្រ អ៊ីស្រាអែល ឃើញ។
No comments:
Post a Comment